BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

اتىراۋ وبلىسىندا جاستاردى دامىتۋ ماسەلەلەرى تالقىلاندى

استانا، baq.kz. اتىراۋ وبلىسى اكىمى جانىنداعى جاستار ٴىسى جونىندەگى كەڭەستىڭ وتىرىسى ٴوتتى.

وبلىستىق جاستار ساياساتى ماسەلەلەرى باسقارماسىنىڭ باسشىسى روللان قۇسپان جاستاردى الەۋمەتتىك قولداۋ جانە جۇمىسپەن قامتاماسىز ەتۋ، جاستار ساياساتىن جۇزەگە اسىرۋ، جاستار ۇيىمدارىن بىرىكتىرۋ تۋرالى مالىمدەدى.

"رەسۋرستىق ورتالىقتار جاستارمەن ۇلكەن جۇمىس جۇرگىزۋدە. بۇگىندە ولار وبلىستىڭ بارلىق اۋدانىندا قۇرىلعان. بۇل ورتالىقتار - جاستارعا ناقتى كومەك كورسەتۋ ورنى. ولارعا جىل باسىنان بەرى ٴتۇرلى ماسەلە بويىنشا 1،8 مىڭنان استام ادام ٴوتىنىش بىلدىرگەن بولاتىن. جالپى ايتقاندا، جۇمىسقا ورنالاسۋ، شىعارماشىلىق يدەيالار جانە ٴوز ٴىسىن اشۋ بويىنشا وتىنىشتەر ٴتۇسىپ وتىر"،- دەيدى روللان قۇسپان.

بۇگىنگى تاڭدا وبلىستا شامامەن 147 مىڭ جاس تۇرادى، بۇل وبلىس حالقىنىڭ 24%-ىن قۇرايدى.

"جىل باسىنان بەرى 5 مىڭنان استام ادام قاتىسقان جاستار جارمەڭكەسى 27 رەت وتكىزىلدى. 70 كاسىپورىن 900 بوس جۇمىس ورنىن ۇسىندى، ناتيجەسىندە 130 جاس جۇمىسقا ورنالاستى. "جاسىل ەل" باعدارلاماسى بويىنشا جاستاردى جازعى ۋاقىتتا جۇمىسقا تارتۋ بويىنشا دا اۋقىمدى جۇمىستار جۇرگىزىلدى. 2150 ستۋدەنت جانە جۇمىسسىز جاستار وسى جوباعا قاتىسۋعا مۇمكىندىك الدى. وسى ماقساتتا جەرگىلىكتى جانە رەسپۋبليكالىق بيۋدجەتتەن 140،5 ملن تەڭگە ٴبولىندى"، - دەپ اتاپ ٴوتتى باسقارما باسشىسى.

جاستاردى جۇمىسقا ورنالاستىرۋدىڭ تاعى ٴبىر باعىتى – "ديپلوممەن اۋىلعا" باعدارلاماسى. جىل باسىنان بەرى 32 جاس مامان بيۋدجەتتىك نەسيە، 125 ادام كوتەرمە جاردەماقى الدى. جاس مامانداردى اۋىلعا تارتۋ – مەملەكەتتىڭ باسىم مىندەتتەرىنىڭ ٴبىرى.

جاستار ساياساتى ماسەلەلەرى باسقارماسى باسشىسىنىڭ ايتۋىنشا، وبلىس جاستارى بۇگىندە ٴتۇرلى مادەني، سپورتتىق، شىعارماشىلىق جوبامەن قامتىلعان. بۇل – پىكىرتالاس كلۋبى، دەلفيي ويىندارى، ەتنوفەستيۆالدار، جاستار تەاترى جانە تاعى باسقالار.

كەڭەس وتىرىسىندا قىزىلقوعا اۋدانىنىڭ اكىمى ارمان باجەنوۆتىڭ بايانداماسى تىڭدالدى. اۋداندا جاستاردى قوعامدىق ومىرگە تارتۋ بويىنشا ۇلكەن جۇمىستار اتقارىلدى. بۇل – جاس مامانداردى جۇمىسقا ورنالاستىرۋ، الەۋمەتتىك جانە مەملەكەتتىك قولداۋ كورسەتۋ جانە ٴتۇسىندىرۋ.

وبلىس اكىمى نۇرلان نوعايەۆ جينالىستى قورىتىندىلاي كەلە، جاستار ساياساتى بويىنشا وڭىردە كوپتەگەن پايدالى جۇمىس اتقارىلعانىن اتاپ ٴوتتى. ٴبىراق، كەيبىر ماسەلە دە بار.

