BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

بيىلعى جولداۋ جاستارعا تىڭ سەرپىن بەرەدى – وبلىس اكىمى

فوتو: Farmers.kz

بيىلعى جولداۋ جاستارعا تىڭ سەرپىن بەرەدى، سەبەبى ەلباسى كەلەسى جىلدى «جاستار جىلى» دەپ جاريالادى. بۇل جونىندە جامبىل وبلىسىنىڭ اكىمى اسقار مىرزاحمەتوۆ قر پرەزيدەنتى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىنا ارنالعان وبلىس اكتيۆى جينالىسىندا مالىمدەدى، دەپ حابارلايدى baq.kz ٴتىلشىسى.

«جولداۋداعى التىنشى باسىمدىقتا ٴاربىر قازاقستاندىقتىڭ ەلىمىزدەگى وزگەرىستەر ۇدەرىستەرىنە اتسالىسۋ قاجەتتىلىگى ايتىلدى. ٴاربىر وبلىس تۇرعىنى جۇرگىزىلىپ جاتقان رەفورمالاردىڭ ٴمانىن جەتە تۇسىنۋگە كۇش سالۋ قاجەت. وسى ورايدا «رۋحان جاڭعىرۋ» باعدارلاماسىنىڭ ىسكە اسىرىلۋى بارشامىزعا قاتىستى. جامبىل وبلىسى ەكونوميكاسىنىڭ باسىمدى باعىتتارىنىڭ ٴبىرى رەتىندە تۋريزم سالاسىنا ەرەكشە كوڭىل ٴبولىنىپ وتىر»، - دەگەن وبلىس باسشىسى 2018 جىلدىڭ باسىنان باستاپ ايماقتاعى ٴتۋريزمدى دامىتۋ ماقساتىندا وبلىستىڭ وڭتايلى ٴيميدجىن قالىپتاستىرۋعا باعىتتالعان ٴبىرقاتار ٴىس-شارالارعا توقتالىپ ٴوتتى.

"بيىلعى جولداۋ جاستارعا تىڭ سەرپىن بەرەدى، سەبەبى ەلباسى كەلەسى جىلدى «جاستار جىلى» دەپ جاريالادى. جاستارعا سانالى تاربيە مەن زامان تالابىنا ساي ساپالى ٴبىلىم بەرۋ - بارشامىزعا ورتاق مىندەت. بۇگىندە وڭىردە 240 مىڭنان استام جاس بار. بۇل وبلىس حالقىنىڭ 21% قۇرايدى. ولارمەن جۇمىس جۇيەلىلىكتى، ماقساتتى جوسپاردى تالاپ ەتەدى. جاستار اراسىنداعى جۇمىسسىزدىق دەڭگەيى ەسەپتى مەرزىمدە 2،4% قۇرادى. سول سياقتى، neet، ياعني، جۇمىسسىز، وقىمايتىن ساناتتاعى جاستاردىڭ ۇلەسى بىلتىرعى 15،7%-دان 9،2%-عا دەيىن ازايدى.ٴوڭىر جاستارىن جۇمىسپەن قامتۋدىڭ بەلسەندى شارالارىنا تارتۋ بويىنشا مەجەلىك كورسەتكىشتەر بەلگىلەندى. 9 ايدىڭ قورىتىندىسى بويىنشا 12 مىڭنان استام جاس جۇمىسپەن قامتۋدىڭ بەلسەندى شارالارىنا تارتىلدى. بۇل جۇمىستاردى مەيلىنشە وڭتايلاندىرۋ ماقساتىندا ٴىس-قيمىل جوسپارى بەكىتىلدى"، - دەدى مىرزاحمەتوۆ.

ونىڭ ايتۋىنشا، جوسپارعا سايكەس 14 مىڭعا جۋىق جۇمىسسىز، ٴوزىن-وزى ناتيجەسىز ەڭبەكپەن قامتىعان جاستاردىڭ جانە وقۋ ورنىن اياقتاعان تۇلەكتەردىڭ دەرەكقورى جاساقتالدى.

«مەملەكەت باسشىسىنىڭ جولداۋى ٴاربىر ازاماتتىڭ ٴومىر ساپاسىن ارتتىرۋعا باعىتتالىپ وتىر. جولداۋدىڭ تالاپتارىن ورىنداۋ – بارشامىزدىڭ مىندەتىمىز. سوندىقتان، بارلىق دەڭگەيدەگى اكىمدەر مەن دەپۋتاتتار كورپۋسى، ارداگەرلەر جانە قوعامدىق ۇيىمدار مەن سالا بەلسەندىلەرى جولداۋدىڭ جۇزەگە اسىرىلۋىنا بەلسەندى اتسالىسادى دەپ سەنەمىز. بەكىتىلگەن كەستەگە سايكەس وبلىستىق اقپاراتتىق توپ ەلدى مەكەندەرگە شىعىپ، تۇرعىندارمەن ەڭبەك ۇجىمدارىمەن ٴتيىستى كەزدەسۋلەر وتكىزەتىن بولادى. ماقساتىمىز ايقىن، مەجەمىز بەلگىلى»، - دەگەن ٴوڭىر اكىمى جامبىلدىقتاردى ەلباسى جولداۋىندا بەلگىلەنگەن مىندەتتەردى جۇمىلىپ، جۇزەگە اسىرۋعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي