BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەلباسىنىڭ جولداۋى اعارتۋ سالاسى قىزمەتكەرلەرى ٴۇشىن تىڭ سەرپىلىس بولدى – پروفەسسور

فوتو: Автор

ەلباسى ن.ٴا.نازاربايەۆ 5 قازان كۇنى رەسپۋبليكالىق باق ارقىلى جاريالاعان «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى ٴداستۇرلى جولداۋىنداعى جاڭا باعىتتار مەن مىندەتتەر ەلىمىزدە ۇلكەن، اۋقىمدى ىستەردىڭ باستاۋى بولماق. بۇل جايىندا قاراعاندى مەملەكەتتىك ۋنيۆەرسيتەتىڭ پروفەسسورى، فيلولوگيا عىلىمدارىنىڭ دوكتورى قويلىباي اسان ۇلى ايتتى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

«تاۋەلسىزدىكتىڭ ٴۇشىنشى ون جىلدىعىندا وتىرعان ەلىمىز ٴۇشىن پرەزيدەنتىمىزدىڭ بۇل جولداۋى قازاقستان حالقىنا ۇلكەن كۇش بەرىپ، جاڭا يدەيالارعا ۇمتىلۋىنا، ساياسي-ەكونوميكالىق دامۋى مەن رۋحاني كەمەلدەنۋىنە تىڭ سەرپىن بەرەرى ٴسوزسىز»، - دەيدى پروفەسسور قويلىباي اسان ۇلى.

«جولداۋدا قاداپ كورسەتىلگەن، «كەلەسى جىلى «پەداگوگ مارتەبەسى تۋرالى» زاڭدى ازىرلەپ، قابىلداۋ قاجەت دەپ سانايمىن. بۇل قۇجات مۇعالىمدەر مەن مەكتەپكە دەيىنگى مەكەمەلەر قىزمەتكەرلەرى ٴۇشىن بارلىق يگىلىكتى قاراستىرىپ، جۇكتەمەنى ازايتۋعا، ٴجونسىز تەكسەرىستەر مەن مىندەتتەن تىس فۋنكسيالاردان اراشالاۋعا ٴتيىس» دەگەن سوزدەرى اعارتۋ سالاسى قىزمەتكەرلەرى ٴۇشىن تىڭ سەرپىلىس بولدى. سونداي-اق، جوعارى ٴبىلىم بەرۋ ىسىندە وقۋ ورىندارىنىڭ مامان دايىنداۋ ساپاسىنا قاتىستى تالاپتاردىڭ كۇشەيتىلۋى مەن جوعارى وقۋ ورنىنىڭ تابىستىلىعىن باعالاۋدىڭ باستى كريتەرييى – وقۋ بىتىرگەن ستۋدەنتتەردىڭ جۇمىسپەن قامتىلۋى، جالاقىسى جوعارى جۇمىسقا ورنالاسۋى جايىندا ايتىلعان پىكىرلەر جاستاردىڭ بولاشاعىنا جارقىن ٴۇمىت سىيلادى»، - دەيدى عىلىم دوكتورى.

قارمۋ پروفەسسورى جولداۋدا ايتىلعان نەگىزگى التى باعىت ۋاقىت تالابىنان تۋىنداپ وتىرعان ۇسىنىستار مەن مىندەتتەر ەكەندىگىن ايتادى.

«ەلباسىنىڭ بۇرىنعى جولداۋلارىندا ايتقان «ٴبىزدىڭ مىندەتىمىز – ٴبىلىم بەرۋدى ەكونوميكالىق ٴوسۋدىڭ جاڭا مودەلىنىڭ ورتالىق بۋىنىنا اينالدىرۋ. وقىتۋ باعدارلامالارىن سىني ويلاۋ قابىلەتىن جانە ٴوز بەتىمەن ىزدەنۋ داعدىلارىن دامىتۋعا باعىتتاۋ قاجەت» دەگەن سوزدەرى ٴالى كۇنگە كۇن تارتىبىنەن تۇسپەي كەلە جاتقان وزەكتى ماسەلەلەردىڭ ٴبىرى ەكەندىگى اقيقات. بۇل جولعى جولداۋدا دا، وتكەندى سارالاي وتىرىپ، بولاشاققا باياندى ىستەرمەن قادام باسۋ كەرەك ەكەندىگى ناقتى كورسەتىلگەن. جولداۋدىڭ «تۇرمىس ساپاسىن ارتتىرۋ» اتتى ەكىنشى باعىتىندا ايتىلعان مەكتەپكە دەيىنگى ٴبىلىم بەرۋ ساپاسىن تۇبەگەيلى جاقسارتۋ، ورتا ٴبىلىم جۇيەسى، ٴبىلىم بەرۋدىڭ جاڭا ساپاسى جايلى ۇسىنىستارى قوعام ٴۇشىن ماڭىزدى»، - دەگەن پىكىردە ق.اسان ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي