BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

سوڭعى جىلدارى تۋبەركۋلەزدەن كوز جۇمعاندار سانى 5،4 ەسەگە تومەندەگەن – مالىك ادەنوۆ

فوتو: Автор

2000 جىلداردىڭ باسىندا جىل سايىن 4 مىڭداي ادام تۋبەركۋلەزدەن ولسە، وتكەن جىلى بۇل كورسەتكىش 540 قۇرادى. بۇل جايىندا قازاقستان رەسپۋبليكاسى فتيزيوپۋلمونولوگيا ۇلتتىق عىلىمي ورتالىعىنىڭ ديرەكتورى ماليك ادەنوۆ باق وكىلدەرىمەن كەزدەسۋ بارىسىندا ايتتى، دەپ حابارلايدى baq.kz ٴتىلشىسى.

باس دارىگەر سوڭعى 10 جىلدا تۋبەركۋلەزبەن اۋرۋاتىندار 2،4 ەسەگە تومەندەگەنىن، جىل سايىن 6-7 پايىزعا ازايىپ وتىرعاندىعىن جەتكىزدى.

«ورتالىق ازيا مەن رەسەي ەلدەرىن الىپ قارايتىن بولساق ولاردا مۇنداي تومەندەۋ جوق. حالىقارالىق كونفەرەنسيادا بۇل كورسەتكىش رەسەيدە جىلىنا 1،5-2% عانا قۇراپ وتىرعاندىعى ايتىلدى. سوڭعى جىلدارى بۇل اۋرۋدان كوز جۇمعاندار كورسەتكىشى 5،4 ەسەگە تومەندەگەن. 2000 جىلداردىڭ باسىندا جىل سايىن 4 مىڭداي ادام ولسە، وتكەن جىلى بۇل كورسەتكىش 540 قۇرادى. بۇعان قالاي قول جەتكىزدىك دەگەنگە كەلسەك، 1998 جىلى تۋبەركۋلەزگە قارسى پرەزيدەنتتىڭ بۇيرىعى شىقتى جانە 1999 جىلدان باستاپ قازاقستان بۇل دەرتكە قاجەتتى بارلىق دارى-دارمەكتى ساتىپ الۋعا كوشتى، ياعني ناۋقاستار 100% مەملەكەت تاراپىنان ەمدەلدى. كەز-كەلگەن ادامنان بۇل اۋرۋدىڭ ٴتۇرى بايقالسا وعان قاجەتتى بارلىق ەمدى جاسايمىز»، - دەيدى ول.

سونىمەن قاتار ول اۋرۋدى العاشقى دياگنوستيكالىق انىقتاۋ ماسەلەسى ۇلكەن ماڭىزعا يە ەكەندىگىن ايتىپ ٴوتتى.

«ٴقازىر ەلىمىزدىڭ بارلىق ايماعىندا تۋبەركۋلەزدى 2 ساعاتتا انىقتايتىن وزىق تەحنولوگيا ەنگىزىلگەن. 2013 جىلعا دەيىن ٴبىز ساراپتامالاردى ەكى جارىم ايداي كۇتەتىنبىز. ناۋقاستى ستاندارتتى تۇردە ەمدەپ، وعان ناقتى دياگنوز قويا المايتىنبىز. ٴقازىر ەكى ساعاتتا ناۋقاستىڭ سىلەكەيىن تەكسەرۋ ارقىلى تۋبەركۋلەزدىڭ بار-جوقتىعى انىقتالادى جانە قانداي ٴتۇرى ەكەندىگى دە بەلگىلى بولادى. بۇل ادىستەر ٴتيىمدى ٴارى ناقتى ەم قابىلداۋدا ۇلكەن ماڭىزعا يە»، - دەيدى ورتالىق ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي