BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

كوسارەۆ: جولداۋ قوعامدى تولعاندىرعان ماسەلەلەرگە جاۋاپ بەردى

قر پارلامەنتى ٴماجىلىسىنىڭ دەپۋتاتى ۆلاديسلاۆ كوسارەۆ ەلباسى نۇرسۇلتان نازاربايەۆتىڭ قازاقستان حالقىنا ارناعان كەزەكتى جولداۋىنا قاتىستى پىكىر ٴبىلدىردى، دەپ حابارلايدى baq.kz ٴتىلشىسى.

«ەلباسىنىڭ جولداۋى حالىقتى تولعاندىرعان ماسەلەلەرگە جاۋاپ بولدى. وسىلايشا، نۇرسۇلتان ٴابىش ۇلى مەملەكەتتىك ورگاندار حالىققا، قاراپايىم ازاماتتارعا قىزمەت ەتەتىنىن ٴتۇسىندىردى»، - دەدى دەپۋتات.

وسى ورايدا ول مەملەكەت ازاماتتاردىڭ قولايلى ٴومىر سۇرۋىنە جاعداي جاساۋعا مىندەتتى ەكەنىن جەتكىزدى.

«نارىق ٴوزىن-وزى رەتتەيدى دەپ ايتۋدىڭ قاجەتى جوق. مەملەكەت ازاماتتىڭ قالاي ٴومىر سۇرەتىنىنە، ونىڭ قالاي تاماقتاناتىنىنا، جۇمىسپەن قامتاماسىز ەتۋگە، بالالارىنىڭ ٴتيىستى كومەكتى الۋىنا جاعداي جاساۋعا مىندەتتى. جولداۋ قوعامنىڭ سۇرانىسىنا جاۋاپ بەردى. مەنىڭ ويىمشا، مەملەكەتتىك ورگاندار ەلباسى جولداۋىنداعى مىندەتتەردى ورىنداۋ ٴۇشىن ٴتيىستى جۇمىستار جۇرگىزەدى»، - دەدى ۆلاديسلاۆ كوسارەۆ.

ٴسوز سوڭىندا دەپۋتات مەملەكەت باسشىسى مەملەكەتتىك قىزمەتكەرلەر مەن پوليسياعا جاڭا مىندەتتەر جۇكتەگەنىن اتاپ ٴوتتى.

«مەملەكەت باسشىسى اركىم ٴوز مىندەتىنە جانە قازاقستان حالقىنا قالاي قىزمەت ەتكەنىنە جەكە جاۋاپ بەرەتىنىن اتاپ ٴوتتى. بۇل ەلىمىزدىڭ دامۋىنا تىڭ سەرپىن بەرەدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي