BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

سانيتارلىق باس دارىگەر ىشەك اۋرۋىن تۋدىراتىن ٴقاۋىپتى تاعامدى اتادى 

جاز مەزگىلىندە ميكرواعزالار تەز داميتىن ٴبىرقاتار تاعامدار ىشەك اۋرۋىن تۋدىرۋعا، ۋلانۋعا اسا ٴقاۋىپتى بولىپ تابىلادى. بۇل جونىندە قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا قر دسم قوعامدىق دەنساۋلىق ساقتاۋ كوميتەتىنىڭ ٴتوراعاسى، باس سانيتارلىق دارىگەر جانداربەك بەكشين مالىمدەدى، دەپ حابارلايدى baq.kz ٴتىلشىسى.

«كۇننەن-كۇنگە ىشەك اۋرۋلارىنىڭ سانى كوبەيىپ بارا جاتىر. بۇل جىلدا بولاتىن جاعداي. سەبەبى، بۇل ماۋسىمدىق اۋرۋلار تۇرىنە جاتادى. ٴبىزدىڭ قوعامدىق دەنساۋلىق ساقتاۋ كوميتەتى قازاقستاندا بار 99 ينفەكسياعا جانە شەت ەلدەن تۋريستەر الىپ كەلۋى مۇمكىن بەزگەك، مالياريا، سەكىلدى ينفەكسيالارعا كۇن سايىنعى مونيتورينگ جۇرگىزىپ وتىرادى. قازاقستاندىقتار تم ەلدەرى اراسىندا شەت ەلگە شىعۋ كورسەتكىشى بويىنشا ەكىنشى ورىندا تۇر. بۇل ٴبىزدى ٴبىر شەتىنەن قۋانتسا، ەكىنشى جاعىنان، ساق بولۋعا شاقىرادى. ٴقازىر ەلدەگى ەپيدەميولوگيالىق جاعداي تۇراقتى. 9 نوزولوگيا بويىنشا، ياعني، ٴسىبىر مەرەزى، مالياريا، وبا، ٴىش سۇزەگى سەكىلدى اۋرۋلار تىركەلىپ وتىرعان جوق. سول سياقتى، تۋبەكۋلەز اۋرۋىنا شالدىعۋ جاعدايى 7،3% تومەندەدى»، - دەدى باس سانيتارلىق دارىگەر.

بەكشيننىڭ بەرگەن مالىمەتىنە سايكەس، تەرى لەيشمانيوزعا شالدىعۋ 44 ەسە، برۋسەللەز 17،4 ەسە، باكتەريالىق ديزەنتەريا 13% تومەندەگەن.

«جاز مەزگىلىندە ىشەك اۋرۋلارىنا شالدىعۋ، ۋلانۋ سەكىلدى جاعدايلار ٴجيى ورىن الادى. وسى ماسەلەگە قاتىستى ەڭ الدىمەن ٴۇي جاعدايىندا تاماق دايىنداۋ جايىندا ايتقىم كەلەدى. بارلىق كەساپات وسى جەردەن باستالادى. سەبەبى، ٴۇي شارۋاسىنداعى جەكە گيگيەنا، دايىن جانە شيكى ازىق-تۇلىكتى ورنالاستىرۋ جانە ساقتاۋ تارتىپتەرى مەن مەرزىمى ساقتالمايدى. ىستىق اۋا رايى جاعدايىندا تاماقتى سالقىن ەمەس جەردە ٴبىر ساعاتتان استام ۋاقىتقا قالدىرۋعا بولمايدى. ٴتىپتى، توڭازىتقىشتىڭ وزىندە ول 6-12 ساعاتتان ارتىق ساقتالماۋى كەرەك»، - دەدى كوميتەت ٴتوراعاسى.

ول جاز مەزگىلىندە تاماقتى ارتىعىمەن ازىرلەمەۋگە كەڭەس بەردى. سەبەبى، توڭازىتقىشتا ساقتاۋلى تۇرعان تاماقتا دا ميكرواعزالار پايدا بولۋى مۇمكىن.

«اسا ٴقاۋىپتى تاعامدارعا نازار اۋدارعىم كەلەدى. بۇل ەڭ الدىمەن، مايونەز جانە قايماقپەن قوسىلعان سالاتتار. سەبەبى، ٴدال وسى تاعامداردا ميكرواعزالار وتە قارقىندى داميدى. سونىمەن قاتار، ارنايى ساقتاۋدى تالاپ ەتەتىن جانە جۇمىرتقانىڭ اعۋىزىمەن دايىندالعان كرەمدى تورتتار مەن تاتتىلەر دە ٴقاۋىپتى. ال، جەمىس-جيدەكتەن ەڭ الدىمەن قۇلپىنايعا كوڭىل ٴبولۋ كەرەك. سەبەبى، بۇل قيىن جۋىلاتىن جەمىستەر. ٴجۇزىمدى الدىمەن قايناعان سۋعا، ارتىنشا سودا قوسىلعان سۋعا ٴبىر سالىپ الىپ، سودان كەيىن تازا سۋمەن شايۋ كەرەك»، - دەپ كەڭەس بەردى بەكشين.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي