BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

شىعىس قازاقستاندا ايەل دەنساۋلىعىنا ارنالعان ورتالىق اشىلادى

فوتو: evmax.kiev.ua

استانا، baq.kz. شىعىس قازاقستان وبلىسىندا گينەكولوگيا ورتالىعى اشىلادى. بۇل تۋرالى altaynews.kz سايتى حابارلايدى.

وندا ايەل دەنساۋلىعى بويىنشا رەسپۋبليكاداعى جەتەكشى ماماندارمەن بىرگە عىلىمي جۇمىستار جۇرگىزىلەدى

جاڭا مەديسينالىق مەكەمەنى 2019 جىلى وسكەمەندەگى انا مەن بالا ورتالىعىنىڭ بازاسىندا سەمەي قالاسىنان اشۋ جوسپارلانىپ وتىر.

گينەكولوگيالىق ورتالىقتىڭ اشىلۋى حالىققا مەديسينالىق قىزمەت كورسەتۋ ساپاسىنىڭ ٴۇشىنشى دەڭگەيدەن تورتىنشىسىنە وتەۋ پروسەسسىن جەدەلدەتە تۇسپەك. وندا ايەل دەنساۋلىعى بويىنشا رەسپۋبليكاداعى جەتەكشى ماماندارمەن بىرگە عىلىمي جۇمىستار جۇرگىزىلەتىن بولادى.

«بۇل ٴبىزدىڭ دارىگەرلەردىڭ مەديسينالىق ٴبىلىمىنىڭ دەڭگەيىن كوتەرگە سەپتىگىن تيگىزەدى جانە جالپى مەديسينانى كەڭىنەن زەرتتەۋگە مۇمكىندىك بەرەدى»، - دەيدى وبلىستىق دەنساۋلىق ساقتاۋ باسقارماسىنىڭ باسشىسى مارات شورانوۆ.

ونىڭ ايتۋىنشا، وبلىستاعى انا مەن بالا ورتالىعى قاجەتتى تەحنيكالارمەن جابدىقتالعان جانە ەلىمىزدەگى ۇزدىك مەديسينالىق مەكەمەلەردىڭ ٴبىرى بولىپ تابىلادى. ورتالىقتىڭ ماتەريالدىق-تەحنيكالىق بازاسى ٴالى دە كەڭەيتىلەدى ەكەن. مۇنداعى قۇرال-جابدىقتار كلينيكالىق جانە عىلىمي زەرتتەۋلەردى جۇرگىزۋدە پايدالانىلماق. سونداي-اق، پەدياتريا سالاسىندا دا انا مەن بالا ورتالىعىنىڭ مۇمكىندىكتەرى كەڭەيە تۇسەدى.

تاعى ٴبىر ايتا كەتەتىن جاڭالىق، كەلەر جىلدان باستاپ دەنساۋلىق ساقتاۋ باسقارماسى اۋداندىق مەديسينالىق ەكەمەلەردى دە قاجەتتى تەحنيكامەن جادبىقتاپ، ونداعى قىزمەت كورسەتۋ ساپاسىن ەكىنشى دەڭگەيگە جەتكىزۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي