BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ٴتاريفتى كوتەرۋگە جول بەرمەيتىن «ٴبىرىڭعاي وپەراتور» قۇرىلادى – وبلىس اكىمى 

استانا، baq.kz ٴتىلشىسى. جامبىل وبلىسىندا گاز بەن اۋىز سۋ قۇبىرىن ۇيگە كىرگىزۋ ٴتاريفىن كوتەرمەۋ ماسەلەسىن شەشۋ ماقساتىندا «ٴبىرىڭعاي وپەراتور» قۇرىلدى. بۇل تۋرالى ٴوڭىر باسشىسى اسقار مىرزاحمەتوۆ وكق الاڭىندا وتكەن ٴباسپاسوز ٴماسليحاتىندا مالىمدەدى.

«قالا تۇرعىندارىن ورتالىقتاندىرىلعان سۋمەن قامتۋدى جىل سوڭىنا دەيىن 88%-عا جەتكىزۋدى كوزدەپ وتىرمىز. وسى ورايدا تاراز قالاسىندا ٴبىرقاتار جوبالار ىسكە اسىرىلۋدا. قاراتاۋ قالاسىندا 138 كوپقاباتتى تۇرعىن ۇيلەر مەن 56 الەۋمەتتىك نىساندارعا سۋ كەستەمەن بەرىلۋدە. جىل اياعىنا دەيىن سۋ تاۋلىك بويى بەرىلەتىن بولادى»، - دەدى وبلىس اكىمى.

مىرزاحمەتوۆتىڭ ايتۋىنشا، 373 اۋىلدىق ەلدى مەكەننىڭ 189-ى ورتالىقتاندىرىلعان، ٴ184-ى باسقا سۋ كوزدەرىمەن قامتىلىپ وتىر.

«ورتالىقتاندىرىلعان سۋ قۇبىرى جوق 184 اۋىلدىڭ 50-ىندە حالىقتىڭ سانى وتە از. ەكونوميكالىق تۇرعىدان ٴتيىمسىز بولعاننان كەيىن بۇل ماسەلەنى سۋ تاراتۋ پۋنكتتەرى ارقىلى شەشۋدى كوزدەپ وتىرمىز. قالعان 134 اۋىلدى 2019-2022 جىلدارى اۋىز سۋمەن قامتۋ جوسپارلانىپ وتىر»، - دەدى ٴوڭىر باسشىسى.

وسىعان دەيىن جامبىل وبلىسىندا گازدى ۇيگە كىرگىزۋ قۇنى قىمبات بولۋىنا بايلانىستى 88 مىڭ ادامنىڭ بۇل قىزمەتتى پايدالانا الماي وتىرعانىن ايتقان بولاتىنبىز. وڭىردە وسى ماسەلەسى سەكىلدى اۋىز سۋ قۇبىرى بولا تۇرا 50 مىڭ تۇرعىننىڭ سول قۇبىرعا قول جەتكىزە الماي وتىر. مۇنىڭ سەبەبى – قىمبات تاريف.

«بۇل ماسەلەنى توپتاستىرىلعان سۋ قۇبىرلارىنىڭ ٴتاريفى جوعارى بولعان كەزدە رەسپۋبليكالىق بيۋدجەت ەسەبىنەن سۋبسيديالاۋ مۇمكىندىگى ارقلى شەشەتىن بولامىز. سۋبسيديا الۋ ٴۇشىن قۇجاتتار ازىرلەنىپ جاتىر. ٴتاريفتى كوتەرمەۋ ماسەلەسىن شەشۋ ٴۇشىن وبلىستا «ٴبىرىڭعاي وپەراتور» قۇرعالى وتىرمىز»، - دەدى اسقار مىرزاحمەتوۆ وكق الاڭىندا وتكەن ٴباسپاسوز ٴماسليحاتىندا.

بۇعان دەيىن، ايماق باسشىسى تۇرعىندار ٴۇشىن گازدى ۇيگە كىرگىزۋ باعاسى تومەندەتىلگەنىن جەتكىزگەن بولاتىن. جالپى، وبلىس ورتالىعى تاراز قالاسىندا تاعى ەكى اۋدان پايدا بولدى. سونىمەن قاتار، اپاتتى مەكتەپتەر ماسەلەسى دە شەشىمىن تاباتىندىعى ايتىلدى. ال وڭىردەگى دارىگەرلەر اراسىندا كىمنىڭ جالاقىسى وسەتىنى تۋرالى اكىم ناقتى ويىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي