BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

جاقسىلىق دوسقاليەۆ ٴمايىتتىڭ دونور بولۋىنا تۇسىنىستىك تانىتۋدى سۇرادى

بۇرىنعى دەنساۋلىق ساقتاۋ ٴمينيسترى، قازىرگى رەسپۋبليكالىق ترانسپلانتاسيا بويىنشا كوورديناسيالىق ورتالىقتىڭ باسشىسى جاقسىلىق دوسقاليەۆ ٴمايىتتىڭ دونور بولۋىنا تۇسىنىستىكپەن قاراۋدى سۇرادى، دەپ حابارلايدى baq.kz اقپارات اگەنتتىگى tengrinews.kz سايتىنا سىلتەمە جاساپ.

ول ميى ولگەن ادامنىڭ كەمىندە بەس ادامنىڭ ٴومىرىن ۇزارتۋعا اتسالىساتىنىن ايتىپ ٴوتتى. سول سەبەپتى، دوسقاليەۆتىڭ ۇندەۋى نەگىزىنەن مارقۇمداردىڭ تۋىسقاندارى مەن جاقىندارىنا باعىتتالعان.

«قازاقستاندىقتار مەن وتانداستارىما ۇندەۋ جولداعىم كەلەدى. ادامنىڭ ميى نەمەسە ٴوزى ولگەندە وعان اعزالارى قاجەت ەمەس. ونىڭ جانى اسپانعا ۇشادى، ال ٴمايىتى جەر قوينىنا تاپسىرىلادى. ٴبىراق ولگەن ادام كەمىندە بەس ادامنىڭ ٴومىرىن ۇزارتا الادى. بۇل جەردە باۋىر، بۇيرەك، جۇرەك، وكپە جانە ۇيقى بەزى سىندى اعزالار تۋرالى ايتىلىپ تۇر. دارىگەر ادامنىڭ ميى ٴولدى، ونىڭ اعزاسى باسقالاردىڭ ٴومىرىن ۇزارتا الادى دەگەن كەزدە، قازاقستاندىقتاردىڭ دۇرىس شەشىم قابىلدايدى دەگەن نيەتتەمىن. قازاقستاندىقتاردىڭ مەنى دۇرىس تۇسىنگەندەرىن، مارقۇمنىڭ اعزاسىن وزگە ناۋقاستارعا بەرۋگە كەلىسكەندەرىن قالايمىن»، - دەيدى ول.

قازىرگى ساتتە قازاقستاندا 2 523 ادام بۇيرەك (ونىڭ ٴ51-ى بالالار)، 532 ادام باۋىر (ولاردىڭ 9-ى بالالار)، 130 ادام جۇرەك (ولاردىڭ 16-سى بالالار) جانە 11 ادام وكپە كۇتىپ ٴجۇر.

«مارقۇمنىڭ اعزالارىن باسقا ادامدارعا بەرۋگە كەلىسكەن اتا-انالار، اعا-اپكەلەر الدىندا باسىمدى يەمىن»، - دەيدى جاقسىلىق دوسقاليەۆ.

ەستەرىڭىزگە سالا كەتسەك، دونوردىڭ مىنەز ەرەكشەلىگى ترانسپلانتاسيا كەزىندە رەسيپيەنتكە قانشالىقتى بەرىلۋى مۇمكىن ەكەنىنە قاتىستى اقپاراتتى بولىسكەن ەدىك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي