BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

جىل باسىنان بەرى استانالىق كلينيكالارعا 62،1 ملرد تەڭگە تولەندى

فوتو: promesta.ru

جىل باسىنان بەرى «ٴامسق» استانا قالاسى بويىنشا فيليالى مەديسينالىق مەكەمەلەرگە تۇرعىندارعا كورسەتكەن قىزمەتتەرى ٴۇشىن 62،1 ملرد تەڭگە تولەدى. بۇل سوما كەپىلدەندىرىلگەن تەگىن مەديسينالىق كومەك كولەمى شەڭبەرىندە قىزمەت كورسەتۋ تۋرالى جالپى قۇنى 86،6 ملرد تەڭگەگە بەكىتىلگەن كەلىسىمشارتتار سوماسىنىڭ شامامەن 72%ٴ-ىن قۇرايدى، دەپ حابارلايدى baq.kz اقپارات اگەنتتىگى.

قازىرگى تاڭدا قالالىق فيليالدىڭ مەديسينالىق قىزمەتتەردى جەتكىزۋشىلەر تىزىمىندە 82 مەكەمە بار، ولارمەن ستاسيونارلىق كومەك، العاشقى مەديسينالىق-سانيتارلىق كومەك، كونسۋلتاتيۆتى-دياگنوستيكالىق كومەك، جەدەل جاردەم، جوعارى تەحنولوگيالىق مەديسينالىق قىزمەتتەر جانە تاعى باسقا قىزمەت تۇرلەرى بويىنشا 115 كەلىسىم شارت بەكىتىلگەن. جەتكىزۋشىلەر تىزىمىندەگى 46 مەديسينالىق ۇيىم - جەكەمەنشىك. وتكەن جىلمەن سالىستىرعاندا جەكەمەنشىك ەمحانالاردىڭ سانى تاعى 10-عا ارتتى. ال ٴۇش جەكە مەنشىك مەديسينالىق ۇيىممەن كەلىسىمشارت بۇزىلدى. بارلىق قىزمەتتەر تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە كورسەتىلەدى. استانالىق جەتكىزۋشىلەردىڭ تولىق ٴتىزىمى قوردىڭ fms.kz سايتىندا ورنالاسقان.

«ٴامسق» كەاق استانا قالاسى بويىنشا فيليالىنىڭ ديرەكتورى ن.كابدىقاپاروۆتىڭ ايتۋىنشا، مەديسينالىق ۇيىمدارعا اقى تولەۋ كەستەگە ساي ٴجۇرىپ جاتىر. بولىنگەن قاراجات مەديسينالىق ۇيىمداردىڭ وپەراسيالىق شىعىندارىن وتەۋگە، ونىڭ ىشىندە قىزمەتكەرلەردىڭ جالاقىسىن تولەۋگە جەتكىلىكتى.

«قور اپتا سايىن ستاسيونارلىق جانە ستاسيونارالماستىرۋشى مەديسينالىق كومەك كورسەتەتىن ۇيىمداردىڭ قىزمەتتەرىنىڭ ساپاسىنا ەلەكتروندى باسقارۋ جۇيەسى ارقىلى مونيتورينگ جۇرگىزەدى. ايتا كەتەرلىگى، مونيتورينگ جۇرگىزۋ حالىق اراسىندا سۇرانىسقا يە مەديسينالىق قىزمەت ٴتۇرىن انىقتاۋعا دا مۇمكىندىك بەرەدى»، - دەيدى ن. قابدىقاپاروۆ.

مەديسينالىق قىزمەتتەردى پايدالانۋشىلار تاراپىنان جەتكىزۋشىنىڭ قىزمەتىنە نەمەسە كورسەتىلگەن قىزمەت ساپاسىنا قاتىستى ارىز تۇسكەن جاعدايدا، فيليال قىزمەتكەرلەرى جوسپاردان تىس مونيتورينگ وتكىزەدى.

ەستەرىڭىزگە سالا كەتسەك، مەديسينالىق ساقتاندىرۋ قورى تەگىن مەديسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديسينالىق ساقتاندىرۋ پاكەتتەرى جانە ۇكىمەت بەلگىلەگەن شەڭبەردە تۇرعىندار ٴۇشىن قىزمەتتەردى ساتىپ الۋشى قارجى وپەراتورى بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي