BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

تۇماۋ ماۋسىمى جاقىنداپ كەلەدى – دسم

فوتو: ашық дереккөзден

جرۆي-نىڭ، (تۇماۋعا ۇقساس اۋرۋلاردىڭ) جانە تۇماۋدىڭ ەپيدەميولوگيالىق ماۋسىمى 2018 جىلعى قازاندا باستالىپ، 2019 جىلعى مامىرعا دەيىن سوزىلادى، دەپ حابارلايدى baq.kz اقپارات اگەنتتىگى دەنساۋلىق ساقتاۋ مينيسترلىگىنە سىلتەمە جاساپ.

قازاقستاندا 2018-2019 جىلداردىڭ الداعى ەپيدماۋسىمىندا دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمى بويىنشا قازاقستاندا قولدانىلاتىن ۇشۆالەنتتى ۆاكسينانىڭ قۇرامىنا ەنگىزىلگەن تۇماۋدىڭ ٴۇش شتاممى بولادى: a (h1n1) - ميچيگان، a (h3n2) – سينگاپۋر، سونداي-اق b – كولورادو (لينيا b/victoria).

ەسكە سالا كەتسەك، وتكەن ەپيماۋسىمدا تۇماۋدىڭ 3 ۆيرۋسى: a (h1n1)، a (h3n2)، سونداي-اق ۆ ۆيرۋسى اينالىمدا قاتار بولدى.

مامانداردىڭ ايتۋىنشا، جىل سايىن تۇماۋعا قارسى ۆاكسينالار شتاممى جاڭارىپ وتىرادى. ەگۋ وتكەن ماۋسىمدا اينالىمدا بولعان ۆيرۋستاردىڭ كومەگىمەن جۇرگىزىلەدى. جۇقتىرۋدىڭ الدىن الۋدىڭ وسى ٴادىسىنىڭ تيىمدىلىگى ۆاكسينالار قانشالىقتى بولجاناتىن شتاممدى قۇرۋىنا بايلانىستى.

«تۇماۋ ينفەكسياسىنىڭ دامۋىنىڭ ٴبىرقاتار ەرەكشەلىكتەرى بولادى. تۇماۋدىڭ ٴبىرىنشى بەلگىلەرى ورگانيزمگە تۇسكەن ۆيرۋستىڭ كولەمىنە، ادامنىڭ يممۋندىق جۇيەسىنىڭ جاعدايىنا، ۆيرۋستىڭ تيپىنە بايلانىستى. اۋرۋ ينكۋباسيالىق كەزەڭنەن باستالادى. جۇقتىرۋدان باستاپ ٴبىرىنشى بەلگى پايدا بولعانعا دەيىن بىرنەشە ساعاتتان بىرنەشە كۇنگە دەيىن وتەدى (ورتاشا ەسەپپەن 2-4 كۇن). اۋرۋدىڭ بەلگىلەرى وتە ٴجىتى باستالادى، سوندىقتان، پاسيەنت اۋرۋ بەلگىلەرىنىڭ باستالۋىن كوبىنەسە ناقتى اتاي المايدى»، - دەلىنگەن حابارلامادا.

قوعامدىق دەنساۋلىق ساقتاۋ كوميتەتىنىڭ اقپاراتى بويىنشا قازاقستاندا قازان ايىنان باستاپ تۇرعىنداردىڭ 10%-ى ۆاكسيناسيالانادى. 2018 جىلى بيۋدجەت قاراجاتىنا رەسەيدە وندىرىلگەن «گريپپول +» ۆاكسيناسىنىڭ 1،5 ملن. دوزاسى 1 ملر. 200 ملن.تەڭگەگە ساتىپ الىندى. ۆاكسينا a (h3n2) جانە a (h1n1) جانە ۆ تۇماۋ شتاممدارىنىڭ انتيگەندەرىن قامتيدى. ودان باسقا قازاقستاندا 3 ٴوندىرۋشىنىڭ تۇماۋعا قارسى تاعى 4 ۆاكسيناسى تىركەلگەن. بۇل «ۆاكسيگريپ» جانە «ۆاكسيگريپ تەترا» فرانسيا)، «ينفليۋۆاك»، (نيدەرلاندى) جانە تۇماۋعا قارسى ۆاكسينا (قىتاي)، ولاردى ارنايى الدىن الۋ رەتىندە پايدالانۋعا بولادى.

«وتكەن ماۋسىم بۇرىنعى ماۋسىمدارعا قاراعاندا تۇماۋ ۆيرۋستارى اينالىمىنىڭ كەش باستالۋىمەن ەرەكشەلەنىپ، العاشقى ٴبىرلى-جارىم جاعداي استانا قالاسىندا قازان ايىنىڭ سوڭىندا تىركەلگەن. تۇماۋ ۆيرۋستارىنىڭ بەلسەندى اينالىمى قر بارلىق اۋماعىندا قاڭتار ايىنىڭ باسىندا انىقتالدى جانە تۇماۋعا وڭ سىنامالاردىڭ ەڭ كوپ سانى اقپان ايىندا تىركەلدى. 2017-2018 جىلداردىڭ ەپيدماۋسىمىندا رەسپۋبليكا بويىنشا جرۆي-نىڭ 530 مىڭ جاعدايى، ونىڭ ىشىندە تۇماۋدىڭ لابوروتورلىق نەگىزدە 2118 جاعدايى تىركەلگەن بولاتىن»، - دەلىنگەن حابارلامادا.

تۇماۋدان باسقا قازاقستاندا تۇماۋ ەمەس ۆيرۋستار اينالىمدا بولادى. وتكەن ماۋسىمدا بارلىعى 3 مىڭعا جۋىق ۇلگى زەرتتەلدى، ول وتكەن ماۋسىممەن سالىستىرعاندا 1،6 ەسەگە كوپ، ونىڭ ىشىندە 4%-دا وڭ ناتيجە انىقتالدى (1146 جاعداي). نەگىزىنەن، رينوۆيرۋس، رس ۆيرۋس، ادەنوۆيرۋستىق ينفەكسيا، پاراگريپپ، مەتاپنەۆموۆيرۋس، بوكاۆيرۋس ينفەكسيا انىقتالادى.

ەستەرىڭىزگە سالا كەتەيىك، الدىن الۋ ماقساتىندا ٴاربىر ادام قالاۋى بويىنشا تۇماۋعا قارسى اقىلى تۇردە ەگۋ الۋىنا بولادى. ەگۋ حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى ورگاننىڭ رۇقساتى بار جەكەمەنشىك ۆاكسيناسيالاۋ ورتالىقتارىندا، تۇرعىلىقتى جەرى بويىنشا ەگۋ كابينەتتەرىندە جۇرگىزىلەدى. ٴارتۇرلى وڭىرلەردەگى اقىلى ەگۋ كابينەتتەرىندە تۇماۋعا قارسى ۆاكسينانىڭ قۇنى - 1600 تەڭگەدەن باستاپ 3500 تەڭگە ارالىعىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي