BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

رەسەي قازاقتارىنىڭ كىشى قۇرىلتايى وتەدى

استانا، baq.kz. 8 جەلتوقسان كۇنى «وتانداستار» قورى مەن دۇنيەجۇزى قازاقتارى قاۋىمداستىعى بىرلەسىپ، رەسەي قازاقتارىنىڭ فەدەرالدىق ۇلتتىق-مادەني اۆتونومياسىنىڭ كومەگىمەن ومسك قالاسىندا رەسەي قازاقتارىنىڭ ايماقتىق قۇرىلتايىن وتكىزەدى.

شاراعا دۇنيەجۇزى قازاقتارى قاۋىمداستىعى ٴتوراعاسىنىڭ ٴبىرىنشى ورىنباسارى زاۋىتبەك تۇرىسبەكوۆ قاتىسادى دەپ جوسپارلانۋدا.

"وندا تاريحي وتاننىڭ قازىرگى جاعدايى، الەۋمەتتىك-ەكونوميكالىق جانە قوعامدىق-ساياسي دامۋىنداعى جەتىستىكتەرى تۋرالى ايتىلىپ، دقق مەن «وتانداستار» قورىنىڭ بىرلەسكەن قىزمەتى جايىندا ايتىلادى. وتكەن جىلى ەلباسى تاپسىرماسىمەن قۇرىلعان «وتانداستار» قورىنىڭ ماقسات-مىندەتتەرى تۋرالى ايتىلادى. سونىمەن قاتار، مەملەكەت باسشىسىنىڭ «رۋحاني جاڭعىرۋ» باعدارلامالىق ماقالاسىندا ايتىلعان ۇلتتىق بىرەگەيلىكتى ساقتاۋعا باعىتتالعان قوردىڭ جوسپارلى جوبالارى دا وسى جيىندا ٴسوز بولادى" - دەلىنگەن قوردىڭ ٴباسپاسوز قىزمەتى.

«قاسيەتتى قازاقستان» عىلىمي-زەرتتەۋ ورتالىعى ديرەكتورىنىڭ ورىنباسارى باتىرحان جۇمابايەۆ، مەملەكەتتىك ٴتىلدى دامىتۋ قورىنىڭ ديرەكتورى ازات شاۋەەۆ قاتارلى قازاقستاندىق ماماندار دا وسى قۇرىلتاي قۇرامىندا بولادى.

"قۇرىلتايدا رەسەيدەگى قازاق دياسپوراسىنىڭ انا تىلىندە ٴبىلىم الۋى، مادەني-رۋحاني مۇرالاردى زەرتتەۋى جانە ىسكەرلىك دامۋى تۇرعىسىندا قولداۋ كورسەتەتىن جوبالاردى ىسكە اسىرۋدىڭ نەگىزگى باعىتتارىن تالقىلاۋ جوسپارلانىپ وتىر" - دەيدى ۇيىمداستىرۋشىلار.

رەسەيدەگى قازاقتاردىڭ سانى شامامەن 1 ميلليون ادامدى قۇرايدى. كوپشىلىگى قازاقستانمەن شەكارالاس ايماقتاردا تۇرادى. ەڭ ٴىرى قازاق دياسپورالارى استراحان، ورىنبور، ومسك جانە ساراتوۆ وبلىستارىندا ورنالاسقان. رەسەي حالىق ساناعى بويىنشا قازاقتار تاتار، باشقۇرت، شۋاس سىندى تۇركى ەتنوستارىنان كەيىن ٴتورتىنشى جانە رەسەيدىڭ جالپى ەتنوستارى ىشىندە ونىنشى بولىپ تۇر.

شەتەلدە تۇراتىن قازاقتاردىڭ كىشى قۇرىلتايلارى جىل سايىن قازاقستاننىڭ قوعامدىق دامۋ مينيسترلىگى قولداۋىمەن وتكىزىلەدى. شارا قازاق دياسپورالارىنىڭ ٴتول مادەنيەتىن، داستۇرلەرى مەن ادەت-عۇرىپتارىن ساقتاپ قالۋىنا باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي