BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

جامبىل وبلىسىندا 9 مىڭ قىزمەتكەردىڭ جالاقىسى كوتەرىلەدى

فوتو: ОКҚ баспасөз қызметі

استانا، baq.kz ٴتىلشىسى. بۇگىن جامبىل وبلىسىنىڭ اكىمى اسقار مىرزاحمەتوۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا مەملەكەت باسشىسىنىڭ جولداۋىنداعى باسىم باعىتتارى قالاي ورىندالىپ جاتقانى تۋرالى ايتتى.

«ٴبىرىنشى باسىمدىق – حالىق تابىسىنىڭ وسۋىنە قاتىستى، كەلەر جىلدان باستاپ، بيۋدجەتتەن جالاقى الاتىن 23424 قىزمەتكەر ٴۇشىن تومەنگى جالاقى وسكەلى وتىر. سول سەبەپتى جەكە كاسىپورىندارداعى تومەن جالاقى الاتىن ادامداردىڭ جالاقىسىن كوتەرۋگە قاتىستى ٴبىز ارنايى توپتاردى قۇرىپ، بۇگىنگى تاڭدا كاسىپورىن باسشىلارىمەن كەزدەسۋلەر وتكىزىلىپ، جۇمىس جۇرگىزىپ جاتىرمىز. وبلىستا 95-كە جۋىق كاسىپورىن بار. سونىڭ ىشىندە ٴ13-ى – ٴىرى كاسىپورىن. بۇگىنگى تاڭدا وسى كەلىسسوزدىڭ العاشقى ناتيجەسىندە كەلەر جىلى 9 مىڭ قىزمەتكەردىڭ ەڭبەكاقىسىن كوتەرگەلى وتىر. بۇل جەردە ايتۋىمىز كەرەك، ونى كوتەرگەن كەزدە تومەنگى جالاقى 42 مىڭ تەڭگەگە دەيىن ەمەس، ودان دا ارتاتىن بولادى»، - دەدى وبلىس اكىمى.

ول «بيزنەستىڭ جول كارتاسى» باعدارلاماسىنىڭ مەرزىمى 2025 جىلعا دەيىن ۇزارتىلۋىن ەسكەرە وتىرىپ، كەلەسى جىلى وبلىستا جوسپارلانعان 1،2 ملرد تەڭگە كەمىندە 2 ەسەگە ۇلعايتىلاتىنىن اتاپ ٴوتتى.

«شاعىن نەسيە بەرۋ ٴۇشىن جەرگىلىكتى بيۋدجەتتەن قوسىمشا 1 ملرد تەڭگە ٴبولىنىپ، بۇل باعىتتاعى جوبالاردى قارجىلاندىرۋ سوماسى 6،3 ملرد تەڭگەگە جەتتى. كەلەسى جىلى بۇل قارجىنىڭ كولەمىن 7،5 – 8،0 ملرد تەڭگەگە دەيىن كوتەرۋدى جوسپارلاپ وتىرمىز»، - دەدى مىرزاحمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي