BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

سەمەيدە ميدىڭ قاتەرلى ىسىگىنە كۇردەلى وتا جاسالدى

فوتو: bmcudp.kz

7 ماۋسىمدا سەمەي قالاسىنىڭ مەملەكەتتىك مەديسينا ۋنيۆەرسيتەتىنىڭ گوسپيتالىندە يننوۆاسيالىق ادىسپەن تاعى ٴبىر ٴساتتى وتا جاسالدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

49 جاستاعى ازاماتشا، گوسپيتالگە باسسۇيەك-مي جاراقاتى كۇدىگىمەن تۇسكەن. انىقتالعانداي، ول ەستەن تانىپ قۇلاعان كورىنەدى. الايدا كومپيۋتەرلىك توموگراف باس ميىنىڭ سول جاق ساماي بولىگىندە كولەمدى ىسىكتىڭ بار ەكەنىن انىقتاپتى. ناۋقاستىڭ ٴجيى ەستەن تانۋىنا دا سول سەبەپ بولعان. وسىعان بايلانىستى ەكى كەزەڭدى وتا جۇرگىزۋ شەشىمى قابىلداندى. العاشقىسىندا باستىڭ كۇرە تامىرلارىنا ەمبوليزاسيالاۋ امالدارىن قولداندى. شيىرشىق تاسىلىمەن ىسىكتىڭ ۇلعايۋىنا سەبەپكەر تۇتىكشەلەر جابىلىپ، قان اينالىمى ۋاقىتشا توقتاتىلدى. بۇل ەكىنشى وتانى جاساۋدا قاندى جوعالتۋعا جول بەرمەدى.

وسى ٴادىستىڭ وڭىرىمىزدە ەنگىزىلگەنىنە كوپ ۋاقىت بولعان جوق. ايتسە دە ماماندار ونىڭ ناتيجەلەرى جامان ەمەس ەكەنىن ايتادى. ٴبىرىنشى وپەراسيا ۋنيۆەرسيتەت گوسپيتالىنىڭ رەنتگەنەندوۆاسكۋليارلىق زەرتحاناسىندا جۇرگىزىلدى. ول جوعارى ساناتتاعى نەيروحيرۋرگ دارىگەر تولەۋعالي قويشىبايەۆتىڭ جەتەكشىلىگىمەن ٴوتتى.

سوڭعى كەزەڭدە حالاتتىلار ناۆيگاسيالىق جۇيەنىڭ كومەگىمەن قاتەرلىك ىسىكتى الىپ تاستادى. ونىڭ وشاعى قان تامىرلارى ورنالاسقان ميدىڭ اينالاسىندا بولعان-دى. ناۆيگاسيالىق جۇيە — مي قان تامىرلارىنا زاقىم كەلتىرمەۋگە سەپتىگىن تيگىزدى.

وسىلايشا ناۋقاس نەۆرولوگيالىق تاپشىلىقتان امان قالىپتى. اتالمىش جۇيە كوپتەگەن مۇمكىندىكتەر بەرەدى. ماسەلەن وسى ارقىلى رەنتگەن سۋرەتتەرىنەن سىرقات وشاعىنىڭ 3d مودەلى جوبالانادى ەكەن. وتانى ٴتيىمدى جۇرگىزۋدە مۇنىڭ پايداسى مول. ەكىنشى وپەراسيانى بىلىكتى مامان، جوعارى ساناتتتاعى نەيروحيرۋرگ دارىگەر التاي كۋلتۋمانوۆ جاساعانىن ايتا كەتۋ كەرەك.

«ٴقازىر ازاماتشا ەسىن جيىپ، جاعدايى قالىپقا كەلەدى»، — دەپ اتاپ ٴوتتى اق حالاتتىلار. ەندى ول وڭالتۋ كەزەڭىنەن ٴوتىپ، نەيروحيرۋرگتەردىڭ باقىلاۋىندا بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي