BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

اگروتەحنولوگيالاردى تارتۋ اۋىل شارۋاشىلىعى تاۋار وندىرۋشىلەرىنىڭ باسەكەگە قابىلەتتىلىگىن ارتتىرادى – «مانات» شق

فوتو: ашық дереккөзден

مەملەكەت تاراپىنان بەرىلىپ جاتقان قولداۋلاردىڭ ٴتيىمسىز باعىتتارى قىسقارتىلىپ، ەلگە زاماناۋي اگروتەحنولوگيالاردى تارتۋ شارالارى اۋىل شارۋاشىلىعى تاۋار وندىرۋشىلەرىنىڭ باسەكەگە قابىلەتتىلىگى ارتتىرادى. بۇل جونىندە «مانات» شارۋا قوجالىعىنىڭ جەتەكشىسى ساقا ماناتوۆ مالىمدەدى، دەپ حابارلايدى baq.kz ٴتىلشىسى.

«ەلباسى كەشەگى جولداۋىندا اۋىل شارۋاشىلىعى سالاسىنا اسا ۇلكەن كوڭىل بولگەنى بەلگىلى جانە باعىتتاردىڭ قايسىسىن الىپ قاراساڭىز دا، حالىق ٴۇشىن ماڭىزدى. مەملەكەت باسشىسى ٴوز جولداۋىنىڭ بەسىنشى باعىتىندا ەڭبەك ونىمدىلىگىن جانە قايتا وڭدەلگەن اۋىل شارۋاشىلىق ونىمدەرىنىڭ ەكسپورتىن 2022 جىلعا قاراي 2،5 ەسە ارتتىرۋدى تاپسىردى. جولداۋدا مەملەكەت تاراپىنان بەرىلىپ جاتقان قولداۋلاردىڭ ٴتيىمسىز باعىتتارى قىسقارتىلىپ، زاماناۋي اگروتەحنولوگيالاردى تارتۋعا باسىمدىق بەرۋى ايتىلدى. بۇل ٴوز كەزەگىندە اۋىل شارۋاشىلىعى تاۋار وندىرۋشىلەرىنىڭ باسەكەگە قابىلەتتى جانە ساپالى ٴونىم وندىرۋگە، سونداي-اق، ٴوز ٴونىمىن ەكسپورتقا شىعارۋعا زور مۇمكىندىك بەرەدى»، - دەدى ول.

شارۋا قوجالىعىنىڭ جەتەكشىسى بۇگىنگى كۇنى جوعارىدا اتالعان قولداۋلاردىڭ ارقاسىندا ونىڭ يەلىگىندەگى ۇيىم قانت قىزىلشاسى داقىلىنىڭ كولەمىن ەكى ەسە ارتتىرىپ وتىرعانىن ايتتى.

«وندىرگەن 700 توننا كوكونىس ونىمدەرى وبلىستار جانە استانا، الماتى قالالارىنا وتكىزىلىپ وتىر. سونىمەن قاتار، ٴسۇت فەرماسىنداعى 200 باس اسىل تۇقىمدى ساۋىن سيىردىڭ سۇتتەرى ٴسۇت وڭدەۋشى كاسىپورىندارعا وتكىزىپ جاتىرمىز. جولداۋدا اتالعانداي، قايتا وڭدەلگەن اۋىل شارۋاشىلىق ٴونىمىنىڭ ەكسپورتىن 2022 جىلعا قاراي ارتتىرۋدى قولداي وتىرىپ، مۇددەلى كاسىپورىندار توڭىرەگىندە شارۋاشىلىقتاردى ۇيىمداستىرىپ، ەت ەكسپورتى كولەمىن ارتتىرۋ جۇمىستارىن جۇرگىزەتىن بولامىز. سونىمەن قاتار، بۇل جۇمىستار ەڭبەك ونىمدىلىگىن ارتتىرۋعا ٴوز سەپتىگىن تيگىزەدى دەپ ويلايمىن»، - دەگەن ساقا ماناتوۆ اۋىل شارۋاشىلىق تاۋارلارىن وندىرۋشىلەر اتىنان جولداۋداعى اگرارلىق سالانى دامىتۋعا باعىتتالعان باستامالارعا قولداۋ ٴبىلدىرىپ، الداعى مىندەتتەردى تولىق جۇزەگە اسىرۋعا بارىنشا اتسالىساتىنىن مالىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي