BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اتىراۋ وبلىسىندا مەملەكەت باسشىسىنىڭ جولداۋى تالقىلاندى

10 قازاندا اتىراۋ وبلىسىنىڭ اكتيۆى مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىن تالقىلاپ، وسى باعدارلامالىق قۇجاتتى جۇزەگە اسىرۋ اياسىندا قولعا الىناتىن الداعى مىندەتتەردى بىرگە بەلگىلەۋ ٴۇشىن جينالدى، دەپ حابارلايدى baq.kz اقپارات اگەنتتىگى.

«مەملەكەت باسشىسى «بيزنەستىڭ جول كارتاسى-2020» باعدارلاماسىن 2025 جىلعا دەيىن ۇزارتۋدى تاپسىردى. بۇل تاعى دا كوپ جوبالاردى جۇزەگە اسىرۋعا، سول ارقىلى كاسىپكەرلىكتى دامىتۋعا مۇمكىندىك بەرەدى. اتالعان باعدارلاما ىسكە اسا باستاعان ۋاقىتتان بەرى، 2010-2018 جىلدار ارالىعىندا 1158 كاسىپكەر 81،3 ملرد تەڭگە كولەمىندە مەملەكەتتىك قولداۋعا يە بولدى»، -دەدى نۇرلان نوعايەۆ. –بۇل 5،7 مىڭنان استام جاڭا جۇمىس ورنىنىڭ اشىلۋىنا سەپتىگىن تيگىزدى.

ايماقتاعى بيزنەس-قۇرىلىمدارمەن جالپى سوماسى 182،6 ملرد تەڭگەنىڭ ٴونىمى ٴوندىرىلدى. مەملەكەتتىك قولداۋ باعدارلامالارى كاسىپكەرلەرگە جاڭا ٴوندىرىس ورىندارىن اشۋعا سەرپىن بەردى. ٴقازىر وڭىردەگى شاعىن جانە ورتا بيزنەس سۋبەكتىلەرىنىڭ سانى 57 مىڭعا جەتتى. بيزنەستى جۇرگىزۋگە قولايلى جاعداي جاساۋ ٴۇشىن وبلىس ورتالىعىندا، بارلىق اۋدانداردا كاسىپكەرلەردى قولداۋ ورتالىقتارى اشىلدى.

«مەملەكەت باسشىسى حالىقتى الاڭداتاتىن ماسەلەلەرگە جەكە-جەكە توقتالدى. ٴبىرىنشى كەزەكتە تۇرعىن ۇي-كوممۋنالدىق سالاداعى تاريفتەر. اتىراۋ وبلىسى بويىنشا كوممۋنالدىق قىزمەت تاريفتەرى، سونىڭ ىشىندە ەلەكتر ەنەرگياسى، سۋ جانە كارىز قىزمەتتەرى بويىنشا بيىل ٴوسۋ دەڭگەيى بولعان جوق. جولداۋدىڭ تاعى ٴبىر باعىتى ەكسپورتقا باعىتتالعان يندۋسترياليزاسيا ماسەلەلەرى. وبلىستا 44 كاسىپورىن ەكسپورتقا باعىتتالعان ٴونىم شىعارادى. جىل باسىنان بەرى 152،4 ملن دوللاردىڭ تاۋارى ٴوندىرىلدى. اتالعان كاسىپورىنداردىڭ بەلسەندىلىكتەرىن ارتتىرۋ بويىنشا جۇمىس جۇرگىزىپ جاتىرمىز»، - دەپ اتاپ ٴوتتى نۇرلان نوعايەۆ.

وتاندىق ەكونوميكانىڭ ماڭىزدى سالاسىنىڭ ٴبىرى – اۋىل شارۋاشىلىعى. پرەزيدەنت ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ٴونىمىنىڭ ەكسپورتىن 2022 جىلعا 2،5 ەسە كوبەيتۋدى تاپسىردى. سوندىقتان قازىرگى زامانعى اگروتەحنولوگيانى جاپپاي تاجىريبەگە ەنگىزۋ كەرەك.

وبلىس اكىمى نۇرلان نوعايەۆ اكتيۆكە قاتىسۋشى اگرارلىق قىزمەتكەرلەرگە اۋىل شارۋاشىلىعىن جان-جاقتى دامىتۋ قاجەتتىلىگى تۋرالى ەسكەرتتى. بۇل باعىتتا ايماقتا ۇلكەن جۇمىستار ٴجۇرىپ جاتىر. ٴقازىر ەلەكتروندى كارتاعا 6432 ەگىستىك القاپتى قوسۋ جۇمىستارى جالعاسۋدا. اۋىل شارۋاشىلىعى ماقساتىنداعى جەتى مىڭنان استام القاپ ەلەكتروندى كارتاعا ەنگىزىلدى.

«جولداۋداعى باسىم مىندەتتەردىڭ ٴبىرى - اۋىل كاسىپكەرلەرىنە شارۋاشىلىق جۇرگىزۋدىڭ جاڭا داعدىلارىن ۇيرەتۋ. جاپپاي وقىتۋ جۇيەسىن قالىپتاستىرۋ ماقساتىندا بيىل «باستاۋ بيزنەس» جوباسى بويىنشا كاسىپكەرلىك نەگىزدە وقىتۋعا جەرگىلىكتى بيۋدجەتتەن 55،9 ملن تەڭگە قاراجات ٴبولىنىپ، وعان 1 325 ادام «اتامەكەن» كاسىپكەرلەر پالاتاسى ارقىلى وقىتىلۋ جوسپارلانعان»، - دەدى ايماق باسشىسى.

سونىمەن قاتار، اۋىل شارۋاشىلىعىن قارجىلاندىرۋدى كوبەيتۋ جوسپاردا بار. الداعى بەس جىلدا اگروونەركاسىپ كەشەنىنە سالىناتىن ينۆەستيسيا 7،4 ملرد تەڭگەگە جەتەتىن بولادى.

جولداۋ جۇكتەگەن مىندەتتەر قاتارىندا ٴداستۇرلى ەمەس ەنەرگيا كوزدەرىن ەنگىزۋ، حالىق تۇتىناتىن تاۋارلاردى شىعارۋدى دامىتۋ دا بار. جوعارعى، ورتا ٴبىلىم بەرۋ بەرۋ سالالارىندا جاڭالىقتار كۇتىلۋدە.

«بيىل ٴبىلىم بەرۋ سالاسىن دامىتۋعا 62،2 ملرد تەڭگە ٴبولىندى. بۇل قاراجات ٴبىلىم بەرۋدىڭ ساپاسى مەن قولجەتىمدىلىگىن ارتتىرۋعا تىكەلەي ىقپال ەتەدى»، - دەدى نۇرلان نوعايەۆ.

ٴومىر سۇرۋگە جايلى ورتا قالىپتاستىرۋ باعىتىندا ەلىمىزدە «7-20-25» باعدارلاماسى قولعا الىنا باستادى. ول قازاقستاندىقتارعا تۇرعىن ٴۇي يپوتەكاسىن الۋ مۇمكىندىگىن ارتتىرۋعا ارنالعان. مەملەكەت باسشىسى اكىمدەرگە جەرگىلىكتى بيۋدجەتتەن جەڭىلدەتىلگەن يپوتەكا بويىنشا باستاپقى تولەمدى ٴىشىنارا سۋبسيديالاۋدى، ٴىرى قالالاردا جالدامالى تۇرعىن ٴۇي قۇرىلىسىن كوبەيتۋدى تاپسىردى. اتىراۋ وبلىسىندا وسى ماسەلەنى شەشۋ ٴۇشىن تۇرعىن ٴۇي الۋعا الەۋمەتتىك قولداۋدىڭ ەكى نۇسقاسى قارالىپ جاتىر – 1 ملن تەڭگە كولەمىندەگى الەۋمەتتىك كومەك جانە 15 جىلعا پروسەنتسىز قارىز بەرۋ.

اكتيۆ بارىسىندا اۋماقتىق دامۋ، پوليسيا قىزمەتىنىڭ جۇمىسىن وڭتايلاندىرۋ تۋرالى دا ايتىلدى. جالپى اكتيۆكە قاتىسۋشىلار پرەزيدەنتتىڭ قازاقستان حالقىنا جولداۋىندا ايقىندالعان مىندەتتەردىڭ ماڭىزدىلىعىنا توقتالىپ، ولاردى جۇزەگە اسىرۋعا دايىن ەكەندەرىن جەتكىزدى. جيىنعا قاتىسۋشىلار مەملەكەت باسشىسىنىڭ كەزەكتى جولداۋىنىڭ ۋاقىتىلى ٴارى ماڭىزدى ەكەنىن ايتىپ، اتىراۋلىقتاردىڭ ەل دامۋىنداعى ەرەكشە قۇجاتتى جۇزەگە اسىرۋعا ۇلەس قوساتىندارىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي