BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قحا دەپۋتاتتارى جولداۋدى ٴتۇسىندىرۋ ماقساتىندا وڭىرلەرگە بارادى

استانا. baq.kz.. قازاقستان حالقى اسسامبلەياسىنىڭ ماجىلىستەگى دەپۋتاتتىق توبىنىڭ مۇشەلەرى قر پرەزيدەنتى نۇرسۇلتان نازارابەۆتىڭ حالىققا جولداۋىن ٴتۇسىندىرۋ ماقساتىندا وڭىرلەردى ارالايدى. بۇل تۋرالى پارلامەنت ٴماجىلىسى ٴتوراعاسىنىڭ ورىنباسارى ۆلاديمير بوجكو «پرەزيدەنت جولداۋى – قازاقستان حالقىنىڭ ٴال-اۋقاتىن ارتتىرۋعا قامقورلىق» اتتى بايانداماسىندا ايتتى.

«قحا رەسپۋبليكالىق كەڭەسىندە جولداۋدى تالقىلاۋ بارىسىندا اسسامبلەيانىڭ جانە ونىڭ قۇرىلىمدارى مەن ەتنومادەني ۇيىمدارىنىڭ ارتىقشىلىقتارى انىقتالدى. اسسامبلەيانىڭ بارلىق قۇرىلىمى الدىندا حالىقتىڭ ٴارتۇرلى توبىنا ٴتۇسىندىرۋ جۇمىستارىنا قاتىسۋ مىندەتى تۇر»، - دەدى بوجكو.

پارلامەنت ٴماجىلىسى ٴتوراعاسىنىڭ ورىنباسارى ۆلاديمير بوجكو حاتشىلىقتا اسسامبلەيانىڭ ماجىلىستەگى دەپۋتاتتىق توبىنىڭ مۇشەلەرى بەلسەندى قاتىسۋى ماقساتىندا شارالار لەگى ۇيىمداستىرىلاتىنىن اتاپ ٴوتتى.

«17 قازان مەن 27 قازان ارالىعىندا وڭىرلەرگە ساپار بارىسىندا قولدارىڭىزدا تۇرعان جولداۋ يدەياسىمەن جانە قحا رەسپۋبليكالىق كەڭەسىنىڭ ۇندەۋىمەن قارۋلانۋىمىز قاجەت. قازاقستان حالقى اسسامبلەياسىنىڭ حاتشىلىعىمەن جانە ەتنومادەني بىرلەستىكتەرمەن كەزدەسىپ، ٴبىز قاراستىرعان جولداۋدان تۋىندايتىن زاڭنامالىق جوبالار تۋرالى بايانداۋىمىز قاجەت»، - دەپ اتاپ ٴوتتى سپيكەر.

ولار – «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ۇي-كوممۋنالدىق شارۋاشىلىق ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى»، «اگروونەركاسىپ كەشەنىن رەتتەۋ ماسەلەسى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى»، «2019-2020 جىلدارعا ارنالعان رەسپۋبليكالىق بيۋدجەت تۋرالى»، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋىن فورماليزاسيالاۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى.

«قحا كەڭەسى جولداۋ تاقىرىبىن الەۋمەتتىك جەلىلەردە، بۇقارالىق اقپارات قۇرالدارىندا ناسيحاتتاۋدى، سونداي-اق قحا حاتشىلىعى ەتنومادەني بىرلەستىكتەرىنىڭ جۇمىس جوسپارىنا قاجەتتى وزگەرىستەر ەنگىزۋ مىندەتىن العا قويىپ وتىر»، - دەدى بوجكو «پرەزيدەنت جولداۋى – قازاقستان حالقىنىڭ ٴال-اۋقاتىن ارتتىرۋعا قامقورلىق» اتتى بايانداماسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي