BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

بەرگەن مارات ۇلى: ەلباسىنىڭ جولداۋى حالىق اراسىندا كەڭ قولداۋعا يە بولدى

ەلباسى ٴوزىنىڭ بيىلعى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا قازاقستاندىقتاردىڭ ٴومىر ساپاسىن ارتتىرۋعا باعىتتالعان 6 ناقتى قادامدى اتاپ ٴوتتى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەس ٴتوراعاسى بەسپالينوۆ بەرگەن مارات ۇلى پىكىر ٴبىلدىردى، دەپ حابارلايدى baq.kz اقپارات اگەنتتىگى.

وسى ورايدا اتالعان ماڭىزدى قادامداردىڭ ٴبىرى ازاماتتارىمىزدىڭ سۇرانىستارىنا باعىتتالعان مەملەكەتتىك اپپاراتتى قۇرۋ بولدى.

«جاڭا فورماسيانىڭ مەملەكەتتىك قىزمەتشىلەرى مەملەكەت پەن قوعام اراسىنداعى الشاقتىقتى قىسقارتۋعا ٴتيىس. بۇل ارقىلى تۇراقتى كەرى بايلانىس ورنىعىپ، مەملەكەتتىك ساياساتتىڭ ناقتى شارالارى مەن ناتيجەلەرى قىزۋ تالقىلانىپ، جۇرتشىلىققا تۇسىندىرىلەدى»، - دەپ پرەزيدەنت ٴوز جولداۋىندا اتاپ ٴوتتى.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى ەلىمىزدىڭ بارلىق وڭىرلەرىندە حالىقپەن ساپالى جانە شۇعىل كەرى بايلانىستى قامتاماسىز ەتۋگە باعىتتالعان «قوعامدىق باقىلاۋ كارتاسى» جوباسىن جۇزەگە اسىرۋدا. اقمولا وبلىسىنىڭ تۇرعىندارى ٴۇشىن اتالعان جوبا ىسكە قوسىلعان ۋاقىتىنان باستاپ اق ٴوتىنىم جىبەرۋدىڭ وزىندىك ٴبىر «ناۆيگاتورىنا» اينالدى. قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنە وسى كۇنگە دەيىن 90-نان استام ٴوتىنىش كەلىپ ٴتۇستى. كوبىنەسە جۇمىستىڭ ساپاسىن ارتتىرۋ بويىنشا ۇسىنىم سيپاتىنداعى حابارلامالار ٴتۇسىپ، بۇل ٴوز كەزەگىندە ازاماتتاردىڭ جۇزەگە اسىرىلىپ جاتقان سىبايلاس جەمقورلىققا قارسى ساياساتقا بەلسەندى ارالاسۋىنىڭ ٴبىر كورسەتكىشى.

اقمولا وبلىسىندا حالىقپەن كەرى بايلانىس جۇرگىزۋ جۇيەسىنىڭ تاعى ٴبىر ٴتيىمدى جانە تۇراقتى مودەلى وڭىرلىك ارنايى مونيتورينگتىك توپتار ارقىلى ىسكە اسۋدا. ٴوز ٴوتىنىشىن قالدىرۋدى، نە بولماسا قانداي دا ٴبىر ماسەلەلەر بويىنشا شۇعىل كەڭەس الۋدى قالايتىن ازاماتتار ٴوز وڭىرىندەگى اتالعان توپتىڭ مۇشەلەرىنە حابارلاسا الادى.

نۇرسۇلتان نازاربايەۆ ٴوز سوزىندە مەملەكەتتىك قىزمەتشىلەرگە ەڭبەكاقى تولەۋدىڭ جاڭا جۇيەسىن ەنگىزۋدىڭ جوعارى ناتيجەلەر كورسەتكەنىن اتاپ ٴوتتى: «بارلىق پيلوتتىق جوبالار جاقسى ناتيجەلەر كورسەتىپ وتىر. مەملەكەتتىك قىزمەتكە قىزىعۋشىلىق ارتتى، اسىرەسە وڭىرلىك دەڭگەيدە ونىڭ وزەكتىلىگى جوعارى».

جاعىمدى ناتيجەلەرگە قاراماستان، تىندىرار ٴىس ٴالى كوپ. ەلباسى اتاپ وتكەندەي، ەڭ باستىسى – ولار مۇنى تەك جالاقىنى كوبەيتۋ عانا ەمەس، بارىنەن بۇرىن، جۇمىستارىنىڭ تيىمدىلىگىن ارتتىرۋ دەپ ٴتۇسىنۋى كەرەك. وسى ورايدا ول ەڭبەككە تولەنەتىن قارجىنىڭ ٴوسىمى بيۋدجەت شىعىسىن، سونىڭ ىشىندە باعىنىشتى مەكەمەلەردىڭ شىعىستارىن وڭتايلاندىرۋ جانە ۇنەمدەۋ ەسەبىنەن وتەلۋىن باقىلاۋدا ۇستاۋدى تاپسىردى.

سىبايلاس جەمقورلىقپەن بەلسەندى كۇرەس ماسەلەسى دە نازارسىز قالعان جوق. كورسەتىلەتىن مەملەكەتتىك قىزمەتتەر اياسىندا مەملەكەتتىك قىزمەتشىلەردىڭ تۇرعىندارمەن تىكەلەي قارىم-قاتىناسىن ازايتۋ سىبايلاس جەمقورلىقتى تۇبەگەيلى جويۋعا ىقپال ەتەدى. جىل باسىنان باستاپ اقمولا وبلىسىندا 2 865 184 مەملەكەتتىك قىزمەت كورسەتىلسە، ولاردىڭ 82% ەلەكتروندىق فورماتتا كورسەتىلدى. بۇل ەلەكتروندىق ۇكىمەتتىڭ تيىمدىلىگىن حالىق اراسىندا بەلسەندى ناسيحاتتاۋ جۇمىستارىنىڭ ناتيجەسى. مەملەكەتتىك قىزمەتتەردى كورسەتۋ ۇدەرىستەرىن اشىق، ال قىزمەتتەردىڭ ٴوزىن ساپالى ەتۋ، اكىمشىلىك بوگەتتەرگە شەك قويۋ – الدىمىزدا وسىنداي مىندەتتەر تۇر. وسىنىڭ بارلىعى تۇبىندە سىبايلاس جەمقورلىق تاۋەكەلدەرىن جويۋعا جول اشادى.

سونىمەن قاتار ەلباسى قاراماعىنداعى قىزمەتكەرلەر سىبايلاس جەمقورلىققا قاتىستى قۇقىقبۇزۋشىلىق جاساعان جاعدايدا ٴبىرىنشى باسشىلاردىڭ جەكە تارتىپتىك جاۋاپكەرشىلىگىن كۇشەيتۋ ماسەلەسىن پىسىقتاۋ قاجەت دەپ ەسكەرتتى. باسشىلار وزدەرىنىڭ كاسىبي قىزمەتىندە اشىقتىق، قولجەتىمدىلىك جانە جاريالىلىق ساياساتىن ۇستانۋى، سىبايلاس جەمقورلىق تاۋەكەلدەرىن جويۋى، ۇجىم ىشىندە مەريتوكراتيا قاعيداتىنىڭ ۇستانىلۋىن قامتاماسىز ەتۋى، بولەك قىزمەتشىلەرگە قاتىستى قولدامپازدىق پەن ٴبىرجاقتى جاعىمسىز قاتىناستىڭ ورىن الۋىنا جول بەرمەۋى، مەملەكەتتىك قىزمەتتەردى اۆتوماتتاندىرۋ بويىنشا شارالار قابىلداۋى ٴتيىس.

بۇگىنگى ەلباسىنىڭ جولداۋى حالىق اراسىندا كەڭ قولداۋعا يە بولدى. ٴبىزدىڭ مىندەتىمىز – قىسقا ۋاقىتتا اتالعان تاپسىرمالاردى جۇزەگە اسىرۋ.

جارقىن بولاشاعىمىزدى دوستىقتا، كەلىسىمدە جانە بىرلىكتى قۇرۋدىڭ قاجەتتىگىن تۇسىنەتىن ۋاقىت كەلدى. سىبايلاس جەمقورلىقپەن كۇرەسۋدە قوعامنىڭ قولداۋ كورسەتۋى بۇدان دا ارتىق ناتيجەلەرگە قول جەتكىزۋگە جانە الەمنىڭ دامىعان 30 مەملەكەتىنىڭ قاتارىنا كىرۋگە ٴوز سەپتىگىن تيگىزەتىنىنە كامىل سەنىمدىمىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي