BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەلباسىنىڭ جولداۋى ٴبىزدى رۋحتاندىردى – مۇگەدەكتەر بىرلەستىگى

فوتو: Нұржас Жақсыбай

5 قازان كۇنى قر پرەزيدەنتى نۇرسۇلتان نازاربايەۆ جىل سايىنعى حالىققا ارناعان جولداۋىندا مۇمكىندىگى شەكتەۋلى تۇلعالارعا ارنالعان «كەدەرگىسىز ورتا» قالىپتاستىرۋعا زور ٴمان بەرىلۋگە ٴتيىس دەپ اتاپ ٴوتتى. ەلباسىنىڭ وسى باستاماسىنا «دوس» تاۋەلسىز ٴومىر» ورتالىعى مۇگەدەكتەرىنىڭ قوعامدىق بىرلەستىگى وكىلدەرى پىكىر ٴبىلدىردى، دەپ حابارلايدى baq.kz ٴتىلشىسى.

«ەلباسى جولداۋىنداعى باعىتتاردىڭ ٴبىرى – ەلىمىزدەگى مۇگەدەكتىگى بار جاندارعا تاعى ٴبىر نازارىن ٴبولۋى. ول باعدارلامادا ەلباسىمىز مۇگەدەكتىگى بار جاندارعا ٴار قالادا، ٴار وبلىستا، ٴار اۋىلدا قوعامداعى باسقا ازاماتتارمەن بىردەي جاعداي جاساۋ تۋرالى ايتتى. مۇگەدەكتىگى بار جاندار قازىرگى تاڭدا قوعامعا، ورتاعا بەلسەندى تۇردە ارالاسىپ، جۇمىسقا ورنالاسىپ، ٴبىلىم الىپ، جاقسى ٴومىر سۇرۋدە. مۇگەدەكتىگى بار ادامداردىڭ ٴوزى تاۋەلسىز ٴومىردى وتكەن سوڭ نەمقۇرايلى قاراماي باسقا جاندارعا كومەكتەسىپ، تاجىريبەسىمەن ٴبولىسىپ، قوعامدا بەلسەندىلىك تانىتقانى ٴبىزدى وتە قۋانتادى»، - دەدى «دوس تاۋەلسىز ٴومىر» ورتالىعى مۇگەدەكتەرىنىڭ قوعامدىق بىرلەستىگىنىڭ اتقارۋشى ديرەكتورى.

ال بىرلەستىكتىڭ ٴتورايىمى دينا ەرديلدينوۆا ەلباسىنىڭ بيىلعى جولداۋى مۇگەدەك جانداردى رۋحتاندىرعانىن ايتادى.

«مەملەكەت باسشىسى مۇمكىندىگى شەكتەۋلى تۇلعالارعا ارنالعان «كەدەرگىسىز ورتا» قالىپتاستىرۋعا زور ٴمان بەرىلۋگە ٴتيىس دەدى. بۇل ٴبىزدى رۋحتاندىرادى. مۇگەدەك ازاماتتارعا كەدەرگىسىز ورتا قۇرۋعا ٴبىز دە اتسالىسامىز. جىل سايىنعى جولداۋىندا پرەزيدەنت مۇمكىندىگى شەكتەۋلى ازاماتتارعا نازار اۋدارۋىمىز كەرەك، ولار باسقا دا ازاماتتارىمىز سەكىلدى جۇمىس ىستەپ، ەڭبەك ەتۋى ٴتيىس، جاقسى ٴومىر ٴسۇرۋى ٴتيىس دەپ ايتادى. سول ٴۇشىن مۇمكىندىگى شەكتەۋلى جاندارعا جايلى ورتا قالىپتاستىرۋدى تاپسىردى. قازىرگى تاڭدا مۇنداي ازاماتتار جۇمىسقا ورنالاسىپ، باسقالارمەن تەڭدەي ٴبىلىم الاتىنى قۋانتادى. ولار وتباسىن قۇرىپ، سپورتپەن اينالىسىپ، بۇقارالىق سپورت پەن مادەني شارالارعا قاتىسىپ ٴجۇر»، - دەدى «دوس» تاۋەلسىز ٴومىر» ورتالىعى مۇگەدەكتەرىنىڭ قوعامدىق بىرلەستىگى ٴتورايىمى دينا ەرديلدينوۆا.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي