BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

تۇركىستان: اسسامبلەيا جولداۋدى جۇزەگە اسىرۋعا جۇمىلادى

استانا. baq.kz. تۇركىستان وبلىسىندا قازاقستان حالقى اسسامبلەياسىنىڭ ۇيىمداستىرۋىمەن قر پرەزيدەنتى ن.ٴا.نازاربايەۆتىڭ قازاقستان حالقىنا ارناعان جولداۋىن ساراپتاۋعا ارنالعان جيىن ٴوتتى.

قازاقستان حالقى اسسامبلەياسىنىڭ ٴبىرىڭعاي كۇنى اياسىندا وتكەن ماجىلىسكە وبلىس باسشىلىعى، وبلىستىق اسسامبلەيا حاتشىلىعىنىڭ جانە «قوعامدىق كەلىسىم» كمم-نىڭ قىزمەتكەرلەرى، ەتنومادەني بىرلەستىكتەردىڭ ٴتوراعالارى، وبلىستىق اسسامبلەيا جانىنداعى قۇرىلىمداردىڭ جەتەكشىلەرى مەن مۇشەلەرى، جوعارى وقۋ ورىندارىنداعى «قازاقستان حالقى اسسامبلەياسى» كافەدراسىنىڭ وقىتۋشىلارى مەن جاستار قاتىستى.

جيىندا اسسامبلەيا مۇشەلەرى جولداۋداعى حالىقتىڭ ٴال-اۋقاتىن ارتتىرۋ، تۇرمىس ساپاسىن جاقسارتۋ، كاسىپكەرلىك ٴۇشىن قولايلى ورتا قالىپتاستىرۋ، ٴبىلىم مەن دەنساۋلىق ساقتاۋ سالالارىن ىلگەرىلەتۋ، قۇقىق قورعاۋ جۇيەسىندە ساپالىق رەفورما جۇرگىزۋ، وتاندىق ونەركاسىپتى دامىتۋ، اۋىل شارۋاشىلىعىن وركەندەتۋ سىندى ماڭىزدى باعىتتار اياسىنداعى ماقسات-مىندەتتەردى جۇزەگە اسىرۋ جولدارىن ٴسوز ەتتى.

جيىندا تۇركىستان وبلىسى اكىمىنىڭ ورىنباسارى ۇلاسبەك سادىبەكوۆ باعدارلامالىق قۇجاتتىڭ ماڭىزىنا توقتالىپ، ەلباسى بەلگىلەگەن ماقسات-مىندەتتەردى ىسكە اسىرۋدا اسسامبلەيا مۇشەلەرىنىڭ بەلسەندىلىك تانىتاتىنىنا سەنىم ٴبىلدىردى.

«جولداۋدا ايتىلعانداي: ٴاربىر قازاقستاندىق جۇرگىزىلىپ جاتقان رەفورمالاردىڭ ٴمانىن جانە ولاردىڭ وتانىمىزدى وركەندەتۋ جولىنداعى ماڭىزىن جەتە ٴتۇسىنۋى قاجەت. بۇل باعىتتاعى جۇمىستارعا وڭىردەگى اسسامبلەيا مۇشەلەرى جۇمىلدىرىلعانى دۇرىس. تۇرمىسىمىزدىڭ تۇزەلىپ، ٴومىرىمىزدىڭ ٴورىستى بولۋى جولىندا مەملەكەتتىمىز دە، ەلباسىمىز دا ايانىپ قالىپ جاتقان جوق. جاسالىپ جاتقان باعدارلامالار، ستراتەگيالىق جوبا-جوسپاردىڭ بارلىعى ەلىمىزدىڭ ەڭسەلى، حالقىمىزدىڭ قۋاتتى بولۋىن كوزدەيدى. ٴبىراق بۇل جۇمىستاردىڭ بارلىعى قوعام بولىپ قولداۋدى، جۇرت بولىپ جۇمىلۋدى تالاپ ەتەدى»، - ۇ.سادىبەكوۆ.

سونىمەن قاتار، تۇركىستان وبلىستىق قحا جانىنداعى عىلىمي-ساراپشىلىق توپتىڭ مۇشەسى، م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ پروفەسسورى نيگماتجان المەتوۆتىڭ، شىمكەنت قالالىق كورەي ەتنومادەني بىرلەستىگىنىڭ ٴتورايىمى روزا پاكتىڭ، تۇركىستان وبلىستىق قحاجانىنداعى «جاڭعىرۋ جولى» رەسپۋبليكالىق جاستار قوزعالىسى وڭىرلىك شتابىنىڭ مۇشەسى ابىلاي مۇسابەكوۆتىڭ حابارلاماسى تىڭدالادى.

جيىن سوڭىندا قاتىسۋشىلار ەركىن پىكىر الماسىپ، جولداۋ اياسىنداعى ماقسات-مىندەتتەردى تابىستى جۇزەگە اسىرۋدىڭ جولدارىن ناقتىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي