BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

احمەتوۆا: ەلباسى جولداۋى – جوو-دىڭ دامۋ باعىتىن ايقىندايدى

فوتو: Павлодар мемлекеттік университеті

مەملەكەت باسشىسى ن. نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» حالىققا جولداۋىندا جوعارى وقۋ ورىندارىنا ماڭىزدى ماقسات-مىندەتتەر قويىلىپ، جاۋاپكەرشىلىك جۇكتەلگەنى ٴمالىم. وڭىردەگى ٴىرى ۋنيۆەرسيتەتتەر ەڭبەك نارىعىنا ساي مامان دايارلاۋ ٴىسىن جەتىلدىرۋدى كوزدەيدى، دەپ حابارلايدى baq.kz ايماقتاعى ٴتىلشىسى.

ايتا كەتەيىك، ەلباسى زامان كوشىنەن قالماي، باسەكەگە قابىلەتتى بولۋعا قاۋقارلى مامانداردى دايارلاۋ مەن ۋنيۆەرسيتەتتەردىڭ جاۋاپكەرشىلىگىن ارتتىرۋعا باسا نازار اۋداردى.

پاۆلودار مەملەكەتتىك ۋنيۆەرسيتەتى جوعارى ٴبىلىم بەرۋدىڭ ساپالىق دەڭگەيىنە كوتەرىلۋ ماقساتىندا ەلباسى قويعان تاپسىرمالاردى كەزەڭ-كەزەڭىمەن جۇزەگە اسىرۋدا.

«ٴبىز الەمدىك عىلىمي-اكادەميالىق ٴۇردىستىڭ تولىققاندى مۇشەسى بولۋ ۇلتتىق ٴبىلىم بەرۋ جۇيەسىنىڭ بەدەلىن ارتتىرامىز. ٴبىرىنشى كەزەكتە، جوعارى مەكتەپتە باسەكەلەستىككە قابىلەتتىلىكتىڭ ٴبىرىڭعاي كەڭىستىگىن قۇرۋ قاجەت. بۇل بەلەستى باعىندىرۋدىڭ ٴبىر جولى – قازاقستاندىق ستۋدەنتتەر مەن وقىتۋشىلارعا شەتەلدە ٴبىلىم الۋعا مۇمكىندىك بەرەتىن اكادەميالىق موبيلدىلىك باعدارلاماسى. بۇگىندە الەمنىڭ كوپتەگەن جەتەكشى ۋنيۆەرسيتەتتەرىمەن سەرىكتەستىك ورناتىپ، وتاندىق ٴبىلىم بەرۋ ۇردىسىنە شۆەسيا، ٴۇندىستان، ۇلىبريتانيا، اقش، تۇركيا، بولگاريا جانە حورۆاتيا مەملەكەتتەرىنىڭ عالىمدارىنىڭ تاجىريبەسىن كەڭىنەن قولدانىپ جاتىرمىز»، - دەيدى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ رەكتورى گاۋحار احمەتوۆا.

جوعارى وقۋ ورنى تۇلەپ ۇشقان جاستاردىڭ جۇمىسقا ورنالاسۋىن دا قاداعالاۋ ٴىسىن وڭ جولعا قويعان.

«جوعارى وقۋ ورنىنىڭ تابىستىلىعىن تۇلەكتەردىڭ وقۋدان كەيىنگى ەڭبەكپەن قامتىلىپ، نارىقتا ٴوز ورنىن الۋىمەن ولشەنەتىنى انىق. ايتا كەتەيىك، 2016 جىلى پمۋ تۇلەگىنىڭ ورتاشا جالاقىسى 75،9 مىڭ تەڭگە بولسا، بىلتىرعى جىلى 91،5 مىڭ تەڭگەنى قۇرادى. وسىلايشا، تابىس كولەمى 20%-عا ارتتى. 2017 جىلى ٴتامامداعان جاستاردىڭ 98 %-ى ەكى قولعا ٴبىر كۇرەك تاپتى»، - دەيدى رەكتور.

پرەزيدەنت «بولاشاقتىڭ ەكونوميكاسى» سياقتى يننوۆاسيالىق باعىتتارىن دامىتۋ كەرەكتىگىن باسا ايتتى. بۇگىندە ۋنيۆەرسيتەتتە پاۆلودار وبلىسىنداعى وندىرىستىك وشاقتاردىڭ قالدىقتارىنان قۇرىلىس ماتەريالدارىن ٴوندىرۋ جوباسى جۇزەگە اسىرىلۋدا. سونىمەن قاتار، حالىقارالىق expo-2017 كورمەسىندە كورسەتىلگەن كۇن باتارەيالارى نەگىزىندەگى شامدار مەن ەلەكترەنەرگياسىن وندىرۋگە ارنالعان جاياۋ ٴجۇرۋ پليتالارى جوبالارى قولعا الىنعان.

«پمۋ عالىمدارى قالدىقسىز جانار-جاعارماي تۇرلەرىن جاساۋ، زاماناۋي قۇرىلىس ماتەريالدارىن، ناقتىراق ايتقاندا، جەرگىلىكتى شيكىزات نەگىزىندەگى سەمەنتسىز بەتوندار مەن كەراميكالىق گرانيت ٴوندىرۋ بويىنشا جوبالارىن ازىرلەۋدە. وسىلايشا، ٴبىز مەملەكەت باسشىسى ن. نازاربايەۆتىڭ باستامالارىن نازارعا الىپ، نارىققا قاجەت مامانداردى دايارلاۋ ساپاسىن ارتتىرۋدىڭ داڭعىل جولىنا تۇستىك»، - دەيدى گاۋحار احمەتوۆا.

ايتا كەتەيىك، جوو 66 باكالاۆريات، 46 ماگيستراتۋرا، 4 phd دوكتورانتۋرا ماماندىقتارى بويىنشا مەملەكەتتىك جانە ورىس تىلدەرىندە ٴارتۇرلى باعىتتا جوعارى كاسىبي مامانداردى دايىندايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي