BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

شىعىس قازاقستاندا مەديسينالىق انىقتامالار قىمباتقا ساتىلىپ كەلگەن

فوتو: molnet.ru

ايماقتىڭ ٴبىرقاتار اۋداندارىندا دەنساۋلىق ساقتاۋ سالاسىنداعى مەملەكەتتىك قىزمەتتىڭ تالاپتارى ساقتالماي كەلگەن، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

مۇنداي قىزمەتتەردىڭ قاتارىنا الدىن الا جانە مىندەتتى مەديسينالىق تەكسەرۋدەن ٴوتۋ دە كىرەدى. ورەسكەل ٴتارتىپ بۇزۋشىلىقتى وبلىستىق پروكۋراتۋرا انىقتادى.

مىسالى، 086 فورماسىنداعى انىقتامانى بەرۋ كەزىندە ستاندارتقا ەنگىزىلمەگەن دارىگەرلەردىڭ (دەرماتولوگ، گينەكولوگ، پسيحياتر، ناركولوگ) ەڭبەكاقىلارى شىعىندار قاتارىنا قوسىلىپ وتىرعان. ناتيجەسىندە نەگىزسىز كوتەرىلگەن باعامەن 600 مىڭداي ادامعا قىزمەت كورسەتىلىپتى.

وبلىستىق پسيحونەۆرولوگيالىق ديسپانسەردە جۇرگىزۋشى كۋالىگىن الۋ كەزىندە وتەتىن مەديسينالىق تەكسەرۋدىڭ باعاسىنا زەرتحاناشى، سانيتار، مەدبيكە مەن كاسسيردىڭ ەڭبەكاقىسى قوسىلعان. سول سەبەپتى 083 فورماسىنداعى مەديسينالىق انىقتامانىڭ باعاسى 1060 تەڭگەگە قىمباتتاپ كەتكەن.

«وبلىستىڭ 19 مەديسينالىق مەكەمەسىنىڭ باس دارىگەرلەرىنە زاڭدىلىقتىڭ بۇزىلۋىن جويۋ ۇسىنىلدى. جاۋاپتى تۇلعالار تارتىپتىك جاۋاپكەرشىلىككە تارتىلادى. ال مەديسينالىق انىقتامالاردىڭ باعاسى 30 پايىزعا تومەندەدى»، - دەپ حابارلادى پروكۋراتۋرادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي