Нұр-Сұлтан, BAQ.KZ. Аймақта қан қысымы, жарақаттану және онкология салдарынан қаза болу жағдайлары азайды. Бұл мәліметтер Денсаулық сақтау министрлігінің биылғы жылдың 6 ай қорытындысы бойынша өткізген жартыжылдық коллегиясында айтылды. Бұл туралы Қарағанды облысы әкімдігінің ресми сайтында хабарланды.
Мәліметтерге сәйкес, Қарағанды өңірінде қан қысымы жүйесі ауруларынан қаза болу 5.7% төмендеген. Мысалға, соңғы 5 жылда ауыр инфарктан қаза болу 24,8% азайған. Сонымен қатар, 1-жартыжылдық қорытындысы бойынша облыста ми қан қысымы жүйесінің бұзылуы салдарынан болатын аурулар 16,3%, ал өлім жағдайлары 8,5% азайған. Жедел жәрдем қызметін модернизациялаудың арқасында науқастарды инсульт орталықтарына уақтылы жеткізу 91,1% артты.
Қарағанды облысы Денсаулық сақтау басқармасының жетекшісі Ержан Нұрлыбаевтың сөзінше, қан қысымы жүйесі ауруларынан қаза болу деңгейін азайту - медициналық қызметкерлер алдындағы тұрған басты міндеттердің бірі.
"Инфаркт пен инсульт жастар арасында да өте қауіпті. Сондықтан біз оның алдын алуға бар күшімізді саламыз. Әркім қан қысымын, қандағы қант мөлшерін және холестеринді өлшей алады. Ол үшін өз емдеуші дәрігеріңе барып, емханада профилактикалық тексерістен өту керек", - дейді Нұрлыбаев.
Сондай-ақ, тексеру кабинеттерінің жұмысы арқасында онкологиялық аурулар ерте анықтала бастады. Бастапқы 0-1 кезеңде қатерлі ісікті анықтау 9,3% артты. Оның нәтижесінде 1-жартыжылдық бойынша қатерлі ісіктен қаза болу деңгейі 22,1% төмендеді.
Жалпы алғанда, қайғылы оқиғалардан, жарақаттану мен ұшынудан болатын өлім жағдайлары 3,4% азайды. Бала өлімі 2019 жылдың 6 айында 10,3% азайған.
"Бұл көрсеткіштерге біз медициналық ұйымдар мен 2016 жылы ашылған ситуациялық орталықтардың бірлескен жұмысы арқасында қол жеткізіп отырмыз. Бүгінде Қарағандыда негізгі бағыттар бойынша 8 орталық жұмыс істейді: жарақаттану, инсульт, түберкүлез, инфаркт, хирургиялық орталық, жұқпалы аурулар орталығы және жедел жәрдем қызметінің бірлескен диспетчерлік жүйесі",- деп атап өтті басқарма жетекшісі.