"ٴبىرىنشى كەزەكتە، بۇل جاستاردى جۇمىسپەن قامتاماسىز ەتۋ. ٴار قالا، اۋدان بويىنشا تالداۋ جۇرگىزۋ قاجەت. ٴقازىر جوو-نىڭ قانشا تۇلەگى جۇمىسسىز، ۇسىنىلاتىن جۇمىستان باس تارتۋدىڭ نەگىزگى سەبەبى قانداي؟ وزدەرىڭىز بىلەسىزدەر، جۇمىس بەرۋشىلەر 900 بوس قىزمەت ورنىن ۇسىنىپ جانە تەك 130 ادام جۇمىسقا ورنالاسىپ وتىر. ٴبىز جاستارعا مەملەكەت ۇسىناتىن بارلىق جاعدايدى ٴتۇسىندىرۋىمىز كەرەك. ەلباسى ٴوزىنىڭ جولداۋىندا 2019 جىلدى جاستار جىلى دەپ جاريالادى. ٴبىز قانداي جۇمىس جۇرگىزەمىز؟ بۇل ٴۇشىن نە قاجەت؟ بۇل ماسەلەلەردىڭ بارلىعى كۇندەلىكتى باقىلاۋدا بولۋى ٴتيىس"، - دەدى نۇرلان نوعايەۆ.

جيىندا جاستار ساياساتىن دامىتۋ بويىنشا جاڭا جوسپارلار ايتىلدى. 2019-2021 جىلدارعا ارنالعان ٴوڭىردىڭ «جول كارتاسى» ازىرلەنۋدە، وندا جاستارمەن جۇمىس جاساۋدىڭ ستراتەگيالىق باعىتتارى ايقىندالعان.

وبلىس باسشىسى جاستار رەسۋرستىق ورتالىقتارىن ودان ٴارى قولداۋ جونىندەگى ۇسىنىستاردى ماقۇلداپ، اكىمدەرگە ورتالىقتاردى بارلىق دەڭگەيدەگى قاجەتتىلىكتەرمەن قامتاماسىز ەتۋدى تاپسىردى.

"جاستار جينالاتىن ورىندار. بۇل ورتالىقتاردا وزگە دە جاستار ۇيىمدارى ورنالاسا الادى. تۋىنداعان ماسەلەلەردى تالقىلاپ، تاجىريبە الماسىپ، جاستارمەن جۇمىس ىستەۋدىڭ ٴبىرىڭعاي تۇجىرىمداماسىن ازىرلەۋگە مۇمكىندىك الادى. ويتكەنى بۇگىنگى تاڭدا جاستار قوزعالىسىنىڭ كوشباسشىلارى بارلىق جاس ۇرپاقتى كوشتەرىنە ىلەستىرىپ، ولاردى جاقسى ىستەرگە باعىتتاۋعا ٴتيىس. سوزىمە جاستار نازار اۋداراتىن تاقىرىپ قوزعايتىن جاستار تەاترى مىسال. جۇمىسقا اقساقالدار، قوعامدىق كەڭەستەر، دەپۋتاتتار، اۋدان اكىمدەرى، بارلىق بولىمدەردىڭ باسشىلارى قاتىسۋى ٴتيىس. تەك بىرلەسكەن كۇش-جىگەرىمىزبەن عانا ٴبىز الدىمىزعا قويىلعان مىندەتتەردى ورىنداي الامىز"، - دەپ ەسەپتەيدى نۇرلان نوعايەۆ.

كەزدەسۋ بارىسىندا جاستار ۇيىمدارىنىڭ باسشىلارى وبلىس اكىمىنەن كەڭسەلەرمەن قامتاماسىز ەتۋدى، جاستار باستامالارىن دامىتۋعا ارنالعان نەسيەلەردى سۋبسيديالاۋدى ٴوتىندى. نۇرلان نوعايەۆ اتىراۋ قالاسىندا جاستار سارايىنىڭ،شىعارماشىلىق ورتالىقتىڭ قۇرىلىسى ٴجۇرىپ جاتقانىن ەسكە سالدى. سول عيماراتتاردا جاستارعا بارلىق جاعدايلار جاسالادى.

"جاستارمەن جۇمىس جاساۋ جاۋاپتى ٴارى قيىن جۇمىس. ٴبىز سىزدەردىڭ باستامالارىڭىزدى ٴارقاشان قولدايمىز. قارجىلىق جاعىنان دا قولداۋ بىلدىرەمىز"، - دەپ قورىتىندىلادى وبلىس اكىمى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي