BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ساراپشىلار: انتيبيوتيكتەردى باقىلاۋسىز قابىلداماڭىز

قازىرگى كەزدە ٴارتۇرلى توپتاعى جانە اسەر ەتۋ سپەكترى كەڭ كوپتەگەن انتيبيوتيكتەر شىعارىلادى. اۋرۋلاردى تۋدىراتىن باكتەريالار ەمدەۋ كەزىندە قولدانىلاتىن انتيبيوتيكتەرگە قارسى رەزيستەنتتى (ٴتوزىمدى) بولا باستايدى. بۇل انتيميكروبتىق رەزيستەنتتىلىك دەپ اتالاتىن كادىمگى بەيىمدەلۋ پروسەسى. ونىڭ دامۋى انتيبيوتيكتەردىڭ اسەر ەتۋ مەرزىمىنىڭ شەكتەۋلى ەكەندىگىن، ال ولاردى ورىنسىز جانە نەگىزسىز قولدانىلۋى انتيبيوتيكتەرگە رەزيستەنتتى باكتەريالاردىڭ پايدا بولۋىنا جانە تارالۋىنا اكەلەتىنىن بىلدىرەدى، دەپ حابارلايدى baq.kz اقپارات اگەنتتىگى قر دسم قوعامدىق دەنساۋلىق ساقتاۋ ۇلتتىق ورتالىعىنا سىلتەمە جاساپ.

انتيميكروبتىق رەزيستەنتتىلىك پروبلەماسى پاسيەنتتەرگە ۇلكەن نۇقسان كەلتىرەدى: ۆيرۋستار، باكتەريالار، زەڭدى قوزدىرعىشتار، قاراپايىمدىلار جانە گەلمينتتەر تۋدىراتىن ينفەكسيالىق اۋرۋلار ۇيرەنشىكتى پرەپاراتتارمەن ەمدەۋگە كەلمەيدى.

ٴبىر جاعىنان، انتيبيوتيكتەردى دۇرىس ەمەس قولدانۋ ادامداردىڭ ولاردى تۇماۋعا جانە سۋىق تييۋگە قارسى قولدانۋىمەن تۇسىندىرىلەدى. تۇماۋ جانە سۋىق تييۋ، سونداي-اق كوپتەگەن انگينا جانە برونحيت جاعدايلارى باكتەريالارعا ەمەس، ۆيرۋستارعا بايلانىستى، سوندىقتان مۇنداي جاعدايلاردا انتيبيوتيكتەردى قابىلداۋ اۋرۋدان جازدىرماي، پايدادان گورى زيان اكەلەدى. ويتكەنى انتيبيوتيكتەر ەمدەۋگە ٴتوزىمدى كەلەتىن قوزدىرعىشتار تۋدىرعان ينفەكسيانىڭ ارى قاراي دامۋ ٴقاۋىپىن ارتتىرادى.

مىناداي قادامدار جاساعان ماڭىزدى:

  • انتيبيوتيكتەردى دارىگەردىڭ رەسەپتىسىنسىز ساتىپ الماڭىز.
  • دارىگەردىڭ انتيبيوتيكتەرتى ٴار ينفەكسيالىق اۋرۋ كەزىندە تاعايىنداۋىن كۇتپەڭىز. كوپتەگەن رەسپيراتورلىق ينفەكسيالاردى، ونىڭ ىشىندە سۋىق ٴتييۋدى جانە تۇماۋدى ۆيرۋستار تۋدىرادى. انتيبيوتيكتەر تەك قانا باكتەريالى ينفەكسيالداردى عانا ەمدەيدى; ەگەر ولار ٴسىزدىڭ اۋرۋىڭىزعا كومەكتەسپەسە، وندا بۇل دارىلەردىڭ قاجەتى بولمايدى، ال ولاردى قولدانۋ بۇدان كەيىن ٴسىزدىڭ جاعدايىڭىزدى قيىنداتۋى مۇمكىن.
  • ەگەر سىزگە انتيبيوتيك تاعايىنداسا، ولاردى دارىگەردىڭ نەمەسە فارماسەۆتتىڭ نۇسقاۋلارىنا سايكەس قابىلداڭىز. ٴوزىڭىزدى جاقسى سەزىنە باستاساڭىز دا، تاعايىندالعان ەمدەۋ كۋرسىن اياعىنا دەيىن جەتكىزىڭىز. ەگەر ٴسىز مۇنى جاساماساڭىز، ينفەكسيا قايتادان پايدا بولۋى مۇمكىن.
  • باسقا ادامعا تاعايىندالعان نەمەسە باسقا اۋرۋ كەزىندە تاعايىندالعان دارىلەردى قابىلداماڭىز.
  • ينفەكسيانىڭ الدىن الۋعا تىرىسىڭىز. قولىڭىزدى ۇنەمى جۋىپ ٴجۇرىڭىز جانە ٴوز وتباسىڭىزدىڭ مۇشەلەرىنە جانە ارىپتەستەرىڭىزگە سولاي ىستەۋگە كەڭەس بەرىڭىز.
  • ۆاكسيناسيالاۋ ارقىلى كەيبىر باكتەريالى ينفەكسيالاردىڭ الدىن الۋ ماڭىزدى قادام بولىپ تابىلادى.

ەسىڭىزدە بولسىن

  • انتيبيوتيكتەر ٴاردايىم قاجەت بولمايدى.
  • ولاردى شامادان تىس قابىلداۋ جانە دۇرىس ەمەس قولدانۋ انتيبيوتيكتەرگە توزىمدىلىككە اكەلەدى.
  • انتيبيوتيكتەرگە توزىمدىلىك اۋرۋلاردى سوزادى جانە ٴولىم جاعدايلارىنىڭ سانىن ارتتىرادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي