BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ٴمۇعالىم بالالاردى وقىتۋمەن جانە تاربيەلەۋمەن عانا اينالىسۋى ٴتيىس – دەپۋتات

فوتو: ашық дереккөзден

ٴماجىلىس دەپۋتاتى پاۆەل كازانسەۆ قازاقستان پرەزيدەنتى نۇرسۇلتان نازاربايەۆتىڭ قازان جولداۋىنا قاتىستى پىكىرىمەن ٴبولىستى. دەپۋتاتتىڭ ايتۋىنشا، بيىلعى جولداۋدا جاستارعا اسا ۇلكەن ٴمان بەرىلگەن، دەپ حابارلايدى baq.kz ٴتىلشىسى.

«پرەزيدەنت ٴوز جولداۋىندا 27 جىلدا العاش رەت جاستار پروبلەماسىنا اسا ۇلكەن ٴمان بەردى. ارينە، جاستار ٴار جولداۋدا نازاردان تىس قالىپ وتىرعان جوق. ٴبىراق، بۇل مەكتەپتەردىڭ قۇرىلىسى، بالاباقشالار پروبلەماسى، جوعارى ٴبىلىم رەفورماسى، مۇعالىمدەرگە دەگەن قارىم-قاتىناسقا قاتىستى بولعان ەدى. ال ٴقازىر ەلباسى مەكتەپكە دەيىنگى ٴبىلىمنىڭ بارلىق دەڭگەيىن قامتىدى. بۇنىڭ ماتەريالدىق جاعىن عانا ەمەس، مازمۇندىق جاعىنا دا ٴمان بەردى. مەكتەپ بىلىمىندە دە سولاي. ٴۇش ماۋسىمدى ٴبىلىم بەرۋ ماسەلەسى قامتىلدى. سونداي-اق، مەكتەپ ٴتۋريزمى تۋرالى ٴسوز بولدى. بۇل دا اسا ماڭىزدى ماسەلە. سەبەبى تۋريزم ارقىلى ٴوزىنىڭ تۇرعان جەرىنە، وتانىنا دەگەن ماحاببات پايدا بولىپ، سايكەس تاربيە بەرىلەدى. سايكەسىنشە، بۇل كىتاپ ارقىلى بەرىلمەيتىن پاتريوتتىق دەپ اتالادى»، - دەدى كازانسەۆ تىلشىگە بەرگەن سۇحباتىندا.

ماجىلىسمەننىڭ ايتۋىنشا، جولداۋدا ۇستازدارعا كوپ ٴمان بەرىلدى. مۇعالىمدەردىڭ جالاقىسىنا، ونىمەن قوسا، ۇستازداردىڭ مارتەبەسىنە قاتىستى ماڭىزدى شەشىمدەر قابىلداندى. ال مۇعالىمدەر بۇنداي قادامدى بۇرىننان كۇتكەن ەدى.

«سەبەبى، ۇستازداردىڭ ٴومىرى ولارعا قاتىسى جوق فۋنكسيالارمەن قيىنداپ كەتكەن. ولار نەمەن عانا اينالىسپايدى؟ اكىمدىكتەر راحاتتانىپ تۇرىپ وسىنداي قولايلى ماسسانى پايدالانادى. ەندى اكىمدىكتەگىلەر ٴۇشىن «مۇعالىمدەردە ەرەكشە مارتەبە، ولار وقۋشىلارعا ٴبىلىم بەرۋمەن جانە ولاردى تاربيەلەۋمەن عانا اينالىسادى» دەگەن جاۋاپ دايىن تۇر. ال قالعان جۇمىسقا «ساۋ بول» ايتۋ كەرەك، ولار بولماۋى ٴتيىس. مەنىڭشە، بۇل دۇرىس»، - دەدى پاۆەل قازانسەۆ.

ٴماجىلىس دەپۋتاتىنىڭ ايتۋىنشا، ەلىمىزدە جوعارى وقۋ ورىندارىنىڭ سانى تىم كوپ، ولاردى قىسقارتۋ قاجەت. پرەزيدەنت ايتقانداي تەحنيكالىق جوو-لار اشۋ كەرەك. نازاربايەۆ ۋنيۆەرسيتەتى سياقتى ۇلتتىق، ٴىرى جوعارى وقۋ ورنى قاجەت. تەك تەحنيكالىق نە پوليتەحنيكالىق جوو بولعانى دۇرىس.

«سەبەبى، ٴقازىر ٴبىز سيفرلىق ماسەلەلەردە «ٴتۇنشىعىپ جاتىرمىز». بىزگە ينجەنەرلىك ٴبىلىم جەتىسپەيدى، ال الەۋمەتتىك ٴبىلىم تىم كوپ. جولداۋدا نازاربايەۆ زياتكەرلىك مەكتەپتەرىندە ٴبىلىمدى جەتىلدىرۋ ماسەلەسى دە ايتىلدى... ياعني، بۇكىل بلوك جاستارعا ارنالعان. بۇندا يدەولوگيالىق، تاربيە، ماتەريالدىق سۇراقتار قامتىلعان. جانە دە سوڭىندا پرەزيدەنت كەلەسى جىلدى جاستار جىلى دەپ جاريالايمىز دەدى. بۇل دۇرىس. سەبەبى، ٴقازىر نە ەكسەك، قارتايعاندا سونى ورامىز. ٴبىز نە كەرەك ەكەنىن تۇسىنسەك، ٴومىرىمىزدىڭ سوڭىنا دەيىن مەملەكەتىمىزبەن ماقتانعىمىز كەلسە، ونى كىمگە تاپسىرىپ جاتقانىمىزعا سەنىمدى بولعىمىز كەلسە، جاستارمەن اينالىسۋىمىز كەرەك. بالاباقشا، مەكتەپ پەن جوعارى وقۋ ورىندارىنداعى جاستارمەن ٴقازىر اينالىسۋ قاجەت. سوندا بىزدە بارلىعى جاقسى بولادى»، - دەپ تۇيىندەدى پاۆەل كازانسەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي