BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

اقمولادا 500 مىڭ شارشى مەتر تۇرعىن ٴۇي سالىنادى

فوتو: dengi.ua

كەلەر جىلى اقمولادا 500 مىڭ شارشى مەتر تۇرعىن ٴۇي سالىنادى. بۇل تۋرالى ەلباسى جولداۋىن تالقىلاۋ بارىسىندا ٴوڭىر باسشىسى مالىك مىرزالين مالىمدەدى، دەپ حابارلايدى baq.kz ايماقتاعى ٴتىلشىسى.

جولداۋدا تۇرعىن ٴۇيدىڭ قولجەتىمدىلىگى مەن ساپاسى ماڭىزدى باسىمدىقتار قاتارىنا جاتقىزىلدى.

«نۇرلى جەر» باعدارلاماسى بويىنشا بيىل 14 ارەندالىق ٴۇي پايدالانۋعا بەرىلەدى. بۇل 3 ەسە ٴوسىمدى بىلدىرەدى. نەسيە تۇرىندەگى 4 ٴۇي قاتارعا قوسىلىپ، بىلتىرعى كورسەتكىشتەن 2 ەسە ارتپاق. 2019 جىلى ەلىمىزدىڭ تاۋەلسىزدىك جىلدارىندا العاشقى 500 مىڭ شارشى مەتردەن استام تۇرعىن ٴۇيدى پايدالانۋعا بەرۋدى جوسپارلاپ وتىرمىز»، - دەدى وبلىس اكىمى م.مىرزالين.

يپوتەكالىق نەسيەلەۋدىڭ جاڭا «7-20-25» باعدارلاماسىنىڭ ارقاسىندا تۇرعىن ٴۇي الۋدىڭ قوسىمشا مۇمكىندىكتەرى پايدا بولدى. وسى ورايدا ٴوڭىر باسشىسى وبلىستا تۇرعىن ٴۇي سەرتيفيكاتتارىن ىسكە قوسۋدى تاپسىردى.

«ايماقتار اراسىندا اقمولا وبلىسى ۇزدىك ۇشتىكتىڭ قاتارىنان كورىندى. الدا اۋقىمدى جوسپارلار بار، بوساڭسۋعا بولمايدى. «7-20-25» باعدارلاماسىن جۇزەگە اسىرۋدى ەسەپكە الا وتىرىپ، قۇرىلىس باسقارماسى تۇرعىن ٴۇيدى پايدالانۋعا بەرۋدىڭ جىلدىق ٴوسىمىن 8 % ارتتىرۋدى قامتاماسىز ەتۋى قاجەت. ەلباسى تاپسىرماسىنا سايكەس تۇرعىن ٴۇي الۋدىڭ قولجەتىمدىلىگىن ارتتىرۋ ماقساتىندا وبلىستىق قۇرىلىس باسقارماسى تۇرعىن ٴۇي سەرتيفيكاتتارىن ىسكە قوسۋ جونىندە ۇسىنىس ەنگىزۋى ٴتيىس. ٴبىزدىڭ ٴوڭىر تۇرعىندارى ٴۇشىن دە «7-20-25» باعدارلاماسى بويىنشا بەرىلەتىن پاتەرلەر قولجەتىمدى بولۋى ٴتيىس»، – دەدى ٴوڭىر باسشىسى.

«7-20-25» باعدارلاماسى بيىلعى جىلدىڭ شىلدەسىنەن باستاپ جۇمىس ىستەۋدە. وسى ورايدا الەۋمەتتىك جەلىلەر ارقىلى ٴتۇسىندىرۋ جۇمىستارى جۇرگىزىلۋدە. وسى ۋاقىتقا دەيىن ەلىمىزدە 39،8 ملرد تەڭگەنىڭ 3339 ٴوتىنىمى قابىلدانعان.

«باعدارلاما تۇرعىنداردىڭ قىزىعۋشىلىعىن تۋعىزىپ وتىر. قىركۇيەكتە ٴوتىنىم بەرۋشىلەر قاتارى ارتتى. وبلىستا 1 ملرد تەڭگەنىڭ 121 ٴوتىنىمى ماقۇلداندى. ەلىمىز بويىنشا باسپانا قۇنىنىڭ ورتاشا باعاسى 12 ميلليون تەڭگەنى، اقمولا وبلىسىندا 8 ميلليون تەڭگەنى قۇراپ وتىر»، – دەيدى قر ۇلتتىق بانكى اقمولا وبلىستىق فيليالىنىڭ ديرەكتورى ۆيتاليي چەۋسوۆ.

«باسپانا» يپوتەكالىق كومپانياسى قۇرىلىستى قارجىلاندىرۋعا 150 ملرد تەڭگە بولەتىنى بەلگىلى. بۇل وبلىستا شامامەن 640 تۇرعىن ٴۇي سالۋعا مۇمكىندىك بەرەدى. ال پاتەردىڭ ورتاشا باعاسى 10 ملن تەڭگە دەپ باعالانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي