BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

شەتەلدەگى قانداستارىمىزدىڭ 4000 وقۋشىسى ەلدەن كەلىپ ٴبىلىم الادى - تۇرىسبەكوۆ

استانا، baq.kz. بۇل تۋرالى دۇنيەجۇزى قازاقتارىنىڭ قاۋىمداستىعى ٴتوراعاسىنىڭ ورىنباسارى "قاسيەتتى قازاق ەلى" ونەر فەستيۆالى اياسىندا وتكەن كەزدەسۋدە ايتتى.

«بىزدە نازاربايەۆ ۋنيۆەرسيتەتىمەن قاتار، ونىڭ مەكتەپتەرى بار. قازاقستان بويىنشا 20 نازاربايەۆ زياتكەرلىك مەكتەبى (نزم) جۇمىس ىستەيدى. ولاردىڭ ٴبىلىم بەرۋ جۇيەسى ۇزدىك، ياعني حالىقارالىق ستاندارتقا ساي ەكەنى دە بەلگىلى. قازىرگى تاڭدا نزم-مەن كەلىسىم جاساپ جاتىرمىز. سول كەلىسىم نەگىزىندە كەلەسى جىلى 4 مىڭ قانداسىمىز، ياعني وقۋشىلار قازاقستانعا كەلىپ، نزم-دە وقيتىن بولادى. وسى جوبا اياسىندا الەمنىڭ تۇكپىر-تۇكپىرىندەگى باۋىرلارىمىزدى قامتيتىن بولامىز. ونداعى ماقسات - ٴبىلىم بەرۋدەن بولەك، ولاردى ٴوزىمىزدىڭ قازاق بالالارىمەن تانىستىرىپ، جاقىن ارالاستىرۋ. وسىعان ۇقساس بىزدە جىل سايىن 150 شەتەل قازاقتارىنىڭ بالالارى اقمولا وبلىسىنداعى «بالداۋرەن» جازعى لاگەرىندە دەمالادى»، - دەدى دۇنيەجۇزى قازاقتارى قاۋىمداستىعى ٴتوراعاسىنىڭ ٴبىرىنشى ورىنباسارى زاۋىتبەك تۇرىسبەكوۆ.

سونىمەن قاتار، زاۋىتبەك تۇرىسبەكوۆ ٴبىلىم بەرۋ جوباسى اياسىندا قانداستارىمىزعا ەلىمىزدىڭ كورىكتى جانە تاريحي جەرلەرىن كورسەتىپ، وتانعا دەگەن سۇيىسپەنشىلىكتەرىن ارتتىرۋ باعىتىنداعى شارالاردىڭ ۇيىمداستىرىلاتىنىن ايتتى.

ٴوز كەزەگىندە زاۋىتبەك قاۋىسبەك ۇلىنىڭ بۇل پىكىرى شەتتەگى قانداستارىمىزعا ۇلكەن قولداۋ بولاتىنىن، ٴۇلتتىقو رۋحانياتىمىزدى، قازاق ٴتىلىن مەڭگەرۋ، اتاجۇرتپەن ارالاستىق پەن ۇرپاق ساباقتاستىعى ماسەلەلەرىندە وزەكتى ەكەنى ايتىلدى.

ەستەرىڭىزگە سالا كەتەيىك، وسى كەزدەسۋ بارىسىندا قىرعىزستاننان كەلگەن قانداسىمىز ول ەلدە قازاق مەكتەبى جوق ەكەنى تۋرالى پىكىر ايتىپ، كومەك سۇراعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي