BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

توماش بەرنارد پەتا: ابورت جاساتۋعا رۇقسات بەرۋ – ناعىز گەنوسيد!

استانا، baq.kz. استانادا «قازاقستاننىڭ وركەنيەتارالىق جانە كونفەسسياارالىق ديالوگقا قوسقان ۇلەسى» تاقىرىبىندا ٴوتىپ جاتقان كونفەرەنسيادا ەلورداداعى اۋليە ماريا ريمدىك-كاتوليكتىك ارحيەپارحياسىنىڭ ارحيەپيسكوپى توماش بەرنارد پەتا بۇگىندە قازاقستان قوعامىندا تالقىلانىپ جاتقان «ابورت ماسەلەسىنە» قاتىستى پىكىرىن ٴبىلدىردى.

"ايەل ادامنىڭ قۇرساعىنا بىتكەن بالا تۇلعا دەپ سانالماسا دا، ول – ەڭ الدىمەن جان يەسى. ال، تىرشىلىك يەلەرىن شەتىنەن ٴولتىرۋ تاريحتا لەنين، گيتلەر ەسىمدەرىمەن قاتار اتالادى. سوندا ارى تازا قازاق حالقىنىڭ بۇگىنگى قوعامى كامەلەتكە تولماعان قىزداردىڭ ابورت جاساۋىنا وپ-وڭاي رۇقسات بەرىپ قويسا، مۇنداي قىلمىستىڭ ۇلكەن ٴتۇرىنىڭ بۇرىنعى گەنوسيدتەردەن ايىرماسى قانداي؟ ٴبىز، ەپيسكوپتار، كۇردەلى ماسەلەنىڭ سالدارىمەن بۇلاي كۇرەسۋگە قارسىمىز. ەندەشە، قوعام بولىپ بۇعان قارسىلىعىمىزدى ٴبىلدىرۋىمىز قاجەت. قازاقتاردىڭ دۇنيەتانىمى، رۋحاني جىگەرىنىڭ مۇنداي وزەكتى پروبلەمانى باسقاشا شەشۋگە قاۋقارى جەتپەي مە؟ كەرىسىنشە، الەمدە بەيبىتشىلىك پەن كەلىسىمدى ناسيحاتتاپ وتىرعان مەملەكەت ٴۇشىن بۇل ۇلكەن كەمشىلىك بولار ەدى دەپ ەسەپتەيمىز"،-دەيدى ت.پەتا.

ول كامەلەت جاسقا جەتپەگەن قىزداردىڭ ابورت جاساۋىنا رۇقسات بەرۋگە قارسىلىقتارىن اشىق ٴبىلدىرۋ ماقساتىندا قر دەنساۋلىق ساقتاۋ مينيسترلىگىنە دەيىن ۇندەۋ جاساپ جاتقانىن جانە مۇنداي سوراقىلىققا بيلىك وكىلدەرىنىڭ جول بەرمەۋى كەرەكتىگىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي