BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

تەگىن دارى-دارمەك بويىنشا بايلانىس ورتالىعىنىڭ قىسقا ٴنومىرى ىسكە قوسىلدى

فوتو: Kolobok.ua

استانا، baq.kz. ٴبىرىڭعاي ديستريبيۋتوردىڭ سايتىندا 2019 جىلدىڭ 1 قاڭتارىنان باستاپ ەلەكتروندى انىقتامانى ىسكە قوسۋ جوسپارلانۋدا. بۇل تۋرالى «سك-فارماسيا» جشس ٴباسپاسوز قىزمەتى حابارلايدى.

حالىقتى تەگىن دارىلەرمەن قامتاماسىز ەتۋ ماسەلەلەرى بويىنشا ەمدەلۋشىلەرگە ىڭعايلى بولۋ ٴۇشىن بايلانىس ورتالىعىندا 1439 ٴبىرىڭعاي قىسقا ٴنومىرى ىسكە قوسىلدى. ەندى قازاقستاننىڭ تۇكپىر-تۇكپىرىندەگى ەمدەلۋشىلەر كەز-كەلگەن قالالىق تەلەفوننان 1439 قىسقا نومىرىنە تەگىن قوڭىراۋ شالا الادى. بايلانىس ورتالىعىنىڭ وپەراتورلارى ديسپانسەرلىك تىركەۋدە تۇرعان جانە تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە امبۋلاتورلىق ەمدى الاتىن ەمدەلۋشىلەرگە تەگىن بوساتىلاتىن قاجەتتى دارى-دارمەكتەردى جەتكىزۋ مەرزىمدەرى، كولەمدەرى مەن جوسپارلانعان كۇنى تۋرالى اقپاراتتى بەرەدى.

ٴبىرىڭعاي ديستريبيۋتور «سق-فارماسيا» جشس باسقارما ٴتوراعاسىنىڭ مىندەتىن اتقارۋشى بەرىك ٴشارىپتىڭ ايتۋىنشا، بايلانىس ورتالىعىنىڭ قىسقا ٴنومىرىن ىسكە قوسۋ – بۇل دەنساۋلىق ساقتاۋدى سيفرلاندىرۋ شەڭبەرىندە كومپانيا جۇزەگە اسىرىپ وتىرعان بىرنەشە جوبالاردىڭ ٴبىرى. تاعى ٴبىر جوبا، دارىلەردى جەتكىزۋ تۋرالى ەمدەلۋشىلەردى حاباردار ەتۋ ٴۇشىن جوسپارلانعان – بۇل ەمحانالاردا تەگىن دارىلەردىڭ بولۋى بويىنشا ٴبىرىڭعاي ەلەكتروندى انىقتاما.

«انىقتاما ەمدەلۋشىلەردىڭ وزدەرىنە ونلاين رەجيمدە دارىلىك قامتاماسىز ەتۋ بويىنشا بارلىق دەرەكتەردى: قانداي دارى-دارمەكتەرگە مەديسينالىق ۇيىم ٴوتىنىم ورنالاستىردى، وندا قاشان جانە قانداي كولەمدە دارىلەر ٴتۇستى، قازىرگى كەزدە ولاردىڭ بولۋىن، سونداي-اق دارىلەردىڭ كەلەسى جەتكىزۋ مەرزىمىن كورۋگە مۇمكىندىك بەرەدى»، - دەپ اتاپ ٴوتتى بەرىك ٴشارىپ.

جوبانى ٴبىرىڭعاي ديستريبيۋتوردىڭ سايتىندا 2019 جىلدىڭ 1 قاڭتارىنان باستاپ ىسكە قوسۋ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي