BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ساۋالناما: قازاقستاندىقتاردىڭ 80%-دان استامى مەملەكەت باسشىنىڭ جولداۋىنان حاباردار

فوتو: Бауыржан Жуасбаев

استانا. baq.kz. پرەزيدەنت ن.ٴا.نازاربايەۆ قازاقستان حالقىنا ارناعان «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» 2018 جىلعى جولداۋىن جاريالاعان سوڭ ٴۇشىنشى كۇنى ەۋرازيالىق ينتەگراسيا ينستيتۋتى ەل تۇرعىندارىنىڭ وي-پىكىرىن ٴبىلۋ ماقساتىندا قازاقستاننىڭ ٴىرى قالالارىندا، وبلىس ورتالىقتارى مەن اۋىلدارىندا قايتالاما ىرىكتەۋمەن تەلەفون ارقىلى جەدەل ساۋالناما جۇرگىزدى.

مەملەكەت باسشىسى ٴسوز سويلەگەن كۇننەن بەرى از ۋاقىت وتكەنىنە قاراماستان، ساۋالناما بارىسىندا تۇرعىنداردىڭ جولداۋدا ايتىلعان نەگىزگى يدەيالار تۋرالى جوعارى دەڭگەيدە حاباردار ەكەندىكتەرى جانە وعان قىزىعۋشىلىق تانىتىپ وتىرعاندىقتارى انىقتالدى. ساۋالناماعا قاتىسقانداردىڭ باسىم بولىگى (82%) ونىڭ مازمۇنىنان قانداي دا ٴبىر دەڭگەيدە بىلەدى. سۇرالعانداردىڭ كەمىندە جارتىسى ساۋالناما جۇرگىزىلگەن كەزدە بۇل قۇجاتتىڭ باستى ەرەجەلەرىمەن تولىق نەمەسە جارتىلاي تانىسىپ ۇلگەرگەن.

قازاقستاندىقتار جولداۋ مازمۇنىن جوعارى باعالادى. جولداۋمەن تانىسقان رەسپوندەنتتەردىڭ باسىم بولىگىنىڭ پىكىرىنشە، وندا حالىقتىڭ تۇرمىس ساپاسى مەن ٴال-اۋقاتىن ارتتىرۋ بويىنشا قاجەتتى شارالار ەسكەرىلگەن (84،6%). ناقتى وسى شارالار حالىقتىڭ ٴتۇرلى توپتارىنىڭ اراسىندا پىكىر تۋدىردى. اتاپ ايتقاندا، سۇرالعانداردىڭ ۇشتەن ٴبىر بولىگىنەن استامى ەڭ تومەنگى جالاقى مولشەرىن، سونىمەن قاتار مۇعالىمدەر مەن دارىگەرلەردىڭ ەڭبەكاقىسىن كوتەرۋ بويىنشا شارالاردى ەستە ساقتاپ قالعان، ونى قولدايدى (34،5%)، ٴاربىر بەسىنشى ادام (20،7%) دەنساۋلىق ساقتاۋ ساپاسى مەن قولجەتىمدىلىگىن ارتتىرۋ شارالارىن، تاعى سونشا ادام – ٴبىلىم ساپاسىن ارتتىرۋدى قولدايدى. ٴاربىر ونىنشى رەسپوندەنت تۇرعىن ٴۇيدىڭ قولجەتىمدىلىگىن قامتاماسىز ەتۋ شارالارىن اتاپ ٴوتتى، اسىرەسە، بۇل ماسەلە قالا تۇرعىندارى ٴۇشىن وزەكتى. جاس ۇرپاق جاستار جانە وتباسى ينستيتۋتىن كەشەندى قولداۋ شارالارىن، سونداي-اق 2019 جىلدى جاستار جىلى دەپ جاريالاۋدى وڭ باعالادى.

قازاقستان حالقى جولداۋدا ايتىلعان دەنساۋلىق ساقتاۋ جانە ٴبىلىم بەرۋ سالاسىنداعى، حالىقتىڭ تابىس دەڭگەيىنىڭ جانە تۇرعىن ٴۇيدىڭ قولجەتىمدىلىگىنىڭ ارتۋى، باعا مەن كوممۋنالدىق تاريفتەردىڭ ٴوسۋىن تەجەۋ، سونداي-اق سىبايلاس جەمقورلىقپەن كۇرەس بويىنشا شارالاردى قولداپ قانا قويماي، ولاردىڭ ٴبىرىنشى كەزەكتە ىسكە اسىرىلۋى قاجەتتىگىنە باسا كوڭىل بولەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي