Елордада 9 қарашадан бастап бес бағытқа қосымша автобустар қосылып, рейстер арасындағы аралықтарды үш минутқа қысқартады. Бұл туралы City Transportation Systems компаниясы баспасөз қызметі мәлім етті.
Жақсартулар келесі бағдарларға тиесілі:
— № 3 бағдар — енді 14 автобус (бұрын 12);
— № 15 бағдар — енді 16 автобус (бұрын 15);
— № 31 бағдар — енді 10 автобус (бұрын 7);
— № 40 бағдар — енді 19 автобус (бұрын 18);
— № 326 бағдар — енді 4 автобус (бұрын 3).
Графиктердің санын көбейту жұмыстары жалғасып жатыр. Алдағы күндері басқа бағдарларға қосылған автобустар жөнінде хабарлаймыз, — деп хабарлады City Transportation Systems компаниясынан.
