BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

سانيتارلىق دارىگەر حالىقتى مەرزىمى وتكەن، دۇرىس ساقتالماعان ازىق-تۇلىك تۋرالى حابارلاۋعا شاقىردى 

فوتو: ОКҚ

بۇگىن ورتالىق كوممۋنيكاسيالار قىزمەتىندە وتكەن بريفينگ بارىسىندا قر دسم قوعامدىق دەنساۋلىق قورعاۋ كوميتەتىنىڭ ٴتوراعاسى، باس مەملەكەتتىك سانيتارلىق دارىگەر جانداربەك بەكشين حالىقتى تۇتىنۋشىلىق ساۋاتتىلىق تانىتىپ، ازىق-تۇلىكتىڭ مەرزىمى ٴوتۋى، دۇرىس ساقتالماۋى فاكتىلەرى بويىنشا كوميتەتكە حابارلاسۋعا شاقىردى، دەپ حابارلايدى baq.kz ٴتىلشىسى.

«انتيبيوتيكتەردىڭ قالدىقتى كولەمىن انىقتاۋ بويىنشا باقىلاۋ جۇرگىزۋ ماقساتىندا ەت كونسەرۆىلەرى، شۇجىق ونىمدەرى، قۇس ەتى ونىمدەرى، ٴسۇت ونىمدەرىنىڭ 2600 سىناماسىنا زەرتتەۋ جۇرگىزىلدى. سونىڭ ىشىندە، 11 سىنامادا لەۆوميسيتين مەن تەتراسيكلين توبىنداعى انتيبيوتيكتەر قۇرامىنىڭ شەكتى شامادان جوعارى بولۋى انىقتالعان»، - دەدى ول.

ج.بەكشيننىڭ بەرگەن مالىمەتىنە سايكەس، 37 توننا ٴقاۋىپتى ٴونىمنىڭ كوزى جويىلىپ، 500 كگ بۇرمالانعان ٴونىم ساتىلىمنان الىنعان.

«بارلىق انىقتالعان فاكتىلەر بويىنشا 37 توننادان استام ٴقاۋىپتى ٴونىمنىڭ كوزى جويىلدى، 0،5 توننا بۇرمالانعان ٴونىم ساتىلىمنان شىعارىلدى، سونداي-اق، 1،5 ملن تەڭگەگە ايىپپۇل سالىنىپ، زاڭ بۇزۋشىلىقتاردى جويۋ تۋرالى 62 ەسكەرتۋ بەرىلىپ، جالپى 249 جوسپاردان تىس تەكسەرۋ جۇرگىزىلدى. وسى ورايدا حالىقتى مەرزىمى وتكەن، تاڭبالانۋى جوق، دۇرىس ساقتالماعان سەكىلدى زاڭ بۇزۋشىلىقتار ورىن السا، بىزگە حابارلاسىپ، ازاماتتىق بەلسەندىلىك تانىتۋعا شاقىرامىن. بۇل حالىقتىڭ تۇتىنۋشىلىق ساۋاتتىلىعىن ارتتىرار ەدى»، - دەپ ۇندەۋ تاستادى كوميتەت ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي