BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

بالاباقشالارعا قوسىمشا 4 مىڭ بەينەكامەرا ورناتۋ قاجەت – بوجكو

استانا. baq.kz ٴتىلشىسى. قازاقستاندا بالاباقشالاردىڭ 58% بەينەكامەرامەن قامتىلعان. پارلامەنت ٴماجىلىسى ٴتوراعاسىنىڭ ورىنباسارى ۆلاديمير بوجكونىڭ ايتۋىنشا، قوسىمشا 4 مىڭ بەينەكامەرا قويۋ قاجەت. بۇل تۋرالى ول «پرەزيدەنت جولداۋى – قازاقستان حالقىنىڭ ٴال-اۋقاتىن ارتتىرۋعا قامقورلىق» اتتى بايانداماسىندا مالىمدەدى.

«ٴقازىر ٴبىلىم جانە عىلىم مينيسترلىگى اكىمدىكتەرمەن بىرگە «جول كارتاسىن» ازىرلەپ جاتىر. ول جەردە مەكتەپكە دەيىنگى مەكەمەلەردەگى پەداگوگتاردىڭ بىلىكتىلىگىن ارتتىرۋ، ٴبىرىڭعاي بىلىكتىلىك تالاپتارى نەگىزىندە كاسىبيلىگىن ارتتىرۋ، وقۋشىلارعا ورىن تاپشىلىعىن جويۋ بويىنشا شارالار قاراستىرىلعان. مۇنداي ماسەلە ۇلكەن قالالاردا تۋىنداپ وتىر. سونىڭ ىشىندە استاناعا كەلىپ جاتقان حالىقتى كورىپ وتىرسىزدار، قانشاما بالا دۇنيەگە كەلىپ جاتىر»، - دەپ اتاپ ٴوتتى بوجكو.

ماجىلىسمەن ارىپتەستەرىنەن كىشكەنتاي بالالاردىڭ قاۋىپسىزدىگىن ارتتىرۋ ماسەلەلەرىنە نازار اۋدارۋدى سۇرادى.

«بۇگىنگى تاڭدا قوسىمشا 4 مىڭ بەينەكامەرا قويۋ قاجەت بولىپ وتىر. بعم مالىمەتىنشە، بالاباقشالاردىڭ 58 پايىزى بەينەكامەرالارمەن قامتاماسىز ەتىلگەن. بەينەكامەرامەن قامتاماسىز ەتۋدە سولتۇستىك قازاقستان وبلىسى، باتىس قازاقستان وبلىسى، قوستاناي جانە اقمولا وبلىستارى تومەن كورسەتكىش كورسەتىپ وتىر. وسى وبلىستارعا باراتىن بولساڭىزدار اتالعان جاعداي تۋرالى زەرتتەپ، سەبەبىن ٴتۇسىندىرۋدى سۇرايمىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي