BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

حالىقارالىق ساراپشىلار استانادا جاڭعىرتۋدىڭ ۇلتتىق ستراتەگيالارىنىڭ كەلەشەگىن تالقىلايدى

فوتو: Liter.kz

2018 جىلدىڭ 15 ماۋسىمىندا قازاقستاننىڭ ەلورداسى استانا قالاسىنىڭ 20 جىلدىق مەرەيتويىن اتاپ ٴوتۋ شەڭبەرىندە قازاقستان رەسپۋبليكاسى پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ 25 جىلدىعىنا ارنالعان «جاڭعىرتۋدىڭ ۇلتتىق ستراتەگيالارى: جەتىستىكتەرى مەن كەلەشەگى» اتتى حالىقارالىق كونفەرەنسياسى وتەدى، دەپ حابارلايدى baq.kz اقپارات اگەنتتىگى.

ورتالىق ازيا ەلدەرىندە ورىن الىپ وتىرعان قازىرگى الەۋمەتتىك-ساياسي ۇدەرىستەر ايماقتاعى وزىندىك ۇلتتىق ەرەكشەلىكتەرگە يە جاڭارتىلعان كۇن ٴتارتىبىنىڭ وزەكتىلىگى ارتقانىن كورسەتەدى. سونىمەن قاتار، تۇرعىنداردىڭ ٴومىر ٴسۇرۋ سالتىنىڭ باسىم بولىگىن قامتيتىن جاڭارۋلار ٴوزارا ۇقساس ۇردىستەرگە دە يە. جالپى، كەلەسى باعىتتار بويىنشا بەلسەندى شارالاردى اتاپ كورسەتۋگە بولادى:

بىرىنشىدەن، الەۋمەتتىك ساياسات فوكۋسىنداعى جاڭعىرتۋ. ماسەلەن، قر پرەزيدەنتى ن.ٴا. نازاربايەۆ ٴومىر ٴسۇرۋ ساپاسى مەن حالىقتىڭ جەكەلەگەن كاتەگوريالارىنىڭ ٴال-اۋقاتىن جاقسارتۋ بويىنشا تىكەلەي سيپاتتاعى بەس الەۋمەتتىك باستامانى ۇسىنعان بولاتىن. وزبەكستاندا 2017-2021 جىلداردا دامۋدىڭ بەس باسىم باعىتى بويىنشا ىقپال ەتۋ ستراتەگياسىنا سايكەس الەۋمەتتىك سالانى، سونىڭ ىشىندە ٴبىلىم بەرۋدىڭ جاڭا ادىستەرىن ەنگىزۋ، مەكتەپكە دەيىنگى ٴبىلىمدى دامىتۋ، وقىتۋشىلاردىڭ ەڭبەكاقىسىن كوتەرۋ بويىنشا ىنتالاندىرۋ شارالارى قولدانىلىپ كەلەدى. وسىعان ۇقساس مىندەتتى قىرعىزستان ۇكىمەتى دە «جانى دوورگو – كىرك كادام» اتتى باعدارلاماسى شەڭبەرىندە الدىنا قويىپ وتىر، وندا الەۋمەتتىك تەڭدىكتى ولشەۋدىڭ حالىقارالىق يندەكستەرىندەگى ورىندارىن جاقسارتۋ مەن ٴبىلىم بەرۋ جانە دەنساۋلىق ساقتاۋ ساپاسىن كوتەرۋ ينديكاتورى بولىپ تابىلاتىن تۇرعىنداردىڭ الەۋمەتتىك جاعدايى جاتىر.

ەكىنشىدەن، ەكونوميكانىڭ سيفرلىق سەكتورىن قالىپتاستىرۋ جانە ەلەكتروندى مەملەكەتتىك قىزمەتتەردى ۇسىنۋ. قازاقستاندىق «سيفرلى قازاقستان» باعدارلاماسىمەن قاتار وزبەكستاندا 2017-2021 جىلداردا دامۋدىڭ بەس باسىم باعىتى بويىنشا ىقپال ەتۋ ستراتەگياسى شەڭبەرىندە ەكونوميكادا ەلەكتروندى ساۋدا الاڭدارىن ەنگىزۋ ارقىلى، ەلدىڭ قوعامدىق-ساياسي ومىرىندە «ونلاين-پەتيسيالار»، ۆيرتۋالدى قابىلداۋ جانە ت.ب. جۇيەسىن كىرگىزۋ ارقىلى سيفرلىق تەحنولوگيالاردىڭ بولۋىنىڭ كۇشەيۋىنە ۇلكەن ٴمان بەرىلەدى. قىرعىزستاندا «تازا كووم – 2040 سيفرلىق ترانسفورماسيا باعدارلاماسى» جوباسى جۇزەگە اسىرىلۋدا، ونىڭ نەگىزگى ماقساتى مەملەكەتتىك ورگاندار قىزمەتىن سيفرلىق تەحنولوگيالار جازىعىنا اۋدارۋ بولىپ تابىلادى.

ۇشىنشىدەن، ۇلتتىق ٴنارراتيۆتىڭ ساقتالۋىن قاجەت دەپ تاباتىن ۇلتتىق بىرەگەيلىكتىڭ نىعايۋى، وعان دەگەن سۇرانىس جاھاندىق ۇردىستەردىڭ ىقپالىنىڭ كۇشەيۋىمەن شارتتالعان. جاڭعىرتۋعا بەتبۇرىس قوعامنىڭ الەۋمەتتىك-مادەني دامۋىنىڭ اپگرەيدىنە باعىتتالعان قازاقستاندىق «رۋحاني جاڭعىرۋ» باعدارلاماسىندا كورىنىس تاۋىپ وتىر. بەلگىلى دەڭگەيدەگى رەنوۆاسيالار تاجىكستان مەن تۇرىكمەنستاندا جۇزەگە اسىرىلۋدا، سونداي-اق، وندا وزىندىك ەرەكشەلىكتى قولداۋعا ۇمتىلىس ساقتالعان.

وسى ورايدا الداعى وتكىزىلەتىن كونفەرەنسيا ايماقتاعى ارى قارايعى ىنتىماقتاستىقتىڭ جاڭا قىرلارى مەن رەسۋرستارىن باعالاۋعا جانە اشىپ كورسەتۋگە، ايماقتىق دامۋدىڭ نەگىزگى مۇمكىن قاۋىپ-قاتەرلەرىنىڭ، سونداي-اق، ورتالىق ازيا ەلدەرىندە بولىپ جاتقان ساياسي جانە الەۋمەتتىك-ەكونوميكالىق ۇدەرىستەردىڭ كورىنىسىن تۇيسىنۋگە مۇمكىندىك تۋعىزادى. كونفەرەنسيانىڭ جوعارعى ستاتۋسى ساياسي جاڭعىرۋ، الەۋمەتتىك-ەكونوميكالىق، مادەني تۇرلەنۋلەر مەن سىرتقى ساياساتتاعى وزگەرىستەر سالالارىنداعى وزەكتى دەگەن ماسەلەلەر بويىنشا پىكىر الماسۋعا جانە سالماقتى سۇحبات ۇيىمداستىرۋعا قولايلى جاعداي تۋدىرادى.

كونفەرەنسياعا قازاقستان رەسپۋبليكاسى پرەزيدەنتى اكىمشىلىگىنىڭ، قازاقستان رەسپۋبليكاسى قاۋىپسىزدىك كەڭەسىنىڭ، قازاقستان رەسپۋبليكاسى سىرتقى ىستەر مينيسترلىگىنىڭ، «نۇر وتان» پارتياسىنىڭ باسشىلىعى، وزبەكستان رەسپۋبليكاسى پرەزيدەنتى جانىنداعى ستراتەگيالىق جانە ايماقارالىق زەرتتەۋلەر ينستيتۋتىنىڭ ديرەكتورى ۆلاديمير نوروۆ، ٴازىربايجان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ورتالىعىنىڭ ديرەكتورى فارحاد مامادوۆ، تاجىكستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ورتالىعى ديرەكتورىنىڭ ٴبىرىنشى ورىنباسارى سايفۋللو سافاروۆ، قىرعىز رەسپۋبليكاسى ۇلتتىق ستراتەگيالىق زەرتتەۋلەر ينستيتۋتى ديرەكتورىنىڭ ٴبىرىنشى ورىنباسارى المازبەك مۋسابەكوۆ، قىتاي زاماناۋي حالىقارالىق قاتىناستار اكادەمياسىنىڭ ورتالىق ازيا ينستيتۋتىنىڭ ديرەكتورى دين سياوسين، رەسەي سىرتقى ىستەر مينيسترلىگى ماسكەۋ مەملەكەتتىك حالىقارالىق قاتىناستار ينستيتۋتىنىڭ (ۋنيۆەرسيتەتى) ورتالىق ازيا جانە اۋعانستان ماسەلەلەرىن زەرتتەۋ ورتالىعىنىڭ ديرەكتورى اندرەي كازانسەۆ، «ما´no» زەرتتەۋ باستامالارى ورتالىعىنىڭ ديرەكتورى باحتييور ەرگاشەۆ (تاشكەنت)، «وركەنيەتتەر ديالوگى» ينستيتۋتى عىلىمي زەرتتەۋلەرىنىڭ جەتەكشىسى الەكسەي مالاشەنكو (موسكۆا)، مارك كارپيا اتىنداعى شىعىس زەرتتەۋلەر ورتالىعىنىڭ باس ساراپشىسى يولانتا دارچەۆسكايا (ۆارشاۆا)، سونداي-اق، قازاقستاننىڭ مەملەكەتتىك جانە تاۋەلسىز ساراپتامالىق قۇرىلىمدارىنىڭ جەتەكشى ساراپشىلارى، حالىقارالىق ۇيىمداردىڭ جاۋاپتى قىزمەتكەرلەرى، ديپلوماتيالىق ميسسيالاردىڭ باسشىلارى، ۇكىمەتتىك ەمەس ۇيىمداردىڭ وكىلدەرى قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي