BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

وزبەكستاندا اباي كەشى ٴوتتى

وزبەكستاننىڭ تەرمەز قالاسىندا قازاقتىڭ ۇلى اقىنى اباي قۇنانبايەۆتىڭ شىعارماشىلىعىنا ارنالعان «جاقسىلىق پەن دوستىقتىڭ جارشىسى» تاقىرىبىندا ادەبي كەش ٴوتتى، دەپ حابارلايدى baq.kz اقپارات اگەنتتىگى uza.uz سايتىنا سىلتەمە جاساپ.

اتالعان شارا «قازاقتىڭ ۇلى اقىنى جانە ويشىلى اباي قۇنانبايەۆتىڭ شىعارماشىلىعىن زەردەلەۋ جانە ونى ناسيحاتتاۋ تۋرالى» وزبەكستان پرەزيدەنتىنىڭ قاۋلىسىنا سايكەس ۇيىمداستىرىلعان.

مادەني شاراعا اقىن-جازۋشىلار، عالىمدار، ادەبيەت سۇيەر قاۋىم مەن ستۋدەنت جاستار جانە سول ەلدە تۇراتىن ەتنيكالىق قازاقتار قاتىستى.

«وزبەك پەن قازاق حالقى بۇرىننان جاقىن كورشى بولىپ، دوستىق پەن كەلىسىمدە ٴومىر سۇرگەن. دوستىق جانە ادەبي بايلانىستاردى نىعايتۋعا ابايدىڭ قوسقان ۇلەسى زور. ونىڭ مەيىرىمدىلىككە، ادالدىققا، دوستىققا، بەيبىتشىلىك پەن كەلىسىمگە ۇندەيتىن شىعارمالارىن ەلىمىزدە ۇلكەن سۇيىسپەنشىلىكپەن وقيدى. ونىڭ حالىق تىلىمەن جازىلعان «اندەرى» - ادەبيەت قورىندا لايىقتى ورىن تاپتى»، - دەپ جازادى اگەنتتىك.

ال وسى كەشتىڭ وتۋىنە مۇرىندىق بولعان سۋرحانداريا وبلىسىنىڭ اديب سوبير تەرمەزي اتىنداعى اقپاراتتىق-كىتاپحانالىق ورتالىعىنىڭ جەتەكشىسى م.ابدۋشۋكۋروۆ قازىرگى جاستاردىڭ اباي الەمىنە، اباي شىعارمالارىنا قىزىعۋشىلىق تانىتۋى قۋانتارلىق جاعداي ەكەنىن ايتادى.

«جاھاندانۋ زامانىندا جاستاردىڭ ابايدىڭ شىعارماشىلىعىنا قىزىعۋشىلىق ٴبىلدىرۋى وتە قۋانتادى. قازاق اقىنىنىڭ كوپقىرلى شىعارماشىلىعى جاستاردى وتانعا دەگەن ماحابباتقا، ۇلتتىق قۇندىلىقتاردى قۇرمەتتەۋگە ۇيرەتۋدە ۇلكەن ٴرول اتقارا بەرمەك»، - دەيدى م.ابدۋشۋكۋروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي