BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

مۇعالىمدەردىڭ مارتەبەسى تۋرالى زاڭ ازىرلەنەدى – ساعاديەۆ

ەلباسىنىڭ تاپسىرماسى بويىنشا پەداگوگتىڭ مارتەبەسى تۋرالى زاڭ ازىرلەنەدى. زاڭدا مۇعالىمدەردىڭ الەۋمەتتىك مارتەبەسىن كوتەرۋ، وقۋ جۇكتەمەسىن قىسقارتۋ، قاجەتسىز تەكسەرۋ كوميسسيالارىنان قورعاۋ ٴۇشىن نورمالار قاراستىرىلادى. بۇل تۋرالى قر ٴبىلىم جانە عىلىم ٴمينيسترى ەرلان ساعاديەۆ قر ۇكىمەتىنىڭ وتىرىسىندا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

مينيستر جيىن بارىسىندا، ەلباسى جولداۋىندا ٴبىلىم بەرۋ جۇيەسىن ودان ارى دامىتۋ ماڭىزدى ستراتەگيالىق ماڭىزدى باعىتتاردىڭ ٴبىرى بولىپ بەلگىلەنىن، مۇعالىمدەردىڭ مارتەبەسى مەن قوعامداعى ٴرولىن ارتتىرۋعا ەرەكشە كوڭىل بولىنگەنىن ايتا كەلە، وسى قامقورلىعى ٴۇشىن ەلباسىعا ۇلكەن العىس ٴبىلدىردى.

سونداي-اق قازىرگى ۋاقىتتا مينيسترلىك اكىمدىكتەرمەن بىرلەسىپ ٴبىلىم بەرۋ جۇيەسىن جاڭعىرتۋ بويىنشا جۇيەلى جۇمىستار جاساپ جاتقاندىعىن، دەگەنىمەن ٴبىرقاتار ماسەلەلەر بار ەكەندىگىن ايتىپ ٴوتتى.

«ٴبىرىنشى، مەكتەپكە دەيىنگى تاربيە جانە وقىتۋ. ٴقازىر 3-6 جاسقا دەيىنگى بالالاردى قامتۋ 95 پايىزدى قۇرايدى، بالاباقشالارعا جولداما بەرۋدىڭ ەلەكتروندى جۇيەسى ەنگىزىلدى قازىرگى ۋاقىتتا ورتاشا 70 پايىز. 8 وڭىردە 100 %، ول استانا، الماتى، شىمكەنت جانە سولتۇستىك قازاقستان، اقتوبە، قىزىلوردا، ماڭعىستاۋ، اقمولا وبلىستارىندا. ەڭ تومەن كورسەتكىش قاراعاندىدا – 44، تۇركىستان وبلىسىندا – 35 جانە الماتى وبلىسىندا – 30%. سونىمەن قاتار جامبىل جانە قوستاناي وبلىستارىندا ەلەكتروندى جۇيە جوق. وسى جۇمىس وتە ماڭىزدى، ناتيجەسىندە كەزەك جاريالىق تۇردە ٴارى تەز جىلجيتىن بولادى. وسىعان ارنايى نازار اۋدارۋدى سۇرايمىن»، - دەدى ول.

سونىمەن قاتار ول، بالالاردىڭ دەنساۋلىعىن قورعاۋ مەكتەپكە دەيىنگى مەكەمەلەردىڭ باستى مىندەتىنىڭ ٴبىرى بولىپ تابىلاتىندىعىن جانە ٴقازىر بالاباقشالاردىڭ 5-0-80 پايىزىندا بەينەكامەرا ورناتىلعاندىعىن جەتكىزدى.

«كورسەتكىشتەرى تومەن وبلىستار: اقتوبە وبلىسى – 37%، تۇركىستان وبلىسى – 38%، قىزىلوردا وبلىسىندا – 39%، شىمكەنت جانە الماتى قالالارىندا – 50%. مەكتەپكە دەيىنگى مەكەمەلەردى كامەرامەن قامتاماسىز ەتۋدە ەڭ تومەنگى دەڭگەيى سولتۇستىك قازاقستان، قوستاناي، اقمولا، باتىس قازاقستان وبلىستارىندا بايقالادى. ەڭ جوعارى كورسەتكىش اتىراۋ، پاۆلودار، ماڭعىستاۋ جانە شىعىس قازاقستان، الماتى جانە شىمكەنت قالالارىندا»، - دەدى ول.

ٴسوز اراسىندا ول ەلباسىنىڭ تاپسىرماسىنا سايكەس بالاباقشالار مەن مەكتەپتەردى بەينەكامەرالارمەن قامتاماسىز ەتۋگە 2 جىل بەرىلىپ وتىرعاندىعىن، وسى جۇمىستى بۇگىنگى كۇننەن باستاپ قولعا الۋدى سۇرايتىندىعىن جەتكىزدى.

«ەلباسىنىڭ تاپسىرماسى بويىنشا مەكتەپكە دەيىنگى ٴبىلىم ساپاسىن جاقسارتۋ ٴۇشىن بالاباقشاداعى مامانداردىڭ ٴبىلىمىن كوتەرۋ قاجەت بولىپ تۇر. اكىمدىكتەرمەن بىرلەسە «جول كارتاسى» ازىرلەنەدى. وعان مەكتەپكە دەيىنگى تاربيەشىلەردىڭ بىلىكتىلىگىن ارتتىرۋ كۋرسىن ەنگىزۋ، ۇلتتىق تەستىلەۋ جۇيەسىن جاساۋ جانە سوعان بايلانىستى تاربيەشىلەردىڭ ايلىقتارىن كوتەرەتىن جاڭا كۆاليفيكاتسياچلىق جۇيەسى قاراستىرىلاتىن بولادى»، - دەدى مينيستر.

ساعاديەۆ سونداي-اق ەلباسىنىڭ تاپسىرماسى بويىنشا مۇعالىمدەردىڭ مارتەبەسى تۋرالى زاڭ ازىرلەنەتىندىگىن ايتىپ ٴوتتى.

«پەداگوگتىڭ مارتەبەسى تۋرالى زاڭ ازىرلەنەدى، زاڭدا مۇعالىمدەردىڭ الەۋمەتتىك مارتەبەسىن كوتەرۋ، وقۋ جۇكتەمەسىن قىسقارتۋ، قاجەتسىز تەكسەرۋ كوميسسيالارىنان قورعاۋ ٴۇشىن نورمالار قاراستىرىلادى. زاڭدى بەكىتۋ 2019 جىلعا جوسپارلانعان، بيىل زاڭ دايىندالىپ قوعامدىق تالقىلاۋ پروسەسىنەن وتەتىن بولادى»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي