BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

2019 جىل جاستار ساياساتىن قايتا قارايتىن جىل بولماق – ٴمادي احمەتوۆ ەكسكليۋزيۆ

فوتو: ашық дереккөзден

«جاس قادام» قوعامدىق قورىنىڭ ٴتوراعاسى، حالىقارالىق it ۋنيۆەرسيتەتى دەكانىنىڭ تاربيە ٴىسى جونىندەگى ورىنباسارى مادي احمەتوۆ baq.kz تىلشىسىنە بەرگەن سۇحباتىندا قر پرەزيدەنتى نۇرسۇلتان نازاربايەۆتىڭ 2019 جىلدى جاستار جىلى دەپ جاريالاۋ تۋرالى ۇسىنىسى جاستار ساياساتىنا قالاي اسەر ەتەتىنىن ايتتى.

«ەلباسى 23-رەت حالىققا جولداۋىن ارناپ وتىر. جولداۋدىڭ مىندەتى – بۇعان دەيىن جاريالانعان ۇلكەن جوبالار مەن باعدارلامالاردىڭ جۇزەگە اسۋىنا ىقپال ەتەتىن نەگىزگى ماقساتتاردى ايقىنداۋ. جولداۋدا كوپتەگەن باعىتتار قامتىلعان، ونىڭ ىشىندە قۇقىق قورعاۋ سالاسى مەن ٴبىلىم بەرۋ جۇيەسىن جەتىلدىرۋ وتە جاقسى كورسەتىلگەن»، - دەپ اتاپ ٴوتتى ٴمادي احمەتوۆ.

ول قر پرەزيدەنتى نۇرسۇلتان نازاربايەۆ جولداۋ سوڭىندا 2019 جىلدى جاستار جىلى دەپ جاريالاۋى تەگىننەن-تەگىن ەمەس دەپ سانايدى.

«جاستاردى 9-10 سىنىپتان باستاپ بولاشاقتا سۇرانىسقا يە بولاتىن ماماندىقتارعا باعىتتاۋدى، جاڭا 10-نان استام قاجەتتى جاڭا تەحنولوگيانى مەڭگەرۋدى اتاپ ٴوتتى. ەكى ساعاتتىق جيىننىڭ كۋلميناسياسى 2019 جىلدىڭ جاستار جىلى دەپ جاريالانۋى ٴجايدان-جاي ەمەس. ەلباسى تاۋەلسىزدىك العان ساتتەن ٴاربىر مەملەكەتتىك ماڭىزى بار قۇجاتتا جاستاردىڭ ٴرولىن، ماڭىزدىلىعىن، ولاردىڭ قاتىسىنا اسا ٴمان بەرىپ، قامقورلىعىن كورسەتىپ كەلە جاتىر. 2019 جىلى ٴبىر جىل بويى جاستار جىلىن اتاپ ٴوتۋىمىز تەگىننەن-تەگىن ەمەس. نەگە دەسەڭىز، قازاقستانداعى 18 ملن استام حالىقتىڭ 40 پايىزدان استامى 14-پەن 29 جاس ارالىعىنداعى جاستار. باسقا مەملەكەتتەرمەن سالىستىرعاندا ٴبىز وتە جاس، ٴوسىپ كەلە جاتقان حالىقپىز. ەلباسى كورەگەن ساياساتىمەن بولاشاققا كوز جۇگىرتىپ، ياعني تاۋەلسىزدىك العان جىلداردان باستاپ اعا بۋىن جاساپ كەتكەن دۇنيەلەردى ٴارى قاراي جالعاستىراتىن، تاتۋلىقتى ساقتايتىن، مەملەكەتتىك ساياساتتى قولدايتىن جاستاردى قالىپتاستىرىپ شىعارۋ قاجەتتىگىن، ياعني ۇرپاقتار ساباقتاستىعى مەن سينەرگيانىڭ پايدا بولۋىن ايتىپ وتىر»، - دەدى «جاس قادام» قوعامدىق قورىنىڭ ٴتوراعاسى.

جاس كوشباسشى بارلىق جاستى قامتيتىن ورتاق قۇجات پەن جول كارتاسى اياسىندا جۇمىس ىستەيتىن بولساق ناقتى ناتيجەگە جەتۋگە بولاتىنىن ايتتى.

«27 جىل ىشىندە جاستار فورۋمى، گالا-فورۋم، سلەت، سەزد، كونفەرەنسيا تاعى دا باسقا ٴبىر كۇندە وتە شىعاتىن دۇنيەلەر ٴوز كەزەگىندە جاستاردى بىرىكتىرۋ ٴۇشىن كەرەك بولدى. قازىرگى تاڭدا ناقتى تۇردە مەملەكەتتىك دارەجەدە بارلىق جاستىڭ باسىن قوساتىن، بارلىق جاستى قامتيتىن ورتاق ٴبىر قۇجاتتىڭ، جول كارتاسىنىڭ اياسىنا جۇمىس ىستەيتىن بولساق وندا ناقتى ناتيجەگە جەتەتىن بولامىز. باسپانا ماسەلەسى تاعى دا كوتەرىلدى، بۇل جەردە جەرگىلىكتى اكىمدىكتەردىڭ باستاپقى جارناسىنا كومەك بەرۋىن تاپسىردى. قىزىلوردا وبلىسىنىڭ اكىمى كوشەربايەۆتىڭ ۇلگىسىن كورسەتتى. بۇل – جاستاردىڭ زامانى، جاستاردىڭ ٴداۋىرى. سونىمەن قاتار وسى بويىنشا ناقتى مەحانيزمدى ويلاپ تاپساق، الەۋمەتتىك ٴليفتتىڭ قايتادان جۇمىس ىستەۋىنە سەپتىگىن تيگىزەدى. جاستاردىڭ سەرپىلىپ، مەملەكەتتىك ساياساتقا، باعدارلاماعا دەگەن بەلسەندىلىكتەرى ارتىپ، ايماقتاردا ٴبىز بىلمەيتىن، جەتىستىككە جەتىپ جۇرگەن جاستاردىڭ شوعىرىن قالىپتاستىرىپ، ۇلكەن ٴبىر پلاتفورما پايدا بولادى دەپ ويلايمىن. سول سەبەپتى ٴوزىم «جاس قادام» قوعامدىق قورىنىڭ ٴتوراعاسى، حالىقارالىق it ۋنيۆەرسيتەتى دەكانىنىڭ تاربيە ٴىسى جونىندەگى ورىنباسارى، جاستارمەن جۇمىس ىستەپ جۇرگەن ادام رەتىندە بۇل وتە دۇرىس قابىلدانعان شەشىم دەپ سانايمىن. جاستار جىلى جاستار ساياساتىن تۇبەيگەيلى قايتادان قاراپ، ەسەپ بەرۋ ٴۇشىن عانا جاسالىپ جۇرگەن دۇنيەلەردى جاڭعىرتىپ، بۇكىل مەحانيزمدەردى ويلاستىرىپ، «رۋحاني جاڭعىرۋ» اياسىندا ۇلكەن جەتىستىككە جەتكىزەتىن جىل بولماق»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي