BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ومبىدا رەسەي قازاقتارىنىڭ كىشى قۇرىلتايى ٴوتىپ جاتىر

استانا، baq.kz. القالى جيىندا ەلباسىنىڭ بيىلعى جولداۋى، كورشى مەملەكەتتەگى باۋىرلارىمىزعا مادەني-رۋحاني جاردەم بەرۋ، وقۋ ٴبىلىم جاعىنان قولداۋ كورسەتۋ سىندى ماسەلەلەر قارالدى.

رەسەيدىڭ ومبى وبلىسى – قازاقتاردىڭ كوپتەپ قونىستانعان وڭىرلەرىنىڭ ٴبىرى. ونىڭ ۇستىنە قازاقستانمەن شەكارالاس ايماقتا ورنالاسقان. سوندىقتان اۋىلى ارالاس، قويى قورالاس دەۋگە دە بولادى. جالپى، رەسەي قازاقتارىنىڭ كىشى قۇرىلتايى بۇدان بىلاي جىل سايىن ۇيىمداستىرىلىپ تۇراتىن بولادى. ال سوڭعىسى وسىدان ٴۇش جىل بۇرىن ساراتوۆ قالاسىندا وتكەن ەكەن. ال بۇگىنگى جيىنعا رەسەيدىڭ 25 وڭىرىمەن قازاقستاننىڭ بىرنەشە وبلىستارىنان دەلەگاتتار قاتىسىپ، اسا ماڭىزدى دەگەن ماسەلەلەردى تالقىلاپ جاتىر. بولاشاقتا ەندى زەرتتەۋ جۇمىستارىمەن اينالىسۋعا دەن قويىلماق.

"العا قويعان ماقسات – 2019-2021 جىلدارى ەلىمىزدەن تىس، سىرتتا جاتقان تاريحي تۇلعالارىمىزعا بايلانىستى قاسيەتتى ورىنداردى دارىپتەۋ، زەرتتەۋ. اتاپ ايتاتىن بولسام، ەندى ٴبارىمىز بىلەتىن استراحاندا اتاقتى كۇي اتاسى قۇرمانعازىمىز بار. جاقىندا عانا يالتادا بايدوللا بوكەەۆ دەگەن جاڭگىرحاننىڭ بالاسى بار. ول تۇڭعىش گەنارال بولعان. تۇمەن وبلىسىندا يشيم قالاسىندا باۋبەك باتىرىمىز بار. سونىڭ بارلىعىن تولىققاندى زەرتتەۋگە وسى قاۋىمداستىق سەبەپكەر بولىپ جانە وسىنداعى رەسەيدەگى قازاقتار ٴوز كومەگىن تيگىزسە ەكەن دەپ كەلىپ وتىرمىز" - دەيدى «قاسيەتتى قازاقستان» عىلىمي-زەرتتەۋ ورتالىعى ديرەكتورىنىڭ ورىنباسارى باتىرحان جۇمابايەۆ.

ايتا كەتۋ قاجەت، بۇگىندە ومبى وبلىسى – قازاقيلىقتىڭ قايماعى بۇزىلماعان ٴوڭىر. ٴقازىر مۇندا 100 مىڭعا جۋىق قانداسىمىز تۇرادى. ادەت-عۇرپىمىز بەن مادەنيەتىمىزدى ساقتاپ قالۋعا بارلىق جاعداي جاسالعان. ٴتىپتى ۇلتتىق قۇندىلىقتارىمىزدى دارىپتەيتىن بىرنەشە ورتالىق تا بار. ال مۇنداعى مەكتەپتەردە قازاق ٴتىلى ٴپانى شەتى ٴتىلى رەتىندە وقىتىلا باستاعان. ايتا كەتۋ قاجەت، اتالعان شارانى وتكىزۋگە «وتانداستار» قورى مەن دۇنيەجۇزى قازاقتارى قاۋىمداستىعى مۇرىندىق بولىپ وتىر.

ەستەرىڭىزدە بولسا، بۇعان دەيىن كىشى قۇرىلتايدىڭ وتەتىنى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي