BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قالمۇحانبەت قاسىموۆ ىشكى ىستەر ورگاندارىن جاڭعىرتۋ تۋرالى ايتتى

فوتو: 365info.kz

استانا، baq.kz. مينيستر قالمۇحانبەت قاسىموۆ ٴىىم-نىڭ القا ٴماجىلىسىن وتكىزدى. وندا مەملەكەت باسشىسىنىڭ 5 قازانداعى قازاقستان حالقىنا جولداۋى تالاپتارىنىڭ اياسىندا ىشكى ىستەر ورگاندارىنىڭ مىندەتتەرى قارالدى، سونداي-اق 2018 جىلدىڭ 9 ايىنداعى جۇمىس قورىتىندىسى جاسالدى. بۇل تۋرالى قازاقستان رەسپۋبليكاسى ٴىىم ٴباسپاسوز قىزمەتى حابارلادى.

جولداۋدى ىسكە اسىرۋ ٴۇشىن مينيسترلىك پرەزيدەنت اكىمشىلىگىنىڭ باسشىلىعىمەن قازاقستاندىق پوليسيانى جاڭعىرتۋ جونىندەگى جول كارتاسىن ازىرلەۋدى باستادى.

جول كارتاسىندا ٴىىم-نىڭ شتاتتىق سانىن وڭتايلاندىرۋ، باسقارۋشىلىق بۋىندى قىسقارتۋ، پوليسيانى وعان ٴتان ەمەس فۋنكسيالاردان ارىلتۋ جوسپارلانۋدا. پوليسيانى باعالاۋ ولشەمدەرى تۇبەگەيلى وزگەرتىلىپ، قوعامنىڭ سەنىم دەڭگەيى مەن حالىقتىڭ قاۋىپسىزدىگىن ارتتىرۋعا باعىتتالادى.

سونداي-اق، ق. قاسىموۆ ىشكى ىستەر ورگاندارىنىڭ جۇمىسىن سەرۆيستىك ۇلگىگە اۋىستىرۋدى كوزدەيتىن حالىقپەن جۇمىس ىستەۋدىڭ زاماناۋي فورماتتارىن ەنگىزىلەتىنى، كادردى ىرىكتەۋ جۇيەسىنەن باستاپ، ورنالاستىرۋعا جانە قىزمەت بابىندا جوعارىلاتۋ بويىنشا پوليسيانىڭ جاڭا ستاندارتتارى بەكىتىلەتىنى، ۆەدومستۆولىق ٴبىلىم بەرۋ جۇيەسىنىڭ تۇبەگەيلى وزگەرتىلەتىنى تۋرالى حابارلادى.

جالپى رەسپۋبليكا بويىنشا اعىمداعى جىلدىڭ 9 ايىندا قىلمىس سانى 9% ( 20،7 مىڭ.) قىسقاردى. قوعامدىق ورىندار مەن كوشەلەردە جاسالاتىن قاراقشىلىق، توناۋ، بۇزاقىلىق قىلمىستارى، بۇرىن سوتتالعاندار، ماس بولىپ قىلمىس جاساۋ جانە كامەلەتكە تولماعناداردىڭ قىلمىسى تومەندەدى.

ق.قاسىموۆ وڭىرلەردە قىلمىسقا قارسى كۇرەستى جانە قۇقىق بۇزۋشىلىقتاردىڭ الدىن الۋ جونىندەگى جۇمىستى جانداندىرۋدى تاپسىردى. بۇل رەتتە قىلمىستىڭ باسىم بولىگىن قۇرايتىن ۇرلىققا قارسى ٴىس-قيمىل ماسەلەلەرىنە ەرەكشە نازار اۋدارىلدى.

سونداي-اق جەدەل باسقارۋ ورتالىقتارىنىڭ جۇمىسىن جاقسارتۋ، قۇقىقتىق ٴتارتىپتى قورعاۋدى جانە ازاماتتاردىڭ قاۋىپسىزدىگىن قامتاماسىز ەتۋ بويىنشا كەزەكشى بولىمدەردىڭ پوليسيانىڭ كۇش-قۇرالدارىن باسقارۋدى جاقسارتۋ ماسەلەلەرى تالقىلاندى.

ٴىىم-نىڭ القا ماجىلىسىندە مينيسترلىكتىڭ ورتالىق اپپاراتى قىزمەتتەرىنىڭ جانە وڭىرلىك دەپارتامەنتتەردىڭ باسشىلارىنا ىشكى ىستەر ورگاندارى قىزمەتىنىڭ باسقا دا باعىتتارى بويىنشا ناقتى تاپسىرمالار بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي