BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

تۇماۋعا قارسى ەگۋ شارالارى 1 قازاندا باستالادى

فوتو: jodantipyrin.ru

يممۋنداۋ ناۋقانى تۇماۋمەن قوسا، ٴجىتى رەسپيراتورلىق ۆيرۋستىق ينفەكسيالاردان قورعاۋ ماقساتىندا جۇرگىزىلەدى، دەپ حابارلايدى baq.kz اقپارات اگەنتتىگى 24kz سايتىنا سىلتەمە جاساپ.

وعان بيۋدجەتتەن 1 ملرد 200 ملن تەڭگە كولەمىندە قارجى ٴبولىندى. بيىل رەسەيدىڭ «گريپپول» ۆاكسيناسى سالىنادى. ٴقازىر ونىڭ 1،5 ملن دوزاسى جەتكىزىلدى. ودان وزگە ەلىمىزدە تۇماۋعا قارسى تاعى 4 ٴتۇرلى ۆاكسينا تىركەلگەن. بۇل تۋرالى قوعامدىق دەنساۋلىق ساقتاۋ كوميتەتىنىڭ ٴتوراعاسى جانداربەك بەكشين حابارلادى.

ونىڭ ايتۋىنشا، بىلتىرعى ماۋسىمدا تۇماۋمەن 2 مىڭنان اسا ادام اۋىرىپ، بىرەۋى قايتىس بولعان. الەم بويىنشا جىل سايىن 500 مىڭنان اسا ادام كوز جۇمادى ەكەن. ەلىمىزدىڭ باس سانيتار دارىگەرى سۋىق تيگەندە وزدىگىنەن انتيبيوتيكتەردى قولدانباۋعا شاقىردى. اۋىرعان جاعدايدا مىندەتتى تۇردە دارىگەرگە كورىنۋگە كەڭەس بەردى. بۇگىن بەكشيننىڭ ٴوزى دە ۆاكسينا سالدىرتتى.

«ٴبىز ەگۋدى ەڭ ٴقاۋىپتى حالىقتىڭ توپتارىندا جۇرگىزەمىز. ول ٴجيى-جيى اۋىراتىن وكپە، جۇرەك اۋرۋىمەن اۋىراتىن بالالار، سودان سوڭ مەديسينالىق قىزمەتكەرلەر. ٴۇشىنشىسى الەۋمەتتىك ۇيلەردە تۇراتىن مۇگەدەكتەر مەن الەۋمەتتىك قىزمەتكەرلەر»، - دەيدى قر دسم قوعامدىق دەنساۋلىق ساقتاۋ كوميتەتىنىڭ ٴتوراعاسى جانداربەك بەكشين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي