BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

قازان جولداۋىندا مەكتەپ ٴتۋريزمىن قايتا جاڭعىرتۋ ماسەلەسى كوتەرىلدى – پروفەسسور

ٴال-فارابي اتىنداعى قازاق ۇلتتىق ۋنيۆەرسيتەتى، ەكونوميكالىق زەرتتەۋ ورتالىعىنىڭ ديرەكتورى سايابەك زيادين قازان جولداۋى بويىنشا پىكىر ٴبىلدىردى. ول جولداۋ بارىسىندا ەلباسى «ٴوز جەرىڭدى تانىپ ٴبىل» جاڭا باستاماسى اياسىندا ەلىمىزدىڭ وڭىرلەرى بويىنشا جاپپاي مەكتەپ ٴتۋريزمىن قايتا جاڭعىرتۋ ماسەلەسىن كوتەرگەنىن ايتتى، دەپ حابارلايدى baq.kz ٴتىلشىسى.

ەكونوميكا عىلىمدارىنىڭ دوكتورى، پروفەسسور سايابەك ٴزياديننىڭ ايتۋىنشا، بايتاق ەلىمىزدىڭ ٴار ٴوڭىرى تانىمدىق تاريحي-شەجىرەلى ٴارى ماڭىزى زور مادەني نىساندارعا، مۇراجايلار مەن قورىقتارعا باي. ونىڭ ۇستىنە، دەمالىپ ساياحاتتاۋ ٴۇىن شيپالى سۋى مەن كوك جەلەكتى تابيعاتى دا بار. مىنە، وسىلاردى ەلباسى ايتقانداي، مەكتەپ وقۋشىلارىنا كەڭىنەن تانىستىرساق، ىشكى ٴتۋريزمدى دامىتۋعا دا ۇلەس قوسار ەدىك.

«ٴيا، ەلىمىز تاريحى تەرەڭ مەكەندەرگە وتە باي. قازاقتىڭ بايتاق دالاسى جەر استى بايلىعىمەن عانا ەمەس، شەجىرەگە تولى مازارلارىمەن، تاريحي كونە جادىگەرلەرىمەن دە قۇندى. ماسەلەن الىپتار مەكەنى بولعان شىعىس قازاقستان وبلىسىنداعى ادەبي-مەموريالدىق جيدەباي قورىعىن ايتۋعا بولادى. ونداعى كلاسسسيكالىق ادەبيەتىمىزدىڭ التىن دىڭگەكتەرى – اباي قۇنانبايەۆ پەن م. اۋەزوۆتىڭ مۇراجايلارى، سارىكول، قوڭىر اۋليە ۇڭگىرلەرى، ەڭلىك – كەبەك ەسكەرتكىشتەرى بار. ەلىمىزدىڭ وزگە وڭىرلەرىندەگى وسىنداي تاريحي ەسكەرتكىشتەر مەن مۇراجايلاردى تاماشالاۋعا مەكتەپ ۇيىمدارى كوشپەلى اقىلى تۋريزمدەر ۇيىمداستىرۋى كەرەك. «ٴوزىڭدى ٴوزىڭ سىيلاساڭ، جات جانىنان تۇڭىلەر» دەگەندەي ٴوزىڭدى سىيلاۋ دەگەندى بۇل ارادا – ٴوزىڭدى عانا ەمەس، ەلىڭدى، جۇرتىڭدى، مادەنيەتىڭدى تانىپ ٴبىلۋ، رۋحاني بيىك بولۋ دەگەن كەڭەيتىلگەن ماعىنادا دا قولدانۋعا بولادى. ول ٴۇشىن تۋعان جەردىڭ تاريحىن وقى، ٴبىل، ۇيرەن، ساياحاتتا، ۇلىلار ەلىنە بارىپ، ٴتاۋاپ ەتىپ، ساپارلاپ-ساياحاتتا. 1899 جىلى «رۋسسكيي تۋريست» جۋرنالىندا ارنايى مەكتەپ تۋريزمىنە ارنالعان جەكە ايدار پايدا بولعان. سول ايداردا اپتا سايىن قاي مەكتەپ وقۋشىلارى قانداي ەلدىمەكەندەردە بولعانى تۋرالى قىزىقتى ماقالالار جاريالانىپ وتىرعان. وسى ارقىلى باسقا مەكتەپ وقۋشىلارىنىڭ ٴدال سول جەرگە بارۋىنا سەبەپ بولعان ەكەن. قازىرگى سيفرلى داۋىردە فەيسبۋك، ينستاگرام الەۋمەتتىك جەلىلەرى ارقىلى ٴدال وسى مەكتەپ ٴتۋريزىمىن ەل ىشىندە ماڭىزدى ۇردىسكە اينالدىرۋعا بولادى. مەكتەپ وقۋشىلارى اراسىندا رەسپۋبليكا كولەمىندە ەسسە، شىعارمالار جازۋدان بايقاۋ وتكىزسە تىپتەن جاقسى بولار ەدى»، - دەيدى ول.

سونىمەن قاتار ول، بولاشاقتا قازاقستانداعى تۋريزم وڭىرلىك قانا ەمەس جاھاندىق سيپات الۋ كەرەكتىگىن جەتكىزدى.

«ول ٴۇشىن، ياعني ەلىمىزدەگى ٴتۋريزمنىڭ وركەندەۋى ٴۇشىن تاريحي ورىندارىمىز، شيپالى وزەن-كولدەرىمىز، جەر جاناتى كوكشەتاۋداعى عاجايىپ مەكەن –بۋراباي، شيپالى الاكول جانە تاعى باسقان مەكەندەردى يننوۆاسيالىق جانە مادەني ورتالىق رەتىندە دامىتىپ قالىپتاستىرۋدى قامتاماسىز ەتە بىلسەك، مەملەكەتتىك بيۋدجەت ايتارلىقتاي تولىعىپ، الەۋمەتتىڭ ٴال-اۋقاتى كوتەرىلەر ەدى. «باي تابيعاتىمىز بەن مادەني الەۋەتىمىزدى پايدالانۋ ٴۇشىن سىرتتان كەلەتىن جانە ىشكى ٴتۋريزمدى دامىتۋعا ەرەكشە كوڭىل ٴبولۋ قاجەت» دەپ ەلباسى جولداۋىندا ايتىلعانداي ٴتۋريزمنىڭ بارلىق ٴتۇرىن قازاقستاندا دامىتۋعا بولادى، جۇمىلا كوتەرگەن جۇك جەڭىل، وعان بارلىعىمىز ات سالىسۋىمىز قاجەت. ال تۇبەگەيلى ماقسات – سيفرلى ٴتۋريزمدى دامىتۋ بولۋى كەرەك»، - دەيدى پروفەسسور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي