BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

عاريفوللا ەسىم: جاستارعا كەرەگى – ٴبىلىم، جۇمىس، باسپانا

2018 جىلعى 6 قازاندا قر ۇلتتىق مۋزەيىندە پرەزيدەنت ن.ə. نازاربايەۆتىڭ حالىققا ارنالعان «قازاقستاندىقتاردىڭ əل-اۋقاتىنىڭ ٴوسۋى: تۇرمىس پەن تابىس ساپاسىن ارتتىرۋ» كەزەكتى جولداۋىنا وراي دوڭگەلەك ۇستەل ٴوتتى، دەپ حابارلايدى baq.kz اقپارات اگەنتتىگى.

اتالعان شاراعا قر ۇلتتىق مۋزەيى ديرەكتورىنىڭ م.ا. لەونيد كوچەتوۆ، فيلوسوفيا عىلىمدارىنىڭ دوكتورى، پروفەسسور عاريفوللا ەسىم، قر ەڭبەك سىڭىرگەن مəدەنيەت قايراتكەرى جانعالي ٴجۇزباي، مەملەكەت تاريحى ينستيتۋتىنىڭ عىلىمي قىزمەتكەرى جاباي قاليەۆ جəنە مۋزەي قىزمەتكەرلەرى قاتىستى. دوڭگەلەك ۇستەلگە قاتىسقان قاۋىم قازاقستاندىقتاردىڭ ٴومىر ٴسۇرۋ ساپاسىن ارتتىرىپ، حالىقتىڭ əلەۋمەتتىك جاعدايىن جاقسارتۋعا ارنالعان جولداۋ تۋرالى كەڭىنەن əڭگىمە ٴوربىتىپ، ٴوز پىكىرلەرىن ورتاعا سالدى.

جيىن بارىسىندا ٴسوز العان ۇلتتىق مۋزەي ديرەكتورىنىڭ مىندەتىن اتقارۋشى لەونيد كوچەتوۆ: «جاسىراتىنى جوق، الەمدە بولىپ جاتقان جاعدايلار، ٴسات سايىن قۇبىلىپ جاتقان جاھاندىق ساياسات ەل كوڭىلىنە الاڭ كىرگىزگەنى راس. جۇرت وسىنىڭ بارىنە ەلباسىنان جاۋاپ كۇتتى. ٴاربىر ماسەلە بويىنشا ناقتى جاۋاپتى ادامدارمەن ديالوگ قۇرىپ، ورىندالۋ بارىسى جايلى جان-جاقتى تالداۋ جاساعان مەملەكەت باسشىسىنىڭ ٴاربىر ٴسوزى قازاقستاندىقتاردىڭ بويىنا سەنىم ۇيالاتتى. ۇستاز مارتەبەسىنىڭ ارتۋى، جالىقىنىڭ ٴوسۋى، جاستارعا دەگەن مەملەكەتتىك قامقورلىق – وسىنىڭ ٴبارى كوپشىلىكتىڭ كوكەيىندە جۇرگەن ماسەلە ەدى. بۇل جولداۋ – نۇرسۇلتان ٴابىش ۇلىنىڭ سارابدال ساياساتىنىڭ زاڭدى جالعاسى» – دەدى ول.

فيلوسوفيا عىلىمدارىنىڭ دوكتورى، ابايتانۋشى، عالىم عاريفوللا ەسىم دە ٴوز ويىن ورتاعا سالدى.

«ٴبىز بۇرىن ٴجىو-نىڭ 1-1،5 پايىزىن ٴبىلىم-عىلىمعا بولۋگە كۇش سالدىق. جانە سوعان قول جەتكىزە المادىق. ال وسى جولداۋىندا پرەزيدەنت ٴجىو-نىڭ 10 پايىزىن ٴبىلىم-عىلىمعا ٴبولۋ كەرەك دەدى. ەندى سول بولىنەتىن قارجىنى دۇرىس جۇمساۋىمىز كەرەك. سەبەبى ٴجىو-نىڭ 10 پايىزى دەگەن ول قىرۋار قارجى. سالىستىرمالى تۇرددە ايتاتىن بولساق ۇلىبريتانيادا ٴجىو-نىڭ 1.3 پايىزى، دانيادا – 1.9، يرلانديادا – 1.6، اقش-تا – 2.6 پايىزى عىلىمعا جۇمسالادى. عىلىم مەن بىلىمگە ٴدال وسىلاي كوڭىل بولىنەتىن بولسا ٴبىز دامىعان ەلدەردىڭ قاتارىنا قوسىلا الامىز» – دەدى. جولداۋدا اتالىپ وتكەن 2019 جىلدى «جاستار جىلى» دەپ جاريالاۋ تۋرالى پرەزيدەنت ٴسوزىن قولدايتىنىن ايتقان عاريفوللا ەسىم «جاستارعا كەرەگى ٴۇش-اق نارسە: ٴبىلىم، جۇمىس جانە باسپانا» – دەپ ويىن تۇيىندەدى.

جينالعان قاۋىم باعدارى بولەك، باعىتى ايقىن پرەزيدەنت نۇرسۇلتان نازاربايەۆتىڭ جولداۋىنا قولداۋ ٴبىلدىرىپ، وزەكتى مəسەلەلەر ۇتىمدى شەشىمىن تاۋىپ، الداعى ۋاقىتتا ەل يگىلىگى ٴۇشىن وڭ وزگەرىستەر بولاتىنىنا سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي