BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

اقتوبە وبلىسىندا ينۆەستورلاردىڭ ماسەلەلەرى شەشىلۋدە

10 قازان 2018 جىلى ەلباسى ن.نازاربايەۆتىڭ 5 قازانداعى قازاقستان حالقىنا جولداۋىن ورىنداۋ ماقساتىندا جانە «protecting business and investments» جوباسى اياسىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى اقتوبە وبلىسى بويىنشا دەپارتامەنتىنىڭ باسشىسى ر.مەدەتوۆ «green capital kazakhstan» جشس وكىلى مايكل حوندەرسپەن كەزدەسۋ وتكىزدى، دەپ حابارلايدى baq.kz اقپارات اگەنتتىگى.

كەزدەسۋ بارىسىندا، دەپارتامەنت باسشىسى ر.م.مەدەتوۆ پەن كومپانيا وكىلى مايكل حوندەرس جوبانىڭ ماڭىزدىلىعى، العا قويعان ماقساتتارى، ينۆەستورلاردىڭ قۇقىقتارى مەن زاڭدى مۇددەلەرىنىڭ قورعالۋى، كورسەتىلەتىن مەمەلەكەتتىك قىزمەتتەر ساپاسى جانە كەزدەسەتىن اكىمشىلىك كەدەرگىلەردى جويۋ تۋرالى اڭگىمەلەستى.

دەپارتامەنت باسشىسى ٴوز سوزىندە «مەملەكەت باسشىسىنىڭ قازاقستان حالقىنا ارناعان جولداۋىندا قويعان ماقساتتارعا سايكەس كاسىپكەرلىكتى قورعاۋ سىبايلاس جەمقورلىققا قارسى كۇرەس قىزمەتىنىڭ جۇمىسىنداعى باستى باسىمدىقتاردىڭ ٴبىرى بولىپ تابىلاتىنىن» ايتتى.

سونداي اق، ەلىمىزگە كەلەتىن ينۆەستورلار تاراپىنان قازاقستان رسەپۋبليكاسىنىڭ زاڭدارىن قۇرمەتتەۋ جانە قاتاڭ ساقتاۋ قاجەتتىگىن، باسقاشا جاعدايدا ينۆەستورلاردى سۇيەمەلدەۋدەن باس تارتاتىنىن دا اتاپ ٴوتتى.

«green capital kazakhstan» جشس وكىلى مايكل حوندەرس اتالمىش جوبا ەلىمىزگە ينۆەستورلاردىڭ كوپتەپ كەلۋىنە ۇلكەن سەپتىگىن تيگىزەتىندىگىن جانە بيزنەستىڭ قارىشتاپ دامۋىنا تىكەلەي ۇلەس قوساتىن جاقسى باستاما ەكەندىگىن ايتىپ، جوبا اياسىندا دەپارتامەنت تاراپىنان جىلىجاي كەشەنى قۇرىلىسىنىڭ ساراپتاماسى ناتيجەسىن ۋاقىتىلى الۋ ماسەلەسى وڭ شەشىمىن تاۋىپ، قولداۋ كورسەتىلگەندىگىن جانە ناتيجەسىندە جىلىجاي قۇرىلىسىنىڭ قارقىندى دامي تۇسكەنىن ٴسوز ەتتى.

الداعى ۋاقىتتا، سىبايلاس جەمقورلىق فاكتىلەرىنە جول بەرمەۋگە ۋادە بەرىپ، دەپارتامەنت جۇمىسىنا تابىستار تىلەپ، مەملەكەت تاراپىنان ەلدەگى بيزنەستى دامىتۋعا كورسەتىلىپ جاتقان قولداۋعا العىسىن ٴبىلدىردى.

ٴىس-شارا سوڭىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ اقتوبە وبلىسى بويىنشا دەپارتامەنتى مەن «green capital kazakhstan» جشس باسشىلارى جالپى سومماسى 20 ملرد تەڭگەنى قۇرايتىن ينۆەستورلاردى سىبايلاس جەمقورلىققا قارسى سۇيەمەلدەۋ بويىنشا ٴوزارا ٴىس-قيمىل تۋرالى ەكىجاقتى كەلىسىمگە قول قويدى.

بۇگىنگى كۇنى دەپارتامەنت تاراپىنان جوبا اياسىندا جالپى سومماسى 333 ملرد 848 ملن تەڭگەنى قۇرايتىن ٴوزارا ٴىس قيمىل تۋرالى 20 ينۆەستيسيالىق كەلىسىمگە قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي