BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

تۇماۋعا قارسى ەكپەنىڭ باعاسى بەلگىلى بولدى

فوتو: ашық дереккөзден

بۇگىن قر دسم قوعامدىق دەنساۋلىق ساقتاۋ كوميتەتىنىڭ ٴتوراعاسى جانداربەك بەكشين استانا قالاسىنىڭ №9 ەمحاناسىندا تۇماۋعا قارسى ۆاكسينا سالدىردى. وسىلايشا، ەلىمىزدىڭ باس سانيتار دارىگەرى ەكپە ناۋقانىن باستادى، دەپ حابارلايدى baq.kz ٴتىلشىسى.

جانداربەك بەكشين رەسەيدە وندىرىلگەن "گريپپول+" ۆاكسيناسىن سالعىزدى.

"جىل سايىن تۇماۋعا قارسى ۆاكسينالار شتاممى جاڭارىپ وتىرادى. 2018-2019 جج. ەپيدماۋسىمدا دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمى بويىنشا ەلىمىزدە قولدانىلاتىن ۇشۆالەنتتى ۆاكسينانىڭ قۇرامىندا تۇماۋدىڭ ٴۇش شتاممى بولادى. ولار - ميچيگان، سينگاپۋر مەن كولورادو شتامدارى. ال مەن سالعىزعان ەكپە ٴۇش شتامعا دا قارسى əرەكەت ەتەدى"، - دەدى بەكشين.

ونىڭ ايتۋىنشا، 2018 جىلى بيۋدجەت قاراجاتىنا رەسەيدە وندىرىلگەن "گريپپول+" ۆاكسيناسىنىڭ 1.5 ملن دوزاسى 1 ملرد 200 ملن تەڭگەگە ساتىپ الىندى. بۇل ۆاكسينا بيىل كەزدەسەتىن شتامدارعا قارسى əرەكەت ەتەتىن بولادى. ودان باسقا قازاقستاندا 3 ٴوندىرۋشىنىڭ تۇماۋعا قارسى تاعى 4 ۆاكسيناسى تىركەلگەن. بۇل "ۆاكسيگريپ"، "ۆاكسيگريپ تەترا" (فرانسيا)، "ينفليۋۆاك" (نيدەرلاندى) جəنە تۇماۋعا قارسى ۆاكسينا (قىتاي).

"ٴبىز بيىل ەل بويىنشا جاپپاي ەگۋ شاراسىن 1 قازاندا باستايمىز. ال كەيبىر وڭىرلەر ودان دا ەرتە باستاۋى مۇمكىن. قازىرگى تاڭدا بارلىق وبلىسقا ۆاكسينا جەتكىزىلدى. ۆاكسيناسيالاۋ ماۋسىمى قاراشا، قاجەت بولسا، جەلتوقسانعا دەيىن سوزىلۋى مۇمكىن. وسى ۋاقىتتا قازاقستاندىقتاردىڭ 10 پايىزى تەگىن ۆاكسيناسيالانادى. ەگۋ حالىقتىڭ ەڭ "ٴقاۋىپتى" توپتارىنان باستالادى. ياعني، بىرىنشىدەن، ٴجيى اۋىراتىن، سوزىلمالى، جۇرەك، وكپە، تىنىس جولدارى دەرتىنە شالدىققان بالالارعا سالامىز. ودان كەيىن مەديسينا قىزمەتكەرلەرىنە جəنە əلەۋمەتتىك مەكەمەدە (بالالار ۇيىمدارى، مۇگەدەكتەر ٴۇيى) تۇراتىن ادامدارعا تەگىن جاسايمىز"، - دەدى جانداربەك بەكشين.

ماماننىڭ ايتۋىنشا، تۇماۋدىڭ الدىن الۋ ماقساتىندا ٴəربىر ادام قالاۋى بويىنشا اقىلى تۇردە ەكپە جاساتا الادى. ەگۋ جەكەمەنشىك ۆاكسيناسيالاۋ ورتالىقتارىندا، تۇرعىلىقتى جەرى بويىنشا ەگۋ كابينەتتەرىندە جۇرگىزىلەدى. ۆاكسيناسيا جاسايتىن مەديسينالىق مەكەمەلەردىڭ مەكەنجايلارى تۇرعىلىقتى جەرى بويىنشا اۋماقتىق قوعامدىق دەنساۋلىق ساقتاۋ دەپارتامەنتتەرىنىڭ جəنە دەنساۋلىق ساقتاۋ باسقارمالارىنىڭ سايتتارىندا ورنالاستىرىلادى. ٴəرتۇرلى وڭىردەگى اقىلى ەگۋ كابينەتتەرىندە تۇماۋعا قارسى ۆاكسينانىڭ قۇنى 1600-3500 تەڭگە ارالىعىندا قۇبىلادى.

ٴسوز سوڭىندا جانداربەك بەكشين ەلىمىزدە جىل سايىن 500 مىڭنان 1 ميلليونعا دەيىن ٴجىتى رەسپيراتورلىق ينفەكسيا جاعدايى تىركەلەتىنىن ەسكە سالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي