USD 335.71 EUR 357.36 RUB 5.23
استانا:

شقو اۋىلدىق اۋرۋحانالارىنىڭ جابدىقتارى جاڭارتىلاتىن بولادى

شىعىس قازاقستان وبلىسىنىڭ اۋىلدىق دارىگەرلەرىنىڭ ساپالى مەديسينالىق كومەك كورسەتۋىنە جانە اۋرۋلاردى ۋاقتىلى انىقتاۋىنا جاڭا مەديسينالىق جابدىقتار ٴوز سەپتىگىن تيگىزبەك. جىل سوڭىنا دەيىن «پارىز» قايىرىمدىلىق قورىنىڭ قارجىسىنا ەكى مىڭعا جۋىق ٴتۇرلى تەحنيكا بىرلىگى ساتىپ الىنادى.

بۇل جونىندە شقو دەپۋتاتتارىنىڭ جانە قوعامدىق كەڭەس مۇشەلەرىمەن وتكەن كەڭەستە بەلگىلى بولدى. انىقتالعانداي، شىعىس قازاقستاننىڭ 80 پايىز اۋرۋحانالارى قاجەت جابدىقتارمەن قامتىلعان. كەيبىر اۋرۋحانالاردا وتكەن عاسىردىڭ ٴ70-شى جىلدارىندا شىعارىلعان تەحنيكا قولدانىلىپ ٴجۇر.

بۇل جاعداي وبلىس اكىمى دانيال احمەتوۆتىڭ بەرگەن تاپسىرماسىمەن ٴوز شەشىمىن تاپتى. ياعني اۋىلدىق جەرلەردە ساپالى مەديسينالىق كومەك كورسەتىلۋ ٴۇشىن قۇرال-جابدىقتاردى جاڭارتۋ قاجەتتىلىگى. مەديسينالىق مەكەمەلەرگە ٴبىر جارىم ميللياردتى قۇرايتىن ەكى مىڭداي ٴتۇرلى تەحنيكالىق جابدىقتار قاجەت. قارجى «پارىز» قايىرىمدىلىق قورىمەن بولىنەتىن بولادى.

اتالمىش قاجەتتىلىكتى انىقتاۋ كەزىندە شقو دەنساۋلىق ساقتاۋ باسقارماسى ٴاربىر مەديسينالىق مەكەمەدە تەحنيكامەن قولدانا الاتىن ماماندار ٴتىزىمىن ەسكەرگەن.

- ماماندارداردىڭ مۇمكىندىگىن ەسكەرە وتىرىپ، قاجەتتىلىكتى انىقتادىق. كۇردەلى جابدىقتار ماماندار جۇمىس ىستەي الاتىن مەكەمەلەرگە ساتىپ الىناتىن بولادى. بۇگىنگى تاڭدا اۋىلدىق دارىگەرلەر كوبىنەسە گەنەكولوگياعا قاجەت قاراپايىم دارىگەر قوبديشاسىنا، تارازى مەن ولشەۋ جابدىقتارىنا ٴزارۋ. ونىمەن ٴاربىر مەديسينا قىزمەتكەرى قولدانا الادى، - دەدى شقو دەنساۋلىق ساقتاۋ باسقارما باسشىسىنىڭ مىندەتىن اتقارۋشى عاليا جۋاسبايەۆا.

ايتا كەتسەك، شقو-دا دارىگەر ماماندار تاپشىلىعى 103 ادامدى قۇراپ وتىر، ونىڭ ىشىندە ٴ22-سى اۋىلدىق جەرلەرگە قاجەت. بۇگىنگى تاڭدا جوعارى سۇرانىسقا يە ماماندار، ولار – اكۋشەر-گينەكولوگتار، انەستەزيولوگتار جانە ساۋلەلى تەراپيا ماماندارى. بيىلعى جىلى مەديسينالىق وقۋ ورىندارىنىڭ 89 تۇلەگى شىعىس قازاقستاننىڭ اۋىلدارىنا جۇمىسقا ورنالاستى، ونىڭ 9-ىنا قىزمەت پاتەرلەرى بەرىلدى، 9-ى نەسيە الىپ، ٴ47-ى الەۋمەتتىك پاكەتكە يە بولدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي