BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

جابىق تۋبەركۋلەزدى ەمدەۋدىڭ ٴتيىمدى ٴتاسىلى تابىلدى

تۋبەركۋلەزگە قارسى قولدانۋعا بولاتىن جاڭا ەم جاھاندىق ەپيدەميامەن كۇرەسۋگە سەپتىگىن تيگىزە الادى، دەپ جازادى baq.kz اقپارات اگەنتتىگى the guardian باسىلىمىنا سىلتەمە جاساپ.

بۇگىنگى تاڭدا الەم حالقىنىڭ تورتتەن ٴبىرى تۋبەركۋلەز جۇقتىرعان. ال 2016 جىلى الەم بويىنشا 10،4 ميللمون ادام تۋبەركۋلەزدىڭ جابىق تۇرىمەن اۋىرسا، بۇل اۋرۋدان 1،7 ميلليون ادام قازا تاپقان.

عالىمداردىڭ ايتۋىنشا، جاڭادان تابىلعان ەم ٴتۇرى تۋبەركۋلەزدىڭ جابىق ٴتۇرىن ٴقاۋىپسىز ٴارى از ۋاقىتتا ەمدەۋگە كومەكتەسە الادى، سونداي-اق جاھاندىق ەپيدەميانىڭ ارتۋىن باسەڭدەتەتىن بولادى.

عالىمدار بالالار مەن ەرەسەكتەرگە زەرتتەۋ جۇرگىزىپ، بۇرىنعىعا قاراعاندا كەرى اسەرى از پرەپارات ويلاپ تاپتى. بۇگىنگى تاڭدا بۇكىل الەمدە تۋبەركۋلەزدىڭ جابىق ٴتۇرىن ەمدەۋگە قولدانىلاتىن دارىگە قاراعاندا بۇل ٴتيىمدى ٴارى ەمدەۋ ۋاقىتى بۇرىنعىداي توعىز اي ەمەس، ٴتورت ايعا دەيىن قىسقارعان.

كاناداداعى ماكگيلل ۋنيۆەرسيتەتىنىڭ دەنساۋلىق ورتالىعى العاش رەت جۇرگىزگەن زەرتتەۋ بۇكىل الەمدەگى جاعدايعا نەگىزدەلىپ وتىر. مامانداردىڭ ايتۋىنشا، بۇگىنگى تاڭدا الەم حالقىنىڭ تورتتەن بىرىندە تۋبەركۋلەزدىڭ جابىق ٴتۇرى كەزدەسەدى. ٴبىراق بۇگىنگى تاڭدا پرەپاراتتاردى تىم ۇزاق ۋاقىت پايدالانۋ ەمدەلۋشىلەردىڭ باۋىرىنا كەرى اسەرىن تيگىزەدى.

لاتەنتتى تۋبەركۋلەزدى جۇقتىرعان ادامدار وزدەرى اۋىرماسا دا، ينفەكسيانى باسقالارعا جۇقتىرا الادى. جالپى، تۋبەركۋلەز ەپيدەمياسىمەن كۇرەسۋدە ايتارلىقتاي پروگرەسس بايقالمايدى. بۇكىلالەمدىك دەنساۋلىق ساقتاۋ ۇيىمىنىڭ مالىمەتتەرىنە سەنسەك، 2016 جىلى 10،4 ميلليون تۋبەركۋلەز جۇقتىرعاندار تىركەلىپ، بۇل اۋرۋدان 1،7 ميلليون ادام قايتىس بولعان.

سولتۇستىك امەريكادا لاتەنتتى تۋبەركۋلەزدى ەمدەۋ توعىز اي بويى يزونيازيدا اتتى پرەپارات كۋرسىنا نەگىزدەلگەن. ال بۇكىلالەمدىك دەنساۋلىق ساقتاۋ ۇيىمى ماماندارى شىعىندى ازايتۋ ٴۇشىن التى ايلىق ەم كۋرسىن ۇسىنادى. ال ريچارد مەنزيس اتتى پروفەسسور، زەرتتەۋ اۆتورىنىڭ ايتۋىنشا،پرەپاراتتى ٴتورت اي، التى اي نەمەسە توعىز اي قولدانساڭ دا، ونىڭ باۋىرعا كەرى اسەرى كوپ.

«پروفيلاكتيكا رەتىندە دەنى ساۋ ادامدار وسى دارىلەردى ىشۋگە ٴماجبۇر. ٴبىراق بۇل ٴوز كەزەگىندە ولاردىڭ باۋىرىن زاقىمدايدى. ەمدەلۋشىلەرگە دە، دارىگەرلەرگە دە بۇل پروسەسس ۇنامايدى دەپ ويلايمىن»، - دەيدى ول.

عالىمدار جۇرگىزگەن زەرتتەۋ بارىسىندا تۋبەركۋلەزدىڭ جابىق تۇرىمەن اۋىراتىن ەرەسەكتەر مەن بالالارعا ريفامپين دەپ اتالاتىن انتيبيوتيك سالىنعان. مەديسينالىق جۋرنالداردىڭ بىرىندە جاريالانعان ماقالادا ٴريفامپيندى ٴتورت اي قولدانۋ ٴيزونيازيدتى توعىز اي قولدانعانمەن بىردەي اسەر ەتكەن.

«بۇل زەرتتەۋ ارقىلى ٴبىز ٴيزونيازيدتىڭ مۇلدەم قاجەت ەمەس ەكەنىن دالەلدەپ وتىرمىز. مەنىڭ ويىمشا، پروفيلاكتيكادا قاۋىپسىزدىك ٴبىرىنشى ورىندا بولۋى كەرەك»، - دەيدى مەنزيس.

ەرەسەكتەرگە ارنالعان زەرتتەۋگە ٴيزونيازيدتى توعىز اي قابىلداعان 3400 ادام قاتىسقان. سونىمەن قاتار تۋرا وسىنشا ادام ٴتورت اي بويى ريفامپيسينمەن ەمدەلگەن. ال بالالار زەرتتەۋىنە ٴارقايسىسىنا ٴتورت ٴجۇز ادامنان قاتىستىرىلعان.

«ٴقاۋىپسىز التەرناتيۆا باردا يزونيازيدتەن باس تارتقانىمىز ٴجون»، - دەيدى مەنزيس.

ونىڭ ايتۋىنشا، كۆەبەكتە تۋبەركۋلەزگە قارسى ەم قابىلداۋ بارىسىندا كوپتەگەن ەمدەلۋشىلەردىڭ كەم دەگەندە جىلىنا بىرەۋى باۋىر اۋىستىرۋ وپەراسياسىنا جۇگىنگەن. ال دامىعان مەملەكەتتەر كوبىنە تۋبەركۋلەزدىڭ جابىق تۇرىمەن ەمەس، اشىق تۇرىمەن بەلسەندى كۇرەس جۇرگىزەدى.

مەنزيس اقش پەن كانادادا تۋبەركۋلەزدى ەمدەۋدىڭ باسشىلىق پرينسيپتەرىن بەكىتۋگە قاتىسقان. ول ەندى بۇل زەرتتەۋلەردى بۇكىلالەمدىك دەنساۋلىق ساقتاۋ ۇيىمى ەسكەرەدى دەپ ۇمىتتەنىپ وتىر. سونداي-اق، عالىمنىڭ ايتۋىنشا، زەرتتەۋ ناتيجەلەرىنە جاپونيا مەن اۆستراليا قىزىعۋشىلىق تانىتىپتى.

اعىلشىن تىلىنەن اۋدارعان التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي