BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

مۇرات ابەنوۆ: ٴوزىن جۇمىسپەن قامتۋشىلاردىڭ كوبەيۋى – بارشا قوعامنىڭ پروبلەماسى

قوعام قايراتكەرى مۇرات ابەنوۆ ەلىمىزدەگى ٴوزىن-وزى جۇمىسپەن قامتىعاندار سانىنىڭ ارتۋىنا بايلانىستى پىكىرىن facebook پاراقشاسىندا جاريالادى. ونىڭ ايتۋىنشا، مەملەكەت ازىرلەگەن شارالار قازاقستاندا ٴوزىن-وزى جۇمىسپەن قامتىعانداردى 1،2 ملن ادامعا قىسقارتادى، دەپ حابارلايدى ۆaq.kz ٴتىلشىسى.

«جاقىندا ٴوزىن-وزى جۇمىسپەن قامتىعاندار سانىنىڭ ارتۋىنا قاتىستى سىني پىكىر ايتىلدى. بۇل الەۋمەتتىك-ەكونوميكالىق باعىتتاعى مەملەكەتتىك باعدارلامالاردى جوسپارلاۋدا كوپ قيىندىق تۋعىزادى. ول ازاماتتاردىڭ وسى كاتەگورياسىنا جەڭىلدىكتەر قاراستىرىلعان مەديسينالىق قىزمەت سالاسىندا عانا ەمەس، سالىقتىق ٴتۇسىم، ناقتى جۇمىسسىزدار سانىن انىقتاۋ، ٴبىلىم سالاسىن جوسپارلاۋدا دا كەدەرگى بولادى»، - دەپ جازدى ول.

مۇرات ابەنوۆتىڭ ايتۋىنشا، ٴوزىن-وزى جۇمىسپەن قامتىعانداردىڭ كوبىسى جاسىرىن جۇمىسسىزداردىڭ قاتارىندا دەپ ەسەپتەلەدى. ٴبىراق ولار – شاعىن بيزنەس سالاسىنداعى كىشىگىرىم جەكە كاسىپكەرگە جۇمىس ىستەيتىندەر، سونداي-اق، تىركەۋسىز جۇمىس ىستەيتىن شاعىن كاسىپورىنداردىڭ جالدامالى جۇمىسشىلارى.

«مۇنداي جۇمىسشىلار ٴوزىن-وزى جۇمىسپەن قامتىعاندار بولىپ قانا ەسەپتەلەدى. ٴبىراق شىندىعىندا بۇلار بوس جۇمىس ورنى بار ەسەپتىڭ ارتىندا جاسىرىن تۇر. ٴبىز «سەرپىن» الەۋمەتتىك جوباسىنىڭ تۇلەكتەرىن جاپپاي جۇمىسپەن قامتۋ كەزىندە وسىنداي پروبلەماعا تاپ بولدىق. بىتىرگەندەردىڭ كوبىسى قىزمەت كورسەتۋ سالاسىنان جۇمىس تاپتى. ٴبىراق ٴبىز ولاردان جۇمىس ىستەپ جاتقانىن راستايتىن قۇجات تالاپ ەتكەندە، ولار جۇمىس بەرۋشىمەن ەشقانداي شارتقا وتىرماي، جالاقىنى قولما-قول الىپ جۇرگەنىن كوردىك. ياعني ولار ايتارلىقتاي جاقسى جالاقى الادى، ٴبىراق مۇنى ەشكىم قاداعالامايدى. دەگەنمەن، ولار ٴىس جۇزىندە ٴوزىن-وزى جۇمىسپەن قامتۋشىلار بولىپ تابىلادى»، - دەپ جازدى ساراپشى.

ونىڭ ايتۋىنشا، بۇل تەك مەملەكەت ٴۇشىن ەمەس، قوعام ٴۇشىن دە وتكىر ماسەلە. ويتكەنى، ٴوزىن-وزى جۇمىسپەن قامتۋشىلارعا بولىنەتىن الەۋمەتتىك شىعىنداردىڭ بەلگىلى ٴبىر بولىگى جالپى قازىنادان تولەنۋى كەرەك. ونىڭ ۇستىنە مۇنداي جۇمىسشىلاردىڭ ەڭبەك قۇقىعى قورعالعان. ولاردى كەز كەلگەن كۇنى جۇمىستان شىعارا الادى. زەينەتاقى اۋدارىمىن دا جاسامايدى. ولار ٴۇشىن ەڭبەككە جارامسىز پاراعى جانە ەڭبەك دەمالىسى جوق.

«وسى پروبلەماعا تاپ بولعان سوڭ، ٴبىز ەڭبەك جانە حالىقتى الەۋمەتتىك قورعاۋ مينيسترلىگىنىڭ باسشىلىعىمەن كەزدەستىك. ولار بۇل ماسەلەمەن اينالىسىپ جاتىر. سەبەپتەرى دە انىقتالدى. نەگىزگىسى – قولدانىستاعى زاڭناما پروبلەماسى. تىركەلمەگەن كاسىپكەرلەر مەن رەسمي تىركەلمەگەن جۇمىسشىلاردىڭ كوبەيۋىنە كاسىپكەرلىك پەن سالىق سالاسىنداعى قولدانىلىپ جۇرگەن قۇقىق نورمالارى»، - دەپ مالىمدەدى كەڭەس ٴتوراعاسى.

مىسالى، جىلدىق تابىسى 12 ايلىق ەسەپتىك كورسەتكىشىنەن اسپايتىن (2018 جىلعا – 340 مىڭ تەڭگە) جەكە كاسىپكەرلەر مەملەكەتتىك تىركەۋگە جاتپايدى.

«ياعني، كىشىگىرىم شارۋاشىلىق جۇمىسىن جەڭىلدەتەتىن نورما ەڭبەك شارتىن تىركەۋدى الىپ تاستاۋعا مۇمكىندىك بەردى. سوندىقتان ٴجۇز مىڭداعان ادام ەڭبەك قۇقىعىنسىز جۇمىس ىستەپ جاتىر. ال مەملەكەت ٴۇشىن ولار ٴوزىن-وزى جۇمىسپەن قامتۋشىلار عوي. ايتپاقشى، مۇنى ٴادىل جانە تەڭ باسەكەلەستىك دەپ ەسەپتەي المايمىز. ويتكەنى، ٴبىر كاسىپكەر جۇمىسقا رەسمي تۇردە قابىلداپ، سالىق تولەيدى، ال ەكىنشىسى سالىقتان قاشىپ، جۇمىسشىعا الەۋمەتتىك تولەمدەر تولەمەي، جاسىرادى»، - دەدى ابەنوۆ.

مينيسترلىكتە بۇل پروبلەمانى شەشۋدىڭ جۇيەلى شارالارى ناقتىلاندى. ٴوزىن-وزى جۇمىسپەن قامتۋشىلاردى قالىپتاستىرۋ ٴۇشىن جول كارتاسى قابىلداندى. ٴبىرىنشى كەزەكتە، مەملەكەتتىك كىرىس ورگاندارىندا تىركەلۋدىڭ جەڭىلدەتىلگەن جۇيەسىن ەنگىزۋدى قاراستىراتىنداي ەتىپ ٴتيىستى زاڭنامالىق بازاعا وزگەرىس ەنگىزۋ كەرەك. ول دەگەنىمىز - بەلگىلەنگەن مەجەدەن تومەن تابىس تاباتىن كاسىپكەرلەر قىزمەتتەردى سيفرلاندىرۋ اياسىندا حابارلاما بەرەتىن جۇيە ارقىلى (حقكو، قازپوشتا، e.gov.kz، ەڭبەكتىڭ ەلەكتروندى بيرجاسى) مىندەتتى زەينەتاقى سالىمدارى مەن الەۋمەتتىك تولەمدەرىن اۋدارىپ تىركەلە الۋ. مۇنىمەن قوسا، ولار 2020 جىلعا دەيىن سالىق پەن تولەمدەردەن بوساتىلادى.

تاعى دا، 2018 جىلدىڭ 1 قاڭتارىنا دەيىن جينالىپ قالعان زەينەتاقى سالىمى مەن الەۋمەتتىك تولەمدەر بويىنشا قارىزداردى جۇمىس بەرۋشىلەر تولەي الاتىنداي ەتىپ، اكىمشىلىك جاۋاپكەرشىلىككە تارتپاي، ايىپپۇلدارعا «كەشىرىم» قاراستىرۋ جوسپارلانىپ وتىر. ال باسقا وزگەرتۋلەردىڭ قاتارىندا مىناۋ بار: تىركەۋسىز جانە ەڭبەك شارتىن جاساسپاي قىزمەت ەتىپ جاتقان كاسىپكەرلەرگە تالاپ كۇشەيتىلەدى.

«وسى جانە تاعى باسقا جوسپارلار ٴوزىن-وزى جۇمىسپەن قامتۋشىلار سانىن 1،2 ملن ادامعا دەيىن قىسقارتۋعا مۇمكىندىك بەرەدى»، - دەپ قورىتتى ابەنوۆ.

ايتا كەتەيىك، مەملەكەت باسشىسى بيىلعى جولداۋىندا ٴوزىن-وزى جۇمىسپەن قامتۋشىلاردى تىركەۋدى جەڭىلدەتۋ كەرەك دەگەن تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي