BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

1 قاڭتاردان باستاپ 275 مىڭ قىزمەتكەردىڭ جالاقىسى وسەدى – ٴابىلقاسىموۆا

بۇل تۋرالى پرەمەر-مينيستر باقىتجان ساعىنتايەۆتىڭ شىعىس قازاقستان وبلىسىنىڭ اكتيۆىمەن كەزدەسۋ بارىسىندا ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا مالىمدەدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

ٴمينيستردىڭ ايتۋىنشا، 2019 جىلعى 1 قاڭتاردان باستاپ ەڭ تومەنگى جالاقى كولەمىنىڭ 42،5 مىڭ تەڭگەگە دەيىن، ياعني 1،5 ەسەگە ٴوسۋى — بۇكىل ەكونوميكاعا مۋلتيپليكاتيۆتىك اسەر ەتەدى. ەڭ تومەنگى جالاقىنىڭ ٴوسۋى ەكونوميكانىڭ بارلىق سەكتورلارىندا جالاقىسى تومەن لاۋازىمداردا جۇمىس ىستەيتىن 1،3 ملن ادامنىڭ ەڭبەكاقىسىنىڭ وسۋىنە جول اشادى. سونىمەن قاتار، مەملەكەت باسشىسىنىڭ تاپسىرماسىنا سايكەس، 2019 جىلدىڭ 1 قاڭتارىنان باستاپ بيۋدجەتتىك ۇيىمداردا جۇمىس ىستەيتىن 275 مىڭ ازاماتتىق قىزمەتكەردىڭ جالاقىسى وسەدى. ولاردىڭ جالاقىسى ورتا ەسەپپەن 35%-عا وسەدى.

«ەڭ الدىمەن i-iv ساناتتاعى جۇمىسشىلار، ورتا ارنايى ٴبىلىمى بار، ەڭبەك ٴوتىلى تومەن نەگىزگى، اكىمشىلىك جانە تەحنيكالىق جۇمىسشىلاردىڭ ەڭبەكاقىسى وسەدى. ماسەلەن، نەگىزگى قىزمەتكەرلەردىڭ ىشىندە بۇل – تاربيەشىلەر، ادىسكەرلەر، زەرتحاناشىلار، مەدبيكەلەر، فەلدشەرلەر، اكۋشەرلەر جانە ت.ب. اكىمشىلىك، كومەكشى، تەحنيكالىق قىزمەتكەرلەر – تەحنيكتەر، اۋدارماشىلار، ادىسكەرلەر، ٴىس جۇرگىزۋشىلەر، مۇراعاتشىلار، حاتشىلار، وپەراتورلار جانە ت.ب. قازىرگى ۋاقىتتا ٴبىز ۇكىمەت قاۋلىسىنىڭ ٴتيىستى جوباسىن ازىرلەپ، ونى ورتالىق مەملەكەتتىك جانە جەرگىلىكتى اتقارۋشى ورگاندارعا بەكىتۋگە جىبەردىك»، - دەدى ەڭبەك جانە حالىقتى الەۋمەتتىك قورعاۋ ٴمينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي