BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پرەزيدەنت جولداۋىن ورىنداۋ ماقساتىندا ۇكىمەت جالپىۇلتتىق ٴىس-شارالار جوسپارىن قابىلدادى

فوتو: 7kun.kz

بۇگىن ۇلتتىق ەكونوميكا ٴمينيسترى تيمۋر سۇلەيمەنوۆ ۇكىمەتكە پرەزيدەنت جولداۋىن ىسكە اسىرۋ جونىندەگى جالپىۇلتتىق ٴىس-شارالار جوسپارىنىڭ جوباسىن تانىستىردى، دەپ حابارلايدى baq.kz ٴتىلشىسى.

جالپىۇلتتىق جوسپاردى ىسكە اسىرۋدىڭ التى ٴتۇيىنى بويىنشا 100 ٴىس-شارا كوزدەلگەن.

«حالىق تابىسىنىڭ ٴوسۋى اتتى ٴبىرىنشى مىندەت شەڭبەرىندە 24 ٴىس-شارا كوزدەلىپ وتىر. ولار جالاقىنىڭ ٴوسۋى جانە جاڭا جۇمىس ورىندارىنىڭ اشىلۋى ەسەبىنەن قازاقستاندىقتاردىڭ تابىسىن ارتتىرۋعا باعىتتالادى. اتاپ ايتقاندا، 2019 جىلدىڭ 1 قاڭتارىنان باستاپ ەڭ تومەنگى جالاقى مولشەرى كەزەڭ-كەزەڭىمەن كوتەرىلەدى. بيۋدجەت سالاسىنىڭ جۇمىسكەرلەرىنىڭ جەكەلەگەن ساناتتارىنىڭ جالاقىسى ۇلعايتىلادى. تابيعي مونوپوليالار تۇرعىن ٴۇي كوممۋنالدىق شارۋاشىلىق سالاسىنداعى زاڭناما جەتىلدىرەتىن بولادى. «بيزنەستىڭ جول كارتاسى – 2020» مەملەكەتتىك باعدارلاماسى جىل سايىن كەمىندە 30 ملرد تەڭگەمەن قوسا قارجىلاندىرا وتىرىپ، 2025 جىلعا دەيىن ۇزارتىلادى»، - دەدى ۇلتتىق ەكونوميكا ٴمينيسترى.

سۇلەيمەنوۆ ٴۇش اۋىسىمدى مەكتەپتەر ماسەلەسىن شەشۋگە قانشا قارجى بولىنەتىنىن ايتتى

جولداۋدا ايتىلعان تۇرمىس ساپاسىن ارتتىرۋ دەگەن ەكىنشى مىندەتتىڭ شەڭبەرىندە الەۋمەتتىك سەكتورعا جانە قاۋىپسىزدىككە باسا نازار اۋدارۋمەن بيۋدجەت شاراسىن قايتا قاراۋعا باعىتتالعان 22 شارا كوزدەلگەن.

«ٴبىلىم بەرۋ سالاسىندا وقۋشىلارعا ورىن تاپشىلىعىن جويۋ ٴۇشىن جانە ٴۇش اۋىسىمدى مەكتەپتەر ماسەلەسىن شەشۋ ٴۇشىن كەلەسى جىلى قوسىمشا 50 ملرد تەڭگە قارجىلاندىرۋمەن وڭىرلەردە مەكتەپ قۇرىلىسى باستالادى. مۇعالىمدەر مەن مەكتەپكە دەيىنگى ۇيىمدار جۇمىسكەرلەرىن ىنتالاندىرۋ ٴۇشىن كەلەسى جىلى «پەداگوگتار مارتەبەسى تۋرالى» زاڭ ازىرلەنەتىن بولادى. دەنساۋلىق ساقتاۋ سالاسىندا وسى جىلى استانادا ۇلتتىق عىلىمي ونكولوگيالىق ورتالىعىنىڭ قۇرىلىسى باستالادى»، - دەدى سۇلەيمەنوۆ.

ۇلتتىق ەكونوميكا ٴمينيسترى مەديسينا قىزمەتتەرىنىڭ ساپاسىن ارتىرۋ ٴۇشىن 2019 جىلى 1 قاڭتاردان باستاپ ەمحانالار مەن اۋرۋحانالار مەديسينالىق قۇجاتتامانى قاعازسىز، سيفرلىق تۇردە جۇرگىزۋگە كوشەتىنىن اتاپ ٴوتتى.

«وسى شارالاردىڭ بارلىعى حالىقتىڭ ساپاسىن ارتتىرۋدى قامتاماسىز ەتۋ ٴۇشىن نەگىز بولادى»، - دەدى ول.

ٴومىر سۇرۋگە جايلى ورتا قالىپتاستىرۋ دەگەن ٴۇشىنشى مىندەتتىڭ شەڭبەرىندە تۇرعىن ٴۇي جاعدايلارىن جاقسارتۋعا ەلدىڭ كەز كەلگەن ەلدىمەكەندەرىندە جايلى ٴارى ٴقاۋىپسىز ٴومىر سۇرۋگە باعىتتالعان 22 ٴىس-شارا كوزدەلگەن.

«بولاشاقتا ەلدى اۋماقتىق كەڭىستىكتە دامىتۋدىڭ 2030 جىلعا دەيىنگى بولجام سحەماسى جاڭا فورماتتا ازىرلەنىپ قابىلداناتىن بولادى. بۇل ەلىمىزدىڭ باسقارىلاتىن ۋربانيزاسياسىنىڭ جاڭا كارتاسىنا اينالادى. وڭىرلەردى دامىتۋدىڭ 2025 جىلعا دەيىنگى باعدارلاماسىنىڭ ناقتى ٴىس-شارالارىن، جوبالارىن قارجىلاندىرۋدى كورسەتە وتىرىپ، كەلەسى جىلدىڭ قاراشا ايىندا قابىلداناتىن بولادى. پراكتيكالىق شارالاردى ىسكە اسىرۋ ٴۇشىن «نۇرلى جول»، «نۇرلى جەر» مەملەكەتتىك باعدارلامالارىنىڭ مەرزىمدەرى 2025 جىلعا دەيىن ۇزارتىلادى»، - دەدى سۇلەيمەنوۆ.

مينيستر قۇقىق قورعاۋ ورگاندارىنىڭ جۇمىسىن تۇبەگەيلى جاقسارتۋ جانە ازاماتتار قاۋىپسىزدىگىن قامتاماسىز ەتۋ ماقساتىندا حالىقپەن جۇمىس ىستەۋدىڭ جاڭا زاماناۋي فورماتىن قوعامدىق قاۋىپسىزدىكتى مونيتورينگىلەۋ جۇيەلەرىمەن قامتاماسىز ەتۋدى كوزدەيتىن ىشكى ىستەر ورگاندارىن جاڭعىرتۋ بويىنشا جول كارتاسى قابىلداناتىن ايتتى. سوتتاردىڭ جۇمىس ىستەۋىنىڭ زاماناۋي فورماتىن جانە وزىق ەلەكتروندى سەرۆيستەردى ەنگىزۋ ارتىق سوت راسىمدەرىن قىسقارتۋ ارقىلى سوت جۇيەسىن جاڭعىرتۋ ودان ٴارى جالعاساتىن بولادى.

ال ازاماتتاردىڭ سۇرانىسىنا بەيىمدەلگەن مەملەكەتتىك اقپارات اتتى ٴتورتىنشى مىندەت شەڭبەرىندە 19 ٴىس-شارا كوزدەلگەن.

«مەملەكەت پەن قوعام اراسىنداعى الشاقتىقتى قىسقارتۋ ماقساتىندا مەملەكەتتىك ساياساتتىڭ ناقتى شارالارى مەن ناتيجەلەرىن ادامدارعا ٴتۇسىندىرۋدى كوزدەيتىن «جاڭا فورماسيانىڭ باسشىسى» مەملەكەتتىك باعدارلاماسى ازىرلەنەتىن بولادى. باسشى لاۋازىمدارعا تاعايىندالاتىن مەملەكەتتىك قىزمەتشىلەردى ارنايى قايتا دايارلاۋ كۋرستارىنا، جەكە سەكتوردىڭ ۇزدىك جەكە كومپانيالارعا جۇمىس تاجىريبەسى بار جانە بىلىكتى جەتەكشى ۋنيۆەرسيتەتتەرىندە ٴبىلىم العان ماماندار تارتىلاتىن بولادى»، - دەدى ۇلتتىق ەكونوميكا ٴمينيسترى.

سونداي-اق، ول ەڭبەكاقى تولەۋدىڭ جاڭا مودەلىنە كوشۋ ٴۇشىن بيۋدجەتتىك شىعىستاردى، ونىڭ ىشىندە ۆەدومستۆولىق باعىنىشتى ۇيىمداردىڭ شىعىستارىن وڭتايلاندىرۋ مەن ۇنەمدەۋدى باقىلاۋ قامتاماسىز ەتىلەتىنىن ايتتى.

«ٴتيىمدى سىرتقى ساياسات دەگەن بەسىنشى مىندەت شەڭبەرىندە سىرتقى ساياساتتى قازىرگى جاعدايلارعا بەيىمدەۋ جانە ۇلتتىق مۇددەنى پراگماتيزم قايراتتارىندا ىلگەرىلەتۋ بويىنشا شارالار قابىلداناتىن بولادى. ٴاربىر قازاقستاندىقتىڭ ەلىمىزدەگى ۇدەرىستەرىنە اتسالىسۋ التىنشى مىندەت شەڭبەرىندە 6 ٴىس-شارا كوزدەلگەن. اتاپ ايتقاندا، جاڭا مازمۇندى جانە باعىتتاردى كوزدەيتىن «رۋحاني جاڭعىرۋ» باعدارلاماسىنا وزگەرىستەر مەن تولىقتىرۋلار ەنگىزىلەدى. اعىمداعى جىلى جاستاردىڭ بارلىق ساناتىن قولداۋ شارالارىن كوزدەيتىن جاستار جىلىن ىسكە اسىرۋ جونىندەگى ٴىس-شارالار جوسپارى ازىرلەنەدى. اسكەري-پاتريوتتىق تاربيە ٴرولىن كۇشەيتۋ ٴۇشىن «سارباز بالالار-جاسوسپىرىمدەر» بىرلەستىگى قۇرىلادى. جالپى العاندا، جالپىۇلتتىق جوسپاردى ۋاقىتىلى ورىنداۋ مەملەكەت باسشىسىنىڭ حالىقتىڭ ٴال-اۋقاتىن جاسقارتۋعا باعىتتالعان جولداۋىندا بەرگەن تاپسىرمالارىن ٴتيىمدى ىسكە اسىرۋدى قامتاماسىز ەتۋگە جانە الەۋمەتتىك ەكونوميكالىق تۇراقتىلىقتى قامتاماسىز ەتۋدىڭ نەگىزىن قالاۋعا مۇمكىندىك بەرەدى»، - دەپ ٴسوزىن تۇيىندەدى ول.

جالپۇلتتىق جوسپار تانىستىرىلعان سوڭ ۇكىمەت مۇشەلەرى جارلىققا قول قويدى.

«وسى جارلىققا قول قويىلعاننان كەيىن مەملەكەتتىك ورگاندار مەن ۇيىمداردىڭ ٴبىرىنشى باسشىلارى، ٴوڭىر اكىمدەرى جالپىۇلتتىق جوسپار بويىنشا ٴىس-شارالاردىڭ ىسكە اسىرىلۋىن جەكە باقىلاۋعا الىپ، ونىڭ ۋاقتىلى ٴارى ساپالى ورىندالۋىن قامتاماسىز ەتەتىن بولسىن. ۇەم مەملەكەت باسشىسىنىڭ جارلىعىنىڭ جوباسىن پرەزيدەنت اكىمشىلىگىنە 12 قازانعا دەيىن وتكىزۋدى قامتاماسىز ەتەتىن بولسىن»، - دەپ تاپسىردى قر پرەمەر-مينيسترى باقىتجان ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي