BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ٴماجىلىس دەپۋتاتتارى «نۇرلى جەر» قارجىسىنىڭ ٴبىر بولىگىن اۋىلعا ٴبولۋدى ۇسىندى

فوتو: ашық дереккөзден

استانا. baq.kz ٴتىلشىسى. بۇگىن پارلامەنت ماجىلىسىندە قازاقستان حالقى اسسامبلەياسىنىڭ دەپۋتاتتىق مۇشەلەرى قر پرەزيدەنتى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتىرۋ» اتتى جولداۋىن تالقىلادى.

«جولداۋدىڭ ەڭ ماڭىزدى بولىگى ول – ازاماتتارىمىزدى ساپالى جانە قولجەتىمدى باسپانامەن قامتاماسىز ەتۋ، بيزنەس پەن ينۆەستكليماتتى جاقسارتۋ. مەملەكەت باسشىسىنىڭ ەسكەرتۋىمەن ۇلتتىق بانكتىڭ «باسپانا» يپوتەكالىق ۇيىمى «7-20-25» باعدارلاماسى بويىنشا باستاپقى جارنانىڭ جۇكتەمەسىن تومەندەتۋ ٴۇشىن اتاۋلى قۇنى 1 ملن تەڭگە بولاتىن 50 مىڭنان كەم ەمەس باسپانا سەرتيفيكاتىن شىعاردى. ٴقازىر اكىمدىكتەر دە مەحانيزمدى ىسكە اسىرىپ وتىر. ٴقازىردىڭ وزىندە وڭ ۇلگىلەر بار، مىسالى الماتى وبلىسىنىڭ اكىمدىگى ميلليونداعان ازاماتتى «7-20-25» باعدارلاماسىنا قاتىسۋعا قىزىقتىرۋ ٴۇشىن ٴوز قارجىسىنان 2 ملن تەڭگە ٴبولدى»، - دەپ مالىمدەدى دەپۋتات.

بوجكونىڭ ايتۋىنشا، بۇل اۋىلدان باسپانا العىسى كەلەتىندەرگە جانە ماماندارعا ۇلكەن جاردەم بولاتىنىن ايتتى.

«تۇرعىن ٴۇيدىڭ باعاسى 8 ملن تەڭگە بولسا بۇل شەشىم باستاپقى جارنانى ايتارلىقتاي جەڭىلدەتەدى جانە يپوتەكانى جىلىنا 7% ۇستەمەمەن الۋعا مۇمكىندىك بەرەدى. قحا ٴتورالقاسىندا وسى ماسەلەنى قاراعانىمىزدا اۋىلداعى قوعامداستىق وكىلدەرىنىڭ ٴبىرى اۋىل تۇرعىندارى ٴۇشىن جىلدىق ۇستەمەنى 7% ەمەس، 4% قىلۋدى سۇرادى. ماسەلە تالقىلانۋى ٴتيىس، سەبەبى بۇل قوسىمشا قارجى. باسپانامەن قامتۋ باعدارلاماسىن اۋىل جاققا دا ىڭعايلاۋ قاجەت بولىپ وتىر. ماجىلىستە «نۇرلى جەردەگى» قارجىنىڭ ٴبىر بولىگى اۋىلعا باعىتتاۋ قاجەتتىلىگى تۋرالى ماسەلەنى كوتەرۋىمىز كەرەك.

اۋىلدا ٴبىر جاعىنان مامانداردىڭ سانى جەتكىلىكسىز، ال ەكىنشى جاعىنان ولار باسپانانىڭ جوقتىعىنان، جول، اۋرۋحانا، سپورتتىق مەكەمەلەر سەكىلدى الەۋمەتتىك ينفراقۇرىلىم دامىماعانتىقتان بارماي وتىر»، - دەدى پارلامەنت ٴماجىلىسى ٴتوراعاسىنىڭ ورىنباسارى.

ونىڭ ايتۋىنشا، الداعى 5 جىلدا 103 مىڭ ازامات باسپانا جاعدايىن جاقسارتا الادى.

«اكىمدەر دە بيۋدجەت قىزمەتكەرلەرى مەن جاس وتباسىلارعا ارنالعان بيۋدجەتتەگى مۇمكىندىكتەرىنە نەگىزدەپ، وسى سوماعا ٴوز ۇلەستەرىن قوسىپ، اۋىلدا باسپانا سالۋ ماسەلەسىنە جانداندىرادى دەپ وتىرمىز. بيىل ماجىلىستە اسكەري جانە قۇقىق قورعاۋ ورگاندارى قىزمەتكەرلەرىنە ارنالعان يپوتەكالىق باعدارلامانى ىسكە قوسۋ تۋرالى ٴبىرقاتار زاڭعا وزگەرىستەر ەنگىزدىك. وسى ارقىلى 71 مىڭ ازاماتىمىز باسپانالى بولادى. مەملەكەت قارجىسىنا 20 مىڭ جالدامالى جانە 56 نەسيەلىك پاتەرلەر سالىناتىن بولادى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي